Firebird ընկերության արհեստական բանականության (ԱԲ) մեգանախագիծը, որը Հայաստանը դ…

Firebird ընկերության արհեստական բանականության (ԱԲ) մեգանախագիծը, որը Հայաստանը դիրքավորում է որպես Կովկասի տարածաշրջանի առաջատար ԱԲ գերհամակարգչային կենտրոն, անցնում է կառուցման և սարքավորումների տեղակայման եզրափակիչ փուլ։
ՀՀ ԲՏԱ նախարար Մխիթար Հայրապետյանը, տեխնոլոգիական համայնքի ներկայացուցիչներն ու լրատվամիջոցներն առաջին անգամ այցելեցին Հրազդանի մոտակայքում գտնվող ԱԲ տվյալների կենտրոն և Firebird-ի համահիմնադիր Ալեքսանդր Եսայանի ուղեկցությամբ շրջայց կատարեցին կառուցվող համալիրում՝ առաջին անգամ անմիջականորեն ծանոթանալով նախագծին՝ մինչև դրա գործարկումը։