Category: 1in.am

🇬🇧🇬🇧🇬🇧Մեծ Բրիտանիան կքննարկի Ուկրաինայում ռազմակայանների և պաշտպանական ենթակառուցվածքների տեղակայման հնարավորությունը։ Այդ մասին ասված է Միացյալ Թագավորության և Ուկրաինայի միջև 100-ամյա գործընկերության մասին հռչակագրում, որը հրապարակել է Բրիտանիայի կառավարության գրասենյակը՝ ամփոփելով վարչապետ Քիր Սթարմերի՝ Կիև կատարած այցի արդյունքները։
Ըստ փաստաթղթի՝ Մեծ Բրիտանիան կաշխատի Ուկրաինայի հետ՝ որոշելու ընդհանուր ռազմական կարիքները, կհամագործակցի՝ ընդլայնելու հնարավորությունների և տեխնոլոգիաների սպեկտրը, որոնք երկրները կարող են միասին արտադրել:
Կարդալ ավելին 👈

🇷🇺🇮🇷«Իրանի նախագահ Մասուդ Փեզեշքիանի այցը Ռուսաստան պատմական նշանակություն ունի»․ հայտարարել է ՌԴ վարչապետ Միխայիլ Միշուստինը:
Միշուստինը բանակցություններ է վարում Փեզեշքիանի հետ, որն ուրբաթ օրը պաշտոնական այցով ժամանել է Ռուսաստան: Ռուսաստանի նախագահ Վլադիմիր Պուտինը և Փեզեշքիանը կստորագրեն Համապարփակ ռազմավարական գործընկերության մասին պայմանագիր:
Միշուստինի խոսքով՝ պայմանագիրը ամուր հիմք կդնի երկարաժամկետ համագործակցության զարգացման համար:

🇦🇲🇷🇺Կրեմլը նոր մանրամասներ է հայտնել Նիկոլ Փաշինյան-Վլադիմիր Պուտին հեռախոսազրույցից։
Նշվում է, որ հեռախոսազրույցը կայացել է հայկական կողմի նախաձեռնությամբ։ Նիկոլ Փաշինյանը պարզաբանել է Եվրամիության հետ հարաբերությունների համատեքստում Երևանի վերջին քայլերի հետ կապված իրավիճակը: Ռուսաստանի նախագահը տվել է համապատասխան մեկնաբանություններ և գնահատականներ։

🇬🇪🇦🇿«Մենք անկեղծորեն շահագրգռված ենք կոնկրետ գործնական քայլերի իրականացմամբ և տարածաշրջանում համագործակցության առաջմղմամբ։ Վրաստանը կողմերին (Հայաստանին և Ադրբեջանին) առաջարկում է եռակողմ համագործակցության նախաձեռնություն, որը նախատեսում է Հարավային Կովկասի բոլոր երեք երկրների ներգրավում տարբեր ոլորտներում»․ այս մասին հայտարարել է Վրաստանի վարչապետ Իրակլի Կոբախիձեն Վրաստանի և Ադրբեջանի միջև տնտեսական համագործակցության միջկառավարական հանձնաժողովի 10-րդ նիստի բացման ժամանակ:
«Վստահ եմ, որ համատեղ ջանքերով մենք կհաղթահարենք բոլոր դժվարությունները, բայց, միևնույն ժամանակ, կօգտագործենք առկա հնարավորություններն ավելի արդյունավետ համագործակցության համար։ Մենք անկեղծորեն շահագրգռված ենք կոնկրետ գործնական քայլերի իրականացմամբ և տարածաշրջանում համագործակցության առաջմղմամբ։ Վրաստանը կողմերին առաջարկում է եռակողմ համագործակցության նախաձեռնություն, որը նախատեսում է Հարավային Կովկասի բոլոր երեք երկրների ներգրավում տարբեր ոլորտներում»,- հայտարարել է Վրաստանի վարչապետը:

