Author: Telegram

🎓 Հայաստանի ամերիկյան համալսարանը վերադառնում է բնականոն ուսումնական գործընթացին։ ՀԱՀ նախագահ Բրյուս Պողոսյանի և ճգնաժամային կառավարման հանձնաժողովի որոշմամբ՝ մարտի 31-ից բոլոր դասերը կվերսկսվեն առկա ձևաչափով։ Հայտնում են համալսարանից։
​🛡️ Մարտի 30-ին դասերը ժամանակավորապես անցկացվել էին առցանց ձևաչափով՝ որպես նախազգուշական միջոցառում։ Որոշման հիմքում Իրանի «Իսլամական հեղափոխության պահապանների կորպուսի» հնչեցրած սպառնալիքներն էին՝ կապված Մերձավոր Արևելքում գործող ամերիկյան համալսարանների թիրախավորման հետ։
​✅ Չնայած ՀԱՀ-ի նկատմամբ ուղղակի սպառնալիք չէր արձանագրվել, համալսարանը առաջնահերթություն էր տվել համայնքի անվտանգությանը։ Այսօր ՀՀ ԿԳՄՍ նախարարությունը հավաստիացրել էր բուհին, որ ուսումնական հաստատությանը սպառնացող որևէ էական վտանգ առկա չէ։