Category: Aravot

💬 Արթուր Խաչատրյան․ «Պարտքով ապրող պետություն ենք դարձել»
• 📍 «Հայաստան» դաշինքի պատգամավոր, Շիրակի նախկին մարզպետ Արթուր Խաչատրյանը Գյումրիում խոսել է իշխանության տնտեսական քաղաքականության մասին՝ այն որակելով ձախողված
• 🛣️ Նրա խոսքով՝ քաղաքի կենտրոնը բարեկարգ է, սակայն թաղամասերում ճանապարհների վիճակը ծանր է․ Ռուսթավելի փողոցի վերանորոգումը հիշեցրել է նախկին վարչապետ Կարեն Կարապետյանի նախաձեռնության մասին
• 💸 Պատգամավորը նշել է, որ պետական պարտքն աճել է, և բյուջեի եկամուտների զգալի մասը ուղղվում է պարտքի սպասարկմանը․ «3 դրամից 1-ը պարտք ենք տալիս»
• 📊 Կասկածի տակ է դրել 300 հազար դրամ միջին աշխատավարձի վերաբերյալ հայտարարությունները՝ նշելով, որ շատերը վարկերի տակ են
• ⚠️ Խաչատրյանի բնորոշմամբ՝ ունենք «պարտքով ապրող պետություն և պարտքերի մեջ թաթախված բնակչություն»
🔗 Ավելին՝ Առավոտում

🎂 Կրթական հաստատությունները շնորհավորել էին նախարարին․ փորձագետը՝ քննադատական
• 📱 Մի շարք կրթական ու մշակութային հաստատություններ ֆեյսբուքյան էջերով շնորհավորել էին ԿԳՄՍ նախարար Ժաննա Անդրեասյանին ծննդյան օրվա առիթով
• 🗣️ Կրթության փորձագետ Սերոբ Խաչատրյանը նշում է՝ պաշտոնյաների ծննդյան շնորհավորանքները կրթական էջերով «շատ անձնական բան է» և դրական չի վերաբերվում նման պրակտիկային
• ⚠️ Նրա խոսքով՝ կրթական համակարգում առկա է «ղեկավարին հաճոյանալու» մշակույթը, որը հիմա տեղափոխվել է նաև սոցիալական ցանցեր
• 👥 Խաչատրյանը հիշատակում է «ՄՈԲ»-ին՝ այն մարդկանց, որոնք «միշտ նախարարի հետ են», անկախ նրանից՝ ով է պաշտոնում
• 🌍 Եվրոպական երկրներում, ըստ փորձագետի, նման «ավանդույթ» տարածված չէ
🔗 Ավելին՝ այստեղ

🔷 4000 դոլար՝ յուրաքանչյուր չորրորդ նորածնի համար։ Ազգային բարերար Սամվել Կարապետյանը տարիներ շարունակ Արցախում ծնված յուրաքանչյուր չորրորդ երեխայի ընտանիքին նվիրաբերել է 4000-ական ԱՄՆ դոլար։ Սա ուղղակի ֆինանսական աջակցություն չէր, այլ ուղերձ՝ ընտանիքը զորացնելու և հայրենի հողում ծնունդն արժևորելու։ Սամվել Կարապետյանը բարեգործական ամենամյա ծրագիրն իրակացրել է Հայաստան Համահայկական հիմնադրամի միջոցով։
Արխիվային այս կադրերը 2019 թվականի միջոցառումից են։

🔷Ընտանիքի հետ կայացած հեռախոսազրույցի ժամանակ Ռուբեն Վարդանյանը շնորհակալություն է հայտնել բոլոր նրանց, ովքեր զորակցել են իրեն և իր ընտանիքին, ինչպես նաև կարդացել է Իմադ ադ-Դին Նասիմիի փիլիսոփայական տողերը՝ իր մեկնաբանությամբ և կիսվել կյանքի մասին իր բանաձևով, որն օգնում է պահպանել ներքին ազատությունը՝ ավելի քան 21,000 ժամ բանտարկությունից հետո։ Ստորև ներկայացվում է Ռուբեն Վարդանյանի ձայնային հաղորդագրության հայերեն թարգմանությունը.

