Բանակը պետական արժեք է, ինձ համար առաջինը ՀՀ-ն է, պետականությունը, անկախությունը…

Բանակը պետական արժեք է, ինձ համար առաջինը ՀՀ-ն է, պետականությունը, անկախությունը և այդ պետականության ողնաշարը՝ բանակը, ԶՈՒ-ն, իսկ բանակը և ԶՈՒ-ն մարդիկ են․ Նիկոլ Փաշինյան
🗣 «Մենք պետք է շատ հստակ հայտարարենք, որ որդեգրում ենք հայրենասիրության այն մոդելը, որը մեր բանակին, մեր զինվորին առաջարկում է շատ կոնկրետ խնդիր՝ պահպանել և պաշտպանել միջազգայնորեն ճանաչված մեր սահմանների, մեր տարածքների անվտանգությունը:
🔸 ՀՀ ԶՈՒ առաջ Կառավարությունը, հանրությունը, պետությունը պետք է դնի միայն ու միայն միջազգայնորեն ճանաչված տարածքների պաշտպանության և անվտանգության խնդիր: Եվ այս հենքի վրա, այո՛, մենք իրականացնում ենք բանակի խորքային բարեփոխումներ, և այս հենքի վրա մենք ունենալու ենք ուժեղ, պաշտպանունակ բանակ: Այս պարագայում որևէ մեկը չի կարողանալու կասկածի տակ դնել պաշտպանունակ բանակ ունենալու մեր իրավունքը, որևէ մեկը կասկածի տակ չի կարող դնել բարեկեցիկ զինվորական ունենալու մեր իրավունքը, որևէ մեկը կասկածի տակ չի կարող դնել ուժեղ պետություն, բարեկեցիկ և զարգացած պետություն ունենալու մեր իրավունքը»,- հայտարարել է Փաշինյանը՝ ՀՀ ԶՈՒ կազմավորման 33-րդ տարեդարձի առիթով կազմակերպված միջոցառումից հետո կայացած նիստում։