Category: Aravot

⚖️ Լևոն Քոչարյան․ «Եթե վարչապետն ասում է՝ այսինչը պետք է նստի, սա քաղաքական պատվեր է»
ԱԺ-ում Լևոն Քոչարյանը քննադատեց իշխանության միջամտությունը դատական գործընթացներին՝ նշելով, որ ընդդիմության ավելի քան 500 հազար ընտրող իշխանությունից պահանջներ ունի։
Նրա ելույթի ընթացքում հնչած արտահայտության համար ԱԺ նախագահ Ռուբեն Ռուբինյանը նրան հորդորեց չափավորել խոսքը և նախազգուշացում հայտարարեց։
aravot.am | @aravot⁠

🪖 Զինվորների մահվան դեպքերում 2019-ին Կարեն Աբրահամյանի մեղավորությունը տեսան, Սուրիկ Պապիկյանի պատասխանատվությունը չե՞ն տեսնում. Աբրահամյան
ՀՀԿ գործադիր մարմնի անդամ Տիգրան Աբրահամյանը հայտարարել է, որ խաղաղ պայմաններում բանակում տեղի ունեցող մահվան դեպքերի համար պաշտպանության նախարարն իր պատասխանատվությունից չի կարող խուսափել։
Նրա խոսքով՝ եթե 2019-ին զինվորների մահվան դեպքերի համատեքստում պատասխանատվություն էր վերագրվում Կարեն Աբրահամյանին, ապա նույն հարցը պետք է դիտարկել նաև Սուրիկ Պապիկյանի դեպքում։
🔗 aravot.am | @aravot

🏛 «Ալիևն ասում է՝ ատոմակայանը կփակես, Փաշինյանն այսօր ասաց՝ վտանգավոր է»․ Նարեկ Կարապետյան
«Ուժեղ Հայաստան» խմբակցության ղեկավար Նարեկ Կարապետյանը քննադատել է իշխանությունների քաղաքականությունը՝ նշելով, որ Ադրբեջանի նախագահ Իլհամ Ալիևը հայտարարում է Հայաստանի ատոմակայանը փակելու անհրաժեշտության մասին, իսկ Նիկոլ Փաշինյանն այսօր այն «վտանգավոր» է անվանել։
Կարապետյանը նաև պնդել է, որ իշխանությունը երկրի տարածքային հարցերի վերաբերյալ մտահոգությունները ներկայացնում է որպես «պատերազմի կուսակցության» դիրքորոշում։
🔗 aravot.am | @aravot

⛪ «Ուժեղ Հայաստանը» լքեց ԱԺ նիստերի դահլիճը՝ Փաշինյանի հայտարարություններից հետո
«Ուժեղ Հայաստան» խմբակցության պատգամավորները լքեցին նիստերի դահլիճը՝ ի նշան բողոքի, որ Նիկոլ Փաշինյանն ու ՔՊ-ական պատգամավորները Վեհափառին շարունակաբար դիմեցին ավազանի անունով։
Փաշինյանը հայտարարել է, որ իրենց մեծագույն ցանկությունն է՝ «լիարժեք ու լիաթոք Ամենայն հայոց կաթողիկոս» ասելու առիթ ունենալ։
aravot.am | @aravot

⚖️ Աշոտյանի պաշտպանը՝ դատավորի ինքնաբացարկի մասին․ «Օրենքի պահանջ էր»

Արմեն Աշոտյանի պաշտպան Տիգրան Աթանեսյանի խոսքով՝ դատավոր Սարգիս Դադոյանի ինքնաբացարկը օրենքի պահանջ էր, քանի որ դատավորը նախկինում քննիչ է աշխատել և այս քրեական գործով եղել է քննչական կազմում։
Նա նաև պնդել է, որ Աշոտյանի գործով հանցանքի վերաբերյալ բավարար հիմքեր չկան։
aravot.am | @aravot

