Category: Aravot

⚖️ «Եթե ես ՄԻՊ-ը լինեի, կգնայի Արտուրի բանտի մոտ ու հացադուլ կանեի»․ Նինա Կարապետյանց

«Առավոտի» հետ հարցազրույցում իրավապաշտպան Նինա Կարապետյանցը անդրադարձել է հացադուլի մեջ գտնվող Արտուր Օսիպյանի գործին՝ քննադատելով Մարդու իրավունքների պաշտպանի արձագանքի բացակայությունը։
Նա հայտարարել է, որ եթե ինքը լիներ ՄԻՊ-ը, անձամբ կգնար Օսիպյանի պահման վայրի մոտ և հացադուլ կսկսեր, որպեսզի ուշադրություն հրավիրեր խնդրի վրա։
aravot.am | @aravot

⚠️ Ընտրախախտումների մասին հրապարակումներից հետո լրագրող Նարեկ Խաչատրյանը վարժական հավաքի ծանուցում է ստացել
NEWS.am-ի լրագրող Նարեկ Խաչատրյանը, որը ընտրարշավի ընթացքում և քվեարկության օրը լուսաբանել ու արձանագրել էր մի շարք ենթադրյալ խախտումներ, ընտրություններից անմիջապես հետո հրավիրվել է զինկոմիսարիատ և ստացել 25-օրյա վարժական հավաքների մասնակցության ծանուցում։
Մինչ այդ լրագրողը հրապարակել էր Սոթքի ընտրատեղամասից տեսանյութ, որտեղ երևում էին զինծառայողների կուտակումներ և ընտրատեղամասում գտնվող անհայտ անձինք։ Հոդվածում հարց է բարձրացվում՝ արդյոք տեղի ունեցածը զուգադիպությո՞ւն է, թե ոչ։
aravot.am | @aravot

🎨 Մանկական երևակայության անկաշկանդ թռիչքը
«City of Smile» հիմնադրամի շահառու երեխաների համար իրականացվել է «Տպավորություն» արտ-թերապիայի նախագիծը։ Փոքրիկները հոգեբանի, երաժշտագետի և արտ-թերապևտի օգնությամբ լսել են դասական երաժշտություն, ապա իրենց հույզերը փոխանցել թղթին։
Նախագիծն իրականացրել է ԵԹԿՊԻ Արվեստի կառավարման բաժնի առաջին կուրսի ուսանողուհի Սոֆի Մելիքսեթյանը։
aravot.am | @aravot_

Արծաթյա զարդերի արտադրությամբ զբաղվող երգչուհի Սիրուշոն ինստագրամյան իր էջի սթորի բաժնում հայտնում է, թե իրենց ասել են, որ մինչև ամսի 11-ը Pregomesh խանութի վրայից պետք է հանվի մեծ խաչը, հակառակ դեպքում տուգանվելու են:

🩰 Ռիմա Պիպոյանի «ԽԱԼԻ» ներկայացմամբ բացվել է Բուլղարիայի «Սև արկղ» հոբելյանական փառատոնը
Բուլղարիայի Պլովդիվ քաղաքում հունիսի 2-ին մեկնարկել է «Սև արկղ» ժամանակակից պարի և թատրոնի 20-րդ հոբելյանական միջազգային փառատոնը, որի պաշտոնական բացումը նշանավորվել է խորեոգրաֆ Ռիմա Պիպոյանի «ԽԱԼԻ» (Հայկական գորգ) ներկայացմամբ։
Բուլղարական մամուլն ու քննադատները մեծ հիացմունքով են անդրադարձել հայկական ներկայացմանը։
aravot.am | @aravot_

🗣 «Ընդդիմությանը եվրոպական ստանդարտներ պարտադրելուց առաջ` իշխանությունը նախ ինքը պետք է գործի եվրոպական պետականության տրամաբանությամբ». Տաթև Զորյան
ՀԱԿ վարչության անդամ, քաղաքագետ Տաթև Զորյանը մեթոդոլոգիական սխալ է համարել ՔՊ-ի՝ Հայաստանը Ֆրանսիայի կամ Հունգարիայի հետ համեմատելը և ընդդիմությունից շնորհավորանքներ ակնկալելը։ Նա նշել է, որ արևմտյան երկրներում հաղթողին շնորհավորում են վստահելի էքզիթ փոլերի հիման վրա, մինչդեռ Նիկոլ Փաշինյանը հաղթանակ է հայտարարել ԿԸՀ-ի տվյալների հազիվ 15-20%-ի պայմաններում։
Զորյանի խոսքով՝ տեղամասերի տեխնիկական թափանցիկությունը դեռ չի նշանակում արդար ընտրություններ, քանի որ արդյունքները կանխորոշվել են նախքան քվեարկությունը՝ վարչական ռեսուրսի, ուժայինների և ընդդիմության նկատմամբ ճնշումների գործադրմամբ։
aravot.am | @aravot_

❗️❗️Հանրային քրեական հետապնդում է հարուցվել Գագիկ Ծառուկյանի նկատմամբ՝ Քրեական օրենսգրքի 290-րդ հոդվածի 3-րդ մասի 2-րդ կետով (առանձնապես խոշոր չափերով հարկերից խուսափելը):

🎖 «Եթե այդ անկլավները ՀՀ 29 743 քառակուսի կմ-ի մեջ են մտնում, մի միլիմետր հող չի հանձնվելու»․ Էդվարդ Ասրյան
ՀՀ ԶՈւ գլխավոր շտաբի պետ Էդվարդ Ասրյանը հայտարարել է, որ Հայաստանի տարածