Author: Suren Surenyants

Հարցազրույց LiveNews-ին
https://www.youtube.com/live/2KLAk-SqskU?si=4Yws0CtQSu641nMZ

⚡️⚡️⚡️Լարվածության աճ՝ Ստամբուլի բանակցություններից առաջ
Արևմտյան որոշ փորձագետներ կարծում են, թե Ուկրաինայի վերջին հարձակումները ռուսական ռազմաօդային բազաների վրա կարող են ուժեղացնել նրա դիրքերը բանակցություններում, որոնց հերթական ռաունդը տեղի է ունենալու վաղը՝ Ստամբուլի Չիրաղան պալատում:
Սակայն այս կարծիքն այնքան էլ համոզիչ չէ:
Իհարկե, Ուկրաինան շոշափելի վնաս է հասցրել ռուսական ռազմաբազաներին, ինչը, սակայն, էապես չի ազդում պատերազմի ընթացքի, ուժերի բալանսի վրա ու ավելին՝ Մոսկվային կարող է դրդել ավելի կոշտ դիրքորոշման ու գործողությունների։ Սա սովորաբար բանակցային գործընթացը դարձնում է ավելի բարդ ու քիչ փոխզիջումային։
Ըստ այդմ, Ստամբուլում առաջընթաց կարող է արձանագրվել միայն հումանիտար հարցերում, իսկ կողմերի կողմից առաջարկվող լուծումների անհամատեղելիությունը ու Կիևի երեկվա գործողությունները կարող են մեծացնել էսկալացիան պատերազմում:
Մեծ հաշվով, մնում եմ իմ կարծիքին՝ քանի ձգձգվում է բանակցային լուծումը, այնքան ավելի մեծանում է այն գինը, որը պետք է վճարի Ուկրաինան՝ պատերազմի ավարտի դիմաց:
Բաժանորդագրվեք տելեգրամյան ալիքին👇
https://t.me/SurSurenyants
Բաժանորդագրվեք յութուբյան ալիքին👇
https://youtube.com/@surensurenyants?si=1eOjL5_mIRjPXH-

Սիրելի՛ երեխաներ,
Շնորհավորում եմ ձեզ՝ Երեխաների պաշտպանության միջազգային օրվա առթիվ։
Ձեր աչքերի փայլի, ձեր անսահման երևակայության ու անկեղծ ժպիտի մեջ է թաքնված մեր վաղվա օրը:
Մենք պարտավոր ենք ստեղծել այնպիսի միջավայր, որտեղ դուք կլինեք անվտանգ, երջանիկ, կկարողանաք բացահայտել ձեր տաղանդները և իրականացնել ձեր երազանքները։
Թող ձեր յուրաքանչյուր օրը լցված լինի ժպիտով և ուրախությամբ։
Շնորհավո՛ր ձեր օրը։

⚡️⚡️⚡️Արդյո՞ք գոյություն ունի ուկրաինական «հետք»
Ռուսաստանի Բրյանսկի մարզում կամրջի փլուզման հետևանքով ուղևորատար գնացքը դուրս է եկել ռելսերից, ինչի արդյունքում զոհվել է առնվազն յոթ մարդ:
Ռուսական իշխանությունները դեպքի պատճառը բնութագրել են որպես «ապօրինի միջամտություն» տրանսպորտային ենթակառուցվածքների աշխատանքին:
Ռուսական Baza Telegram ալիքը, հղում անելով նախնական տեղեկություններին, հայտնել է, թե կամուրջը հնարավոր է պայթեցվել է, թերևս՝ ակնարկելով ուկրաինական «հետքի» մասին:
Իհարկե, այս պահին պաշտոնական որևէ մեկնաբանություն չկա:
Հատկանշական է, որ այս ողբերգությունը տեղի է ունենում ստամբուլյան բանակցությունների նախօրեին ու եթե ուկրաինական «հետքի» վարկածը հաստատվի, այն կարգավորման գործընթացի վիժեցման և էսկալացիայի նոր մակարդակի ազդակ կդառնա:
Բաժանորդագրվեք տելեգրամյան ալիքին👇
https://t.me/SurSurenyants
Բաժանորդագրվեք յութուբյան ալիքին👇
https://youtube.com/@surensurenyants?si=1eOjL5_mIRjPXH-

Ինձ համար սկզբունքային է, որ եկեղեցին պետությունից անջատ պետք է լինի: Ես 6 տարի դասավանդել եմ ճեմարանում, այսօրվա կաթողիկոսի գործընկերն եմ եղել հրատարակչությունում, ինձ համար հարազատ թեմա է, բայց եկեղեցու ռեֆորմների գործը ոչ ձեր, ոչ իմ, ոչ պետության, այլ դա եկեղեցու գործն է։
Լևոն Տեր-Պետրոսյան,
03 հոկտեմբերի, 2011թ.

