⚖️ 2025 թվականին արցախցիների գույքային իրավունքի 657 դիմում է ներկայացվել ՄԻԵԴ. փաստաբան Արա Ղազարյան
📌 Այս մասին Ղազարյանն ասաց ԱԺ–ում «Արցախահայերի սոցիալ–տնտեսական, իրավական խնդիրները և լուծումներ» թեմայով ընդլայնված քննարկման ժամանակ։ Ղազարյանը համոզված է, որ արցախցիները վաղ թե ուշ ստանալու են ռեպարացիա` փոխհատուցում իրենց գույքի դիմաց` թեկուզ 10 կամ 20 տարի անց, և այդ մասին են վկայում միջազգային իրավունքում առկա բազմաթիվ օրինակները։
📣 Քննարկման ժամանակ Արցախի նախկին պետնախարար Արտակ Բեգլարյանը նշեց, որ արցախցիների առաջնային խնդիրը կարգավիճակն է: Ըստ նրա՝ գործող կարգավորումները, որոնցով արցախցիները զրկվեցին ՀՀ քաղաքացիությունից և ստացան սովորական փախստականի կարգավիճակ (ինչպես օտարերկրացիները), անհամարժեք են ստեղծված իրավիճակին:
📌 Խորհրդարանում մեկնարկած քննարկումը վերաբերում էր արցախցիների սոցիալ-տնտեսական, իրավական խնդիրներին։
Թողնել պատասխան