Category: Aravot

⚖️ «Մեր ընկերներից կեսը բերդից են եկել այստեղ»․ Նարեկ Կարապետյան
«Ուժեղ Հայաստան»-ի ղեկավար Նարեկ Կարապետյանը հակադարձեց ՔՊ-ի հայտարարություններին, թե Հայաստանում քաղբանտարկյալներ չկան։
Նա եվրոպական բոլոր դեսպանություններին կոչ արեց մասնակցել դատական նիստերին և տեղում տեսնել, թե ինչի համար են մարդիկ դատվում։
aravot.am | @aravot⁠

🌐 «ԹՐԻՓՓ-ից Ադրբեջանը կշահի ավելի շատ, քան Հայաստանը»․ Սերգեյ Մելքոնյան

«ԱՊՐԻ Արմենիա»-ի գիտաշխատող Սերգեյ Մելքոնյանի ներկայացրած հաշվարկներով՝ միայն ԹՐԻՓՓ-ի դեպքում Ադրբեջանի տարեկան շահը կկազմի մոտ $230 մլն, իսկ Հայաստանիինը՝ $23 մլն։
Նրա խոսքով՝ ընդհանուր ապաշրջափակման դեպքում Հայաստանի շահը կարող է հասնել $388 մլն-ի, իսկ Ադրբեջանիինը՝ մոտ $329 մլն-ի։ Մելքոնյանի գնահատմամբ՝ սա ցույց է տալիս, որ ԹՐԻՓՓ-ն առաջին հերթին աշխարհաքաղաքական, ոչ թե տնտեսական նախագիծ է։
aravot.am | @aravot

📞 «Ի՞նչ մի շրջադարձային բան են խոսել․ կարծում եմ՝ ոչինչ»․ Էդուարդ Շարմազանով
ՀՀԿ խոսնակ Էդուարդ Շարմազանովը քննադատել է Հայաստանի պաշտոնյաների՝ ուկրաինացի գործընկերների հետ հեռախոսազրույցները՝ դրանք հակասող համարելով ՌԴ-ի և ԵԱՏՄ-ի հետ խնդիրները լուծելու իշխանության հայտարարություններին։
Նրա խոսքով՝ այդ քայլերը կարող են վատթարացնել Հայաստանի արտահանողների և գյուղացիական տնտեսությունների խնդիրները ԵԱՏՄ երկրներում։
aravot.am | @aravot

⚠️ «Առնվազն 2029-ի հունվարից հետո չեմ կարծում՝ ռացիոնալ է բացառել Ադրբեջանի կողմից ռազմական շանտաժի կամ ուժի կիրառումը»․ Բենիամին Պողոսյան
Բենիամին Պողոսյանի խոսքով՝ մինչև 2029 թվականը էսկալացիայի վտանգը կարող է նվազած լինել, սակայն դրանից հետո Ադրբեջանի կողմից ռազմական շանտաժի կամ ուժի կիրառումը բացառելն իրատեսական չէ։
Նա ընդգծել է, որ աշխարհում որևէ գործընթացի համար հարյուր տոկոսանոց երաշխիքներ հնարավոր չէ տալ։
🔗 aravot.am | @aravot

⛽️ «Բացառված սցենար չէ»․ Սարգիս Խանդանյանը՝ Ադրբեջանից գազ ներկրելու մասին
Սարգիս Խանդանյանը նշել է, որ Հայաստանի համար գազի մատակարարումների դիվերսիֆիկացիան կարևոր է, և Ադրբեջանից գազի ներկրումը նույնպես չի բացառվում։
Նրա խոսքով՝ Ադրբեջանի հետ տնտեսական ու էներգետիկ հարաբերությունների շուրջ քննարկումներ եղել են, սակայն գազի մատակարարման հարցի կոնկրետ փուլը դեռ հայտնի չէ։
🔗 aravot.am | @aravot

