Category: Aravot

🔵 «Մերձավոր Արևելքում խաղաղություն չի լինի, քանի դեռ Լիբանանը կրակի մեջ է»․ Ուրսուլա ֆոն դեր Լայեն
Եվրահանձնաժողովի նախագահ Ուրսուլա ֆոն դեր Լայենը հայտարարել է, որ Մերձավոր Արևելքում կայունություն հնարավոր չէ առանց Լիբանանի իրավիճակի կարգավորման՝ ընդգծելով նաև տարածաշրջանային լայն անվտանգության խնդիրները։
Նա միաժամանակ ողջունել է ԱՄՆ-Իրան համաձայնությունը և նշել, որ անհրաժեշտ է ապահովել նավագնացության ազատությունը, էներգետիկ մատակարարման ուղիների դիվերսիֆիկացումը և Հորմուզի նեղուցի շուրջ լարվածության նվազեցումը։
aravot.am | @aravot

📌 «Ընտրակաշառք բաժանած ուժերը բողոքելու հիմք չունեն»․ Վահե Հովհաննիսյան
Ֆինանսների նախարար Վահե Հովհաննիսյանը հայտարարել է, որ ընտրակաշառք բաժանած քաղաքական ուժերը չեն կարող վիճարկել ընտրությունների արդյունքները՝ նշելով, որ դրա վերաբերյալ կան բավարար հիմքեր և ապացույցներ։
Նա նաև արձագանքել է ընդդիմության մեղադրանքներին՝ պնդելով, որ կառավարությունը շարունակել է իր սոցիալական ծրագրերը անկախ ընտրական շրջանից և դրանք պետք է դիտարկել որպես պետական քաղաքականության մաս։
aravot.am | @aravot

🔵 250 հայկական ֆիլմի իրավունքների շուրջ սկանդալ․ Անսիի ծրագիրը չեղարկվել է
Կինոգետ Րաֆֆի Մովսիսյանի ահազանգից հետո պարզվել է, որ մոտ 200–250 հայկական անիմացիոն ֆիլմերի իրավունքները, ըստ ներկայացված տվյալների, պատկանում են արտասահմանյան ընկերության, ինչի հետևանքով չեղարկվել է Անսիի միջազգային կինոփառատոնում նախատեսված հայկական ծրագիրը։
Հայաստանի կինոյի հիմնադրամը նշում է, որ իրավիճակը գտնվում է ուսումնասիրության փուլում, և դեռ պարզվում են իրավական հիմքերը ու հնարավոր քայլերը՝ հայկական կինոժառանգության իրավունքները վերականգնելու համար։
aravot.am | @aravot

🔵Մոսկվայի ճանաչման դեպքում մանդատները «կգտնեն» իրենց տերերին»․ Արման Մելիքյան
Դեսպան Արման Մելիքյանի կարծիքով՝ ընտրություններից հետո ձևավորված քաղաքական իրավիճակը դեռ անորոշ է, քանի որ վերջնական զարգացումները կարող են կախված լինել նաև Ռուսաստանի դիրքորոշումից։
Նրա խոսքով՝ եթե Մոսկվան ճանաչի ընտրությունների արդյունքները, ապա ընդդիմության մանդատների հարցը կարող է «ինքն իրեն լուծվել», իսկ դրանք կհայտնվեն նոր քաղաքական բաշխման տրամաբանության մեջ։ Մելիքյանը չի բացառել նաև իշխանության կողմից խորհրդարանական նոր մոդելների ձևավորման հնարավորությունը։
aravot.am | @aravot

📈 Օղու և կոնյակի ակցիզային հարկը կնվազի, մյուս ապրանքների համար՝ 3% աճ
Ֆինանսների նախարար Վահե Հովհաննիսյանի խոսքով՝ 2027 թվականից գործող ակցիզային հարկերի նոր պլանը պետք է հաստատվի մինչև հուլիսի 1-ը։ Նա նշել է, որ փոփոխությունների մեծ մասը գնաճի ճշգրտումներ են և հիմնականում նախատեսում են 3% բարձրացում։
Միաժամանակ, որոշ ապրանքատեսակների դեպքում հարկային բեռը կնվազի․ մասնավորապես՝ օղու և կոնյակի ակցիզային հարկերի մասով նախատեսված են նվազեցումներ։
aravot.am | @aravot