🌍 Արման Մելիքյան․ «Պաշտոնական Երևանն այսօր Թրամփի ճամբարում է»
• 🗣️ ՀՀ արտակարգ և լիազոր դեսպան, Արցախի նախկին ԱԳ նախարար Արման Մելիքյանը անդրադարձել է Մյունխենի անվտանգային համաժողովին՝ նշելով, որ այն խորացրեց ԵՄ–ԱՄՆ տարաձայնությունները
• 🇺🇸 Նրա խոսքով՝ Դոնալդ Թրամփի քաղաքականությունը Ուկրաինայի հարցում խաթարել է ԵՄ միասնությունը, իսկ Հայաստանը «ուժի կիրառման իրավաչափության» օրինակ է
• 🚧 TRIPP-ը, ըստ Մելիքյանի, կարող է վտանգավոր լինել, եթե օգտագործվի Իրանի դեմ ռազմական նպատակներով․ այդ դեպքում թիրախ կարող են դառնալ ՀՀ արաքսամերձ ենթակառուցվածքները
• 🇹🇷 Հայ-թուրքական սահմանի բացումն ու TRIPP-ը նույնական չեն․ սահմանը կարող է բացվել ցանկացած պահի, սակայն կրկին փակվել քաղաքական զարգացումների դեպքում
• ⚠️ ԱՄՆ–Իրան պատերազմի հավանականությունը նա գնահատում է բարձր՝ առավել իրատեսական համարելով ուժային սցենարը:
🔗 Ավելին՝ այստեղ

🕵️‍♂️ «Հետաքննում է դետեկտիվը»․ իրական պատմություններ մասնավոր բացահայտումներից
• 📚 Ներկայացված պատմությունները հիմնված են Հայաստանի մասնավոր դետեկտիվների ասոցիացիայի նախագահ Հայկ Գաբրիելյանի և «Gabrielyan & Partners Detective Bureau»-ի բացահայտած իրական դեպքերի վրա
• 📩 Նոր պատմությունը՝ ռուսաստանաբնակ Աննայի որոնումը․ նա փորձում էր գտնել իր կենսաբանական մորը
• 🔎 Բիոմետրիկ և OSINT հետաքննությամբ հայտնաբերվեց՝ նրա մայրը վրացի կին է՝ Նինո անունով, Կախեթիայից
• 📂 Պարզվեց՝ 1980-ականներին նորածինը գաղտնի տեղափոխվել է Մոսկվա և ձևակերպվել որպես խորհրդային բարձրաստիճան պաշտոնյայի զավակ
• 🤝 44 տարի անց դետեկտիվներին հաջողվեց կազմակերպել մոր և դստեր լուռ «հանդիպումը»՝ նույն սրճարանում
🔗 Ավելին՝ Առավոտում

📭📭📭 Մամուլը գրում է
🔺 Եպիսկոպոսաց հավաքը եղավ ՔՊ-ի ու նրա ղեկավարի տապալումների փաստաթղթավորված արձանագրումը. «Փաստ»
🔺 Ալեքսանդր Ավետիսյան․ Եթե ինչ-որ մեկին կա մեղադրելու, ապա ինքս ինձ պիտի մեղադրեմ, որ երեւի մի քիչ ակտիվ չեմ եղել որպես պատգամավոր․ «Հրապարակ»
🔺 Հրանտ Մելիք-Շահնազարյան․ TRIPP-ը տարածաշրջանային խաչմերուկ է դարձնում ոչ թե Հայաստանը, այլ Ադրբեջանը․ «Փաստ»
🔺 Քաղաքագետ․ Նիկոլին անհրաժեշտ էր նախընտրական լուսանկար ու տեսանյութ, նա ստացավ․ «Հրապարակ»
🔺 Սաֆարովէն մինչեւ վարձկան ահաբեկիչներ Պաքուն հաւատարիմ կը մնայ իր ահաբեկչական հանգամանքով պետութիւն կառուցելու քաղաքականութեան․ «Ազդակ»
Մամուլի տեսությունն ամբողջությամբ այստեղ