📜 «Վերցրել ենք դատարկ թուղթ եւ վրան նոր Սահմանադրության տեքստ ենք գրել, նախաբանը չի պարունակում հղում Անկախության հռչակագրին»
Արուսյակ Ջուլհակյանի խոսքով՝ նոր Սահմանադրության նախագիծը գործող Սահմանադրության փոփոխություն չէ, այլ զրոյից մշակված նոր տեքստ։
Նա նշել է, որ նախագծի նախաբանում Անկախության հռչակագրին հղում չկա, և դա, իր խոսքով, Ադրբեջանի պահանջների հետ կապ չունի։
🔗 aravot.am | @aravot

🇦🇲 Դմիտրի Մեդվեդևի հայտարարությունը Սարգիս Խանդանյանին հիշեցրել է Ալեքսանդր Լուկաշենկոյին
Սարգիս Խանդանյանը Մեդվեդևի հայտարարությունը համեմատել է նախկինում Ալեքսանդր Լուկաշենկոյի արած՝ «Հայաստանն ո՞ւմ է պետք» հայտարարության հետ։
Նրա խոսքով՝ դրան հաջորդած գործընթացները ցույց տվեցին, որ Հայաստանը պետք է տարբեր ուժերի, և նման սպառնալիքը Հայաստանին չի սպասվում։
🔗 aravot.am | @aravot

⚖️ «Երբ ասացիք, որ Հայաստանում քաղբանտարկյալ չկա, Մամիկոն Ասլանյանն ասաց, որ ինքը՝ որպես օրինակ, կգա եւ այդ ամբիոնին կկանգնի»
ՔՊ պատգամավոր Արուսյակ Ջուլհակյանը հայտարարել է, որ Հայաստանում քաղաքական հայացքների համար որևէ մեկը պատասխանատվության չի ենթարկվում։
Ի պատասխան՝ «Ուժեղ Հայաստան»-ից Մարիաննա Ղահրամանյանը հիշեցրել է Մամիկոն Ասլանյանի մասին՝ նշելով, որ նա իրեն կարող է ներկայացնել որպես նման դեպքի օրինակ։
🔗 aravot.am | @aravot

🚨 Փաշինյանի իշխանությունը պահելու միակ հնարավարությունը վախի մթնոլորտ ստեղծելն է. Հովհաննես Իշխանյան
Հովհաննես Իշխանյանի խոսքով՝ իշխանությունը պահպանելու համար Նիկոլ Փաշինյանը վախի մթնոլորտ է ստեղծում՝ մարդկանց ցույց տալով ուժային կառույցների գործողությունների հետևանքները։
Նրա կարծիքով՝ նման տեսարանները նաև գործարարների մոտ ձևավորում են իշխանության հետ խնդիրներից խուսափելու և ենթարկվելու տրամադրություն։
🔗 aravot.am | @aravot

⚖️ «Եթե հանրային պաշտոն զբաղեցրած անձը մեղադրվում է մարդասպանություն պատվիրելու մեջ, մոտիվը չպե՞տք է հրապարակվի»․ Ռուբինյանն արդարացնում է ՔԿ-ին
ԱԺ նախագահ Ռուբեն Ռուբինյանը, անդրադառնալով Արգամ Աբրահամյանի գործով ՔԿ-ի հաղորդագրության շուրջ քննադատությանը, հարց է բարձրացրել՝ արդյոք հանրային պաշտոն զբաղեցրած անձի՝ սպանություն պատվիրելու մեջ մեղադրվելու դեպքում նրա ենթադրյալ մոտիվը չպե՞տք է հրապարակվի։
Արուսյակ Ջուլհակյանը, իր հերթին, նշել է, որ ՔԿ-ի հաղորդագրությունը դատապարտում է, սակայն չի ցանկանում դրա մեջ պարտադիր դիտավորություն տեսնել՝ դա հնարավոր է համարելով նաև պրոֆեսիոնալիզմի խնդիր։
🔗 aravot.am | @aravot