Category: Aravot

⚖️ Բագրատ Սրբազան․ «Ժողովրդի 51 տոկոսը մերժել է այս իշխանությանը»
Այսօր լրագրողների հետ զրույցում Բագրատ Սրբազանը, անդրադառնալով հունիսի 7-ի ԱԺ ընտրություններին, հայտարարել է, որ ընտրական գործընթացն ուղեկցվել է բռնաճնշումներով, ձերբակալություններով, տարբեր մեղադրանքներով և արտաքին ուժերի ներգրավվածությամբ՝ այն բնութագրելով որպես «աննախադեպ պատմական զեղծարարության ընթացք»։
Սրբազանի խոսքով՝ չնայած հրապարակված արդյունքներին, փաստ է, որ «ժողովրդի 51 տոկոսը մերժել է այս մարդկանց ու նրանց ծրագրերը», իսկ իշխանության ակնկալած բարձր արդյունքը չի իրականացել։
aravot.am⁠ | @aravot

Ընտրությունների արդյունքները վերանայելու պահանջ. մենք դիմելու ենք ԿԸՀ, ապա ՝ ՍԴ. Նարեկ Կարապետյան

🔹 Ընդդիմության անգործունեություն 2.0
Հասարակությունը հերթական անգամ ընդդիմությանը տրամադրել է քաղաքական լեգիտիմություն և սպասում է կոնկրետ գործողությունների՝ իրավիճակից ելք ապահովելու համար։
Շարունակվող անգործունեությունը կարող է հանգեցնել քաղաքական վստահության վերջնական սպառման և իշխանության լեգիտիմացման խորացման՝ ստեղծելով երկարաժամկետ հետևանքներ երկրի քաղաքական համակարգի համար։
aravot.am | @aravot

🔹 Ինչո՞ւ էր 11 քվեաթերթիկի ծրարի վրա թիվ 9/55 տեղամասի հանձնաժողովի նախագահը գրիչով գրել անվավեր
Թիվ 9 ընտրատարածքային հանձնաժողովում վերահաշվարկի ընթացքում պարզվել է, որ 29 «անվավեր» քվեաթերթիկներից 11-ը իրականում վավեր են եղել։ Սակայն դրանց ծրարների վրա տեղամասի հանձնաժողովի նախագահը ձեռագիր նշել է «անվավեր», ինչը առաջացրել է հանձնաժողովի անդամների դժգոհությունը և հարցադրումները՝ նման գործողության իրավական հիմքի վերաբերյալ։
Քննարկումից հետո որոշվել է այդ 11 քվեաթերթիկները ճանաչել վավեր, սակայն չի հրապարակվել՝ դրանք որ ուժի օգտին են հաշվարկվել։
aravot.am | @aravot

🔹 Հատուկ վարույթի գործով ՍԴ-ն որոշում կայացրեց
Սահմանադրական դատարանը քննարկել է քաղաքացու դիմումը՝ կապված ձեռքբերման վաղեմության հիմքով սեփականության իրավունքի ճանաչման հարցի հետ և արձանագրել, որ դատական պաշտպանությունը չպետք է սահմանափակվի պահանջի ձևակերպման խիստ մեկնաբանությամբ։
ՍԴ-ի դիրքորոշմամբ՝ եթե դիմումի բուն էությունից ակնհայտ է պահանջի իրավական նպատակն ու հիմքերը, դատարանները պետք է առաջնորդվեն նյութական իմաստով և ապահովեն գործի ըստ էության քննությունը՝ հաղթահարելով ձևական խոչընդոտները։
aravot.am | @aravot

🔹 Աշխարհագրությունից ընդամենը 96 դիմորդ է քննություն հանձնելու, կենսաբանությունից՝ մեկնարկում են ընդունելության միասնական քննությունները
Հունիսի 12-ին Հայաստանում սկսվում են բուհերի ընդունելության միասնական քննությունները․ առաջին օրը քննություն կհանձնեն «Կենսաբանություն» և «Աշխարհագրություն» առարկաներից։ ԳԹԿ-ի տվյալներով՝ կենսաբանությունից քննություն կհանձնի 1504 դիմորդ, իսկ աշխարհագրությունից՝ ընդամենը 96։
ԳԹԿ փոխտնօրեն Կարո Նասիբյանի խոսքով՝ քննությունները կանցկացվեն 17 կենտրոններում, որոնցից 6-ը՝ Երևանում։ Ընդհանուր գործընթացը ներառում է ավելի քան 21 հազար դիմորդի քննությունների կազմակերպում, իսկ արդյունքները կհրապարակվեն 5-րդ օրը։
aravot.am | @aravot

🔹 «Դու որ գաս «Նուբարաշեն», այստեղից դուրս չես գալու». Օսիպյանը՝ Փաշինյանին
Նուբարաշեն քրեակատարողական հիմնարկից դուրս գալուց հետո Արթուր Օսիպյանը հայտարարել է, որ շարունակելու է իր իրավական պայքարը՝ նշելով, որ իր նկատմամբ տեղի ունեցած գործընթացները կապված են քաղաքական հայտարարությունների և մեղադրանքների հետ։
Նրա խոսքով՝ պատրաստվում է դիմել իրավական բոլոր հնարավոր ատյաններին՝ ներառյալ դատարաններ և միջազգային կառույցներ, իսկ պայքարի ձևաչափը կարող է փոխվել՝ կախված զարգացումներից և հետագա ընթացքից։
aravot.am | @aravot

🔹 Արտակարգ իրավիճակ Գյումրիում․ տները, վարսավիրանոցները, սրճարանները՝ ջրի տակ, հոսանքազրկված․ կան կոտրվածք ստացած մարդիկ
Գյումրիում տեղացած հորդառատ անձրևն ու կարկուտը լուրջ վնասներ են հասցրել քաղաքի տարբեր հատվածներին․ փողոցները հեղեղվել են, մի շարք տներ ու սպասարկման օբյեկտներ հայտնվել են ջրի տակ։ Որոշ թաղամասեր հոսանքազրկվել են։
Կարկուտի հետևանքով կան վնասվածքներ ստացած քաղաքացիներ, այդ թվում՝ տարեց կին, որը կոտրվածքով տեղափոխվել է հիվանդանոց։ Տեղում իրականացվում են վնասների գնահատման և վերականգնման աշխատանքներ։
aravot.am | @aravot

#Բիզնես
🏦 Ֆասթ Բանկը շարունակում է ընդլայնվել՝ կենտրոնանալով թվայնացման և հաճախորդամետ մոտեցման վրա

Բանկի ներկայացուցիչը նշել է, որ զարգացման հիմքում դրված են նորարարությունը, վստահությունը և հասանելիությունը, իսկ հաճախորդների թիվը արդեն գերազանցում է 300 հազարը։
Ֆասթ Բանկը միաժամանակ զարգացնում է թվային ծառայությունները և պահպանում լայն ֆիզիկական ներկայություն մարզերում։
aravot.am | @aravot

❗❗Դատարանը մերժել է Գագիկ Խաչատրյանին կալանավորելու միջնորդությունը