🇬🇪🇦🇿Պաշտոնական այցով Ադրբեջանում գտնվող Վրաստանի արտաքին գործերի նախարար Մակա Բոճորիշվիլին Ջեյհուն Բայրամովի հետ հանդիպումից հետո հայտարարել է, որ երկրների միջև ռազմավարական գործընկերությունն օրինակելի է, և հարաբերություններն է՛լ ավելի արագ տեմպերով կզարգանան:
«Ցավոք, Վրաստանի երկու տարածաշրջանները շարունակում են օկուպացված լինել Ռուսաստանի կողմից, ինչը զգալիորեն մեծացնում է մեր անվտանգության մարտահրավերները։ Ավելին, լայն տարածաշրջանում տեղի ունեցող իրադարձությունները լրացուցիչ անվտանգության ռիսկեր են պարունակում։ Այնուամենայնիվ, Վրաստանի և Ադրբեջանի միջև հարաբերություններն առանձնանում են միմյանց ինքնիշխանության և տարածքային ամբողջականության փոխադարձ հարգանքով, ինչը կազմում է մեր գործընկերության հիմքը»,- ասել է Վրաստանի արտգործնախարարը։
Կարդալ ավելին 👈

🇺🇸🇺🇸🇺🇸ԱՄՆ Ներկայացուցիչների պալատի անդամ, հանրապետական Ջո Ուիլսոնը ողջունել է Հայաստանի և ԱՄՆ-ի միջև կնքված ռազմավարական գործընկերության մասին փաստաթուղթը:
«Մենք հնարավորություն ունենք Կովկասը կրկին դարձնելու ուժեղ՝ հիմնված համընդհանուր խաղաղության և բարգավաճման վրա։ Դրա համար մեզ պետք է խաղաղության համաձայնագիր Ադրբեջանի և Հայաստանի ժողովուրդների միջև։ Ինչպես Դոնալդ Թրամփը խաղաղություն է բերում Մերձավոր Արևելքին, ես գիտեմ, որ նա նույնը կանի Կովկասում»,- X-ի իր միկրոբլոգում գրել է ԱՄՆ հանրապետական կոնգրեսականը:

🇦🇲🇺🇸🇦🇲ՀՀ-ում ԱՄՆ դեսպանատնից հայտնում են, որ 2025թ․ հունվարի 17-ից վերստին կգործի մինչև 14 տարեկան երեխաներին առանց հարցազրույցի վիզա տրամադրելու կարգը։
Առանց հարցազրույցի վիզա ստանալու պահանջներին բավարարող մինչև 14 տարեկան երեխաների դեպքում, որոնք ունեն գործող ՀՀ անձնագիր կամ կացության քարտ, փաստաթղթերը կարող են պարզապես ուղարկվել դեսպանատուն սուրհանդակային ծառայության միջոցով։

🇺🇸🇺🇸🇺🇸ԱՄՆ-ի Կալիֆորնիա նահանգի Մոս Լենդինգ քաղաքի խոշոր էլեկտրակայանում հրդեհ է բռնկվել, հայտնում է Մոնտերեյի շրջանի արտակարգ իրավիճակներին արձագանքելու դեպարտամենտը:
Կարդալ ավելին 👈

Նիկոլ Փաշինյանը հեռախոսազրույց է ունեցել Վլադիմիր Պուտինի հետ։
📌Քննարկել են ԵԱՏՄ-ում ՀՀ նախագահության արդյունքները, առաջիկա անելիքները ԵԱՏՄ շրջանակներում, ինչպես նաև Հայաստան-Ռուսաստան երկկողմ օրակարգի մի շարք հարցեր:
📌Վլադիմիր Պուտինի հետ հեռախոսազրույցում Նիկոլ Փաշինյանը պարզաբանել է ԵՄ հետ հարաբերությունների համատեքստում Երևանի վերջին քայլերի հետ կապված իրավիճակը:
📌Ռուսաստանի նախագահը տվել է համապատասխան մեկնաբանություններ և գնահատականներ։
Կրեմլի մամուլի ծառայություն