Category: Aravot

Անվավեր են ճանաչվել 10/51 ընտրատեղամասի քվեարկության արդյունքները

Ըստ ԿԸՀ նախագահի Նուբարաշեն թաղամասի այս ընտրատեղամասում արձանագրվել են խախտումներ, որոնք կարող էին ազդել քվեարկության արդյունքների վրա։
10/51 ընտրատեղամասում ձայները բաշխվել էին հետևյալ կերպ
🔷«Ուժեղ Հայաստան» դաշինք — 222
🔷«Բարգավաճ Հայաստան» — 131
🔷«Հայաստան» դաշինք — 122
🔷ՔՊ — 630

‼️ Որքան հասկացա, քիչ առաջ ԲՀԿ-ից գողացան 5 մանդատը։ Դա կատարվեց 10/51 տեղամասի արդյունքներն անվավեր ճանաչելով, իսկ այնտեղ ԲՀԿ-ն կարծեմ մոտ 130 քվե էր ստացել — միջինից էապես ավելին։
Սա միայն ԲՀԿ-ի հարցը չի։ Դրանով քպ-ն վերականգնում է 3/5 մեծամասնությունը և կարողանում է միանձնյա նշանակել սահմանադրական պաշտոններում, ընդունել սահմանադրական օրենքներ։
Սա ուղղակի խայտառակություն է։
Ռուբեն Մելիքյան

Փաշինյանին շնորհավորելուց առաջ. Վրաստանի վարչապետի աղմկոտ հայտարարությունը․ Օրվա թեման

🏛️ «30 հազարից ավելի գյումրեցի քվե է տվել ընդդիմությանը, իշխանությունը պետք է հարգի այդ ընտրությունը»․ Ավետիս Առաքելյան
Գյումրու քաղաքապետի պաշտոնակատար Ավետիս Առաքելյանը արձագանքել է Նիկոլ Փաշինյանի՝ Գյումրիում արտահերթ ՏԻՄ ընտրություններ անցկացնելու մասին հայտարարությանը՝ ընդգծելով, որ 2025 թվականի ընտրությունները եղել են արդար ու թափանցիկ։
Նրա խոսքով՝ 30 հազարից ավելի քաղաքացիներ քվե են տվել ընդդիմությանը, ձևավորվել է քաղաքի իշխանությունը, և կենտրոնական իշխանությունը պետք է դադարեցնի Գյումրու նկատմամբ ճնշումներն ու թույլ տա զբաղվել քաղաքի զարգացման հարցերով։
aravot.am⁠ | @aravot

💬 Արսեն Թորոսյան․ «Պետք է սովորեցնենք ձուկ որսալ, ոչ թե պարզապես ձուկ տալ»
ԱԺ հանձնաժողովներում 2025 թվականի բյուջեի կատարողականի քննարկման ժամանակ Աշխատանքի և սոցիալական հարցերի նախարար Արսեն Թորոսյանը քննադատել է աղքատության հաղթահարման համար ուղիղ դրամական բաժանման գաղափարը՝ նշելով, որ քաղաքացիներին պետք է խրախուսել աշխատել, կրթվել և ինքնուրույն ապահովել իրենց բարեկեցությունը։
Նախարարի խոսքով՝ նոր սոցիալական աջակցության համակարգում միջին նպաստը կազմում է 85 հազար դրամ, առավելագույնը՝ 280 հազար դրամ, իսկ նպատակը մարդկանց երկարաժամկետ կախվածությունից դուրս բերելն է, ոչ թե նպաստ ստանալու ձգտումը խրախուսելը։
aravot.am⁠ | @aravot

🎓 Անուշ Սեդրակյանը պնդում է՝ ԵՊՀ-ում լուծարում են իր ղեկավարած ամբիոնը քաղաքական գործունեության պատճառով
Aravot.am-ի հետ զրույցում ԵՊՀ Արտասահմանյան գրականության ամբիոնի վարիչ Անուշ Սեդրակյանը հաստատել է, որ նախատեսվում է լուծարել իր ղեկավարած ամբիոնը, սակայն իրեն այդ մասին պաշտոնապես չեն տեղեկացրել։
Սեդրակյանի համոզմամբ՝ որոշումը կապված է իր քաղաքական ակտիվության և ընտրություններին «Միասնության թևեր» կուսակցության ցուցակով մասնակցելու հետ։ Նա հայտարարել է, որ պատրաստվում է իրավական քայլեր ձեռնարկել՝ սա գնահատելով որպես ժողովրդավարական սկզբունքների խախտում։
aravot.am⁠ | @aravot

⚖️ Բագրատ Սրբազանը դատարանում կասկածի տակ է դրել գործով ներկայացված զենքերի առնչությունը մեղադրանքներին
Բագրատ Սրբազանի և մյուսների գործով դատական նիստում մեղադրյալներն ու պաշտպանները պահանջել են հստակեցնել, թե ներկայացված զենք-զինամթերքը կոնկրետ ում է վերագրվում և ինչ կապ ունի առաջադրված մեղադրանքների հետ։
Բագրատ Սրբազանը հայտարարել է, որ մեղադրանքը «լղոզված» է և քննիչները պարտավոր են ապացուցել, թե ներկայացված զենքերը ինչպես և որտեղ պետք է օգտագործվեին, ու ինչ առնչություն ունեն գործի հետ, այլ ոչ միայն արձանագրեն, որ դրանք զենք են։
aravot.am⁠ | @aravot

⚡ ՀՀԿ-ականները կոշտ հակահարված են տվել Էդմոն Մարուքյանին
Հայկ Մամիջանյանը, Էդուարդ Շարմազանովը և Աննա Մկրտչյանը տարբեր հայտարարություններով արձագանքել են Էդմոն Մարուքյանի այն պնդմանը, թե Նիկոլ Փաշինյանի «փաստաբանը» Սերժ Սարգսյանն է։
Հայկ Մամիջանյանը Մարուքյանին մեղադրել է նախկինում Նիկոլ Փաշինյանի քաղաքականությունը պաշտպանելու մեջ՝ հայտարարելով․ «Մի ասեք մեր մասին սուտ, որպեսզի մենք ստիպված չլինենք ձեր մասին ճշմարտությունն ասել»։
Էդուարդ Շարմազանովը պնդել է, որ Մարուքյանը նախկինում արդարացրել է Արցախի շուրջ իշխանությունների որոշումները, իսկ Աննա Մկրտչյանը նրան անվանել է Նիկոլ Փաշինյանի «հատուկ հանձնարարություններ կատարող»՝ մեղադրելով արցախահայության իրավունքների պաշտպանության հարցում անգործության համար։
aravot.am⁠ | @aravot