🇦🇲 Նիկոլ Փաշինյանը և նրա թիմն, ըստ էության, այրում են իշխանությունից քաղաքակիրթ հեռանալու բոլոր կամուրջները։
Սուրեն Սուրենյանց
@armgeopolitic

⚡️⚡️⚡️Փաշինյանը ազդարարում է մեծ աղետի մասին…
«Այսօր մենք ավելի պետություն ենք, քան երբևէ, ավելի ինքնիշխան ենք, քան երբևէ, ավելի անկախ ենք, քան երբևէ», — այսօր Սարդարապատում հայտարարել է Նիկոլ Փաշինյանը:
Փաստորեն մինչև այսօր բոլոր պետությունների ղեկավարները, ովքեր հաղթանակների ու ազգային վերածննդի միջոցով են պատկերացրել պետության հզորությունը, սխալվել են:
Պարզվում է՝ պետք է անցնես նվաստացուցիչ պարտության, ազգային ողբերգության միջոցով, որպեսզի «ավելի պետություն», «ավելի ինքնիշխան», «ավելի անկախ» լինես:
Փաշինյանն ինչքան ավելի խրոխտ է «ինքնիշխանականության» մեջ, այնքան մեծ է ապագա աղետի մասշտաբը…
Բաժանորդագրվեք տելեգրամյան ալիքին👇
https://t.me/SurSurenyants
Բաժանորդագրվեք յութուբյան ալիքին👇
https://youtube.com/@surensurenyants?si=1eOjL5_mIRjPXH-

🔸🔸🔸Աղազարյանի նախաձեռնությունը իմպիչմենտի գործընթացի ավարտի մասին է
Երբ «Արթուն ենք» նախաձեռնությունը օրակարգ բերեց իմպիչմենտի նախաձեռնությունը, ես կանխատեսել էի, որ այդ գործընթացի իրականացման նախադրյալների բացակայության պայմաններում, պայմանական Հովիկ Աղազարյանի միջոցով դրվելու է գործընթացի վերջակետը:
Չէի սխալվել:
Հովիկ Աղազարյանն ու Հակոբ Ասլանյանը դեռ օրակարգում են պահում Նիկոլ Փաշինյանին անվստահություն հայտնելու իրենց նախաձեռնությունը:
Սա նշանակում է, որ նրանք դեռ ակնկալում են, որ «Հայաստան» և «Պատիվ ունեմ» խմբակցությունների պատգամավորները կստորագրեն իրենց նախագծի տակ:
Բայց…
«Եթե Սերժ Սարգսյանի «Պատիվ ունեմ» խմբակցությունը կամ Ռոբերտ Քոչարյանի «Հայաստան» խմբակցությունը առաջադրեն վարչապետի թեկնածու, մենք չենք միանա այդ գործընթացին։ Եթե անգամ Էդմոն Մարուքյանին առաջադրեն իրենք, ապա մենք կրկին չենք միանա»,- ասել է Հովիկ Աղազարյանը:
Եթե ընդդիմադիր երկու պատգամավորներ կոշտ տոնով հայտարարում են, որ երբեք չեն միանա ընդդիմադիր այլ 34 պատգամավորների, նշանակում է՝ փակում են նաև վերջինների՝ իրենց նախաձեռնությանը միանալու դուռը:
Այ, հենց այս պատճառով էի մեկ ամիս առաջ պնդում, որ պայմանական Հովիկ Աղազարյանի նախաձեռնությունը իմպիչմենտի գործընթացի ավարտի մասին է:
Բաժանորդագրվեք տելեգրամյան ալիքին👇
https://t.me/SurSurenyants
Բաժանորդագրվեք յութուբյան ալիքին👇
https://youtube.com/@surensurenyants?si=1eOjL5_mIRjPXH-

Հ2-ի անդրադարձն ասուլիսին
https://youtu.be/gr2iOIpRV3k?si=nh_cziAAWoK-I6xW

Մամուլի ասուլիս Sputnik Արմենիա մուլտիմեդիոն մամուլի կենտրոնում։
https://youtu.be/DRxh1BB2n8M?si=0GwHMv6Xg-jE8wMj