Category: Infocom

🇦🇲🇲🇪 Ազգերի լիգայի C2 խմբի երկրորդ տուրում Հայաստանի հավաքականը պարտվեց Մոնտենեգրոյին՝ 2-3 հաշվով։
📸 Լուսանկարը՝ ՀՖՖ-ի

🇾🇪 Եմենում համընդհանուր զորահավաք է հայտարարվել։
📄 Փաստաթղթի համաձայն՝ զորահավաքը հայտարարվում է «հութիների կողմից էսկալացիային դիմակայելու, քաղաքացիներին պաշտպանելու, հանրապետական կարգը պաշտպանելու, ինչպես նաև պետության ինքնիշխանությունը պահպանելու» նպատակով։
📌 Ոորոշումն ուժի մեջ է մտնում հրապարակման պահից և գործելու է մինչև դրա ընդունման պատճառների վերացումը։ |shantnews.am|

🪖 Զինծառայողի մահվան դեպքի առթիվ 1 անձ կալանավորվել է:
⚖️ Սեպտեմբերի 24-ին պայթյունի հետևանքով մահացած պայմանագրային զինծառայողի մահվան դեպքի առթիվ նախաձեռնված քրեական վարույթի շրջանակում 1 անձի նկատմամբ հարուցվել է հանրային քրեական հետապնդում: Նա կալանավորվել է:
[Քննչական կոմիտե]

🇪🇺🇦🇲 ԵԽԽՎ-ն, որ դիտարկել էր ՀՀ ԱԺ ընտրությունները, մտահոգիչ է համարել ԿԸՀ-ի կողմից «առանց հիմնավոր պատճառաբանության ընտրատեղամասերի արդյունքների անվավեր ճանաչումն ու կրկնակի քվեարկություն չնշանակելը»:
📌 Եվրոպացի դիտորդները ամփոփիչ զեկույցում առանձնացրել են, մասնավորապես, ընտրակաշառքը, քարոզարշավում վարչական ռեսուրսի չարաշահումը, խախտումների համար արդյունավետ, ժամանակին դատական պաշտպանության լուրջ թերությունները, ընդդիմադիր կուսակցության ընտրազանգվածի զրկումը ընտրական իրավունքից՝ խորհրդարանական լուրջ հետևանքներով։
🇷🇺 Զեկույցում բավականին ծավալուն անդրադարձ կա Ռուսաստանին, դիտորդները նշում են, որ «Մոսկվայի միջամտությունը և արտաքին տեղեկատվական գործողությունները հասել են աննախադեպ ծավալների». «Նախընտրական քարոզարշավի ընթացքում նկատվել է արտերկրից ուղղակի ճնշում՝ առևտրային սահմանափակումների ավելացման և անվտանգության սպառնալիքների տեսքով, որոնք նպատակ ունեին անհարկի ազդեցություն գործել ընտրողների վրա՝ հօգուտ ընդդիմադիր ուժերի»։ |azatutyun.am|

⚖️ Ծիծեռնակաբերդի խճուղում ենթակայանի հրդեհի դեպքով քրեական վարույթ է նախաձեռնվել:
📣 Քննչական կոմիտեից հայտնում են, որ վարույթը նախաձեռնվել է գույքի հրկիզման, պայթյունի կամ հանրավտանգ այլ եղանակով ոչնչացնելու կամ վնասելու հոդվածով, որն առանձնապես խոշոր չափերի գույքային վնաս է պատճառել։

📣 Առաջին ալիքը ներողություն է խնդրել 44-օրյայի տարելիցի օրը համերգ ցուցադրելու համար:
📌 «Սեպտեմբերի 27-ին Հանրային հեռուստաընկերության եթերում հեռարձակված ժամանցային համերգը սխալ էր, և մենք ամբողջությամբ ընդունում ենք դրա պատասխանատվությունը։
📌 Մենք չենք փորձելու տեղի ունեցածն արդարացնել ծրագրային, տեխնիկական կամ աշխատանքային հանգամանքներով։
Ներողություն ենք խնդրում կատարվածի համար։
📌 Վերանայվում են համապատասխան աշխատանքային ընթացակարգերը՝ նման դեպքերի կրկնությունը բացառելու համար»,- ասվում է հայտարարությունում:

🇮🇱 Իսրայելում 9-ամյա հայ երեխայի վրա հարձակված տղամարդը ձերբակալվել է:
📌 Կասկածյալը 22-ամյա տղամարդ է՝ Գանեյ-Մոդիին բնակավայրի բնակիչ, որը գտնվում է Երուսաղեմի մոտակայքում։ Բնակավայրում հիմնականում ապրում են ծայրահեղական հրեաներ։ |arm.sputniknews.ru|