🗺️ Փաշինյան․ «Անսակարկելի է Հայաստանի միջազգայնորեն ճանաչված տարածքի արձանագրումը»
«Ուժեղ Հայաստան» խմբակցության պատգամավոր Իրինա Յոլյանը Փաշինյանին հարցրեց՝ ինչ է լինելու, եթե սահմանազատումից հետո դե ֆակտո ստացվի 29 743 քկմ-ից տարբերվող և ՀՀ տարածքային ամբողջականությանը հակասող թիվ։
Փաշինյանը պատասխանեց, որ ՀՀ տարածքի չարձանագրման դեպքում գործընթացն իմաստ չունի, և Հայաստանի միջազգայնորեն ճանաչված տարածքի արձանագրումն անսակարկելի է։
aravot.am | @aravot⁠

🎭 Երեւանյան 3 այգի «համերգասրահ» կդառնան. մեկնարկում է «Երևանի գիշերները» նախագիծը
Երևանի Մերգելյանի, Սիրահարների և Վահագն Դավթյանի այգիներում կանցկացվի 6 բացօթյա համերգ՝ 3 դասական և 3 ջազային։ Նախագիծը մեկնարկում է օգոստոսի 25-ին և կտևի մինչև սեպտեմբերի 11-ը։
Համերգները կսկսվեն ժամը 20:00-ին, մուտքն ազատ է։ Նախագիծն իրականացվում է Երևանի քաղաքապետարանի աջակցությամբ և «Կանտատա» ՀԿ-ի նախաձեռնությամբ։
🔗 aravot.am | @aravot

🌍 Հայաստանը կարևորում է Ուկրաինայի հետ զարգացող կապերը. ՀՀ ԱԳՆ
ՀՀ ԱԳՆ-ն շնորհավորել է Ուկրաինայի կառավարությանը և ժողովրդին՝ Անկախության օրվա առթիվ՝ ընդգծելով Հայաստանի և Ուկրաինայի միջև զարգացող կապերի կարևորությունը։
Գերատեսչությունը նշել է, որ շարունակելու է աշխատել քաղաքական երկխոսության խորացման, ոլորտային համագործակցության ընդլայնման և ժողովուրդների միջև շփումների ամրապնդման ուղղությամբ։
🔗 aravot.am | @aravot

🏛 «Ո՞վ է ձեզ իրավունք տվել կործանելու մեր պետականությունը եւ խոսելու Երրորդ Հանրապետությունը տապալելու մասին». Էդգար Ղազարյանը՝ Նիկոլ Փաշինյանին
Էդգար Ղազարյանը Նիկոլ Փաշինյանի ներկայացրած կառավարության ծրագիրն ու նրա ելույթը գնահատել է որպես երկրի անվտանգության, ինքնիշխանության, տարածքային ամբողջականության և սահմանադրական կարգի դեմ ուղղված գործողությունների ամբողջություն։
Նրա խոսքով՝ Փաշինյանը պետք է ներկայանա ոչ թե պատգամավորների, այլ Քննչական կոմիտեի քննիչի հարցերին պատասխանելու։
🔗 aravot.am | @aravot

🏛 «Ե՞րբ է Ադրբեջանը վերադարձնելու մեր հողերը, երկու տարի է՝ սկսվել է դելիմիտացիայի գործընթացը, բայց մենակ մենք ենք տվել». Նարեկ Կարապետյան
«Ուժեղ Հայաստան» խմբակցության ղեկավար Նարեկ Կարապետյանը Նիկոլ Փաշինյանին հարցրել է, թե երբ է Ադրբեջանը վերադարձնելու, իր ձևակերպմամբ, Հայաստանի տարածքները Պառավաքարում, Գորիսում և Ջերմուկում։
Նա նշել է, որ դելիմիտացիայի գործընթացը սկսվել է երկու տարի առաջ, սակայն առաջին փուլում, իր գնահատմամբ, տարածքներ միայն Հայաստանն է հանձնել։
🔗 aravot.am | @aravot