🔵 Սյունիքում ՔՊ-ի ստացած ձայները շարունակում են հարցեր առաջացնել
Սյունիքի մի շարք սահմանամերձ համայնքներում ՔՊ-ն ստացել է բարձր աջակցություն՝ նույնիսկ այն գյուղերում, որոնք տուժել են ադրբեջանական օկուպացիայից։ Տեղի պաշտոնյաները և բնակիչները տարբեր բացատրություններ են տալիս՝ սկսած խաղաղության ակնկալիքներից մինչև հնարավոր խախտումների մասին կասկածներ։
Ընդդիմադիր գործիչները քննադատում են այս ընտրությունը՝ նշելով, որ անվտանգության և տարածքային կորուստների պայմաններում նման արդյունքները անհասկանալի են։
aravot.am | @aravot

🔵 Ռուբեն Վարդանյանի կինը պատրաստվում է մարդասիրական պատվիրակությամբ մեկնել Բաքու
Ռուբեն Վարդանյանի կինը՝ Վերոնիկա Զոնաբենդը, հայտարարել է, որ ամուսնու խնդրանքով նախաձեռնում է կանանց միջազգային մարդասիրական պատվիրակության այց Բաքու՝ ադրբեջանական կալանքում գտնվող հայերի հետ հանդիպելու և նրանց ընտանիքների նամակներն ու ծանրոցները փոխանցելու նպատակով։
Նա նաև կոչ է արել աջակցել նախաձեռնությանը՝ ընդգծելով, որ այն քաղաքական չէ, այլ մարդասիրական քայլ է՝ բանտարկյալների և նրանց ընտանիքների միջև կապը պահպանելու համար։
aravot.am | @aravot

🔹 Ինչո՞ւ է դոլարն արժեզրկվել
ԱԺ հանձնաժողովի նիստում ԿԲ նախագահի տեղակալ Հովհաննես Խաչատրյանը պարզաբանել է, որ ԱՄՆ դոլարը վերջին ամիսներին զգալիորեն թուլացել էր այլ արժույթների նկատմամբ, ինչը ազդեցություն է ունեցել նաև հայկական շուկայի վրա։
Միաժամանակ, Հայաստանի դրամի նկատմամբ պահանջարկն աճել է միջազգային ներդրողների կողմից․ նրանք ոչ միայն գնում են Հայաստանի արտաքին դոլարային պարտատոմսերը, այլև դրամով թողարկված տեղական արժեթղթերը։ Այդ ներդրումների մասնաբաժինը հասել է մոտ 10 տոկոսի, ինչը լրացուցիչ ճնշում է գործադրել փոխարժեքի վրա։ Դրամի ամրապնդման վրա ազդեցություն են ունեցել նաև արտահանման ցուցանիշների փոփոխությունները։
aravot.am | @aravot

#Բիզնես
🥛«Երեմյան» կաթնամթերքը նշում է 6-ամյակը

Հայաստանի ամենամեծ սեփական ֆերմայի կաթից արտադրվող ապրանքանիշը 6 տարվա ընթացքում ստացել է 28 մլն լիտր կաթ, մշակել 1200 հեկտար հող և ստեղծել ավելի քան 60 տեսակի կաթնամթերք։
Ընկերության գործարանը գործում է սննդի անվտանգության միջազգային FSSC 22000 սերտիֆիկացմամբ և ունի օրական մինչև 150 հազար լիտր կաթ մշակելու ներուժ։
📖 Ամբողջական հոդվածը՝ aravot.am

#Բիզնես
🛒 Wildberries-ում արդեն հասանելի է ապառիկ գնումների հնարավորություն
Ծառայությունը գործարկվել է Յունիբանկի հետ համագործակցությամբ։
Օգտատերերը կարող են ձևակերպել մինչև 2.5 մլն դրամի ապառիկ՝ մինչև 36 ամիս ժամկետով։
aravot.am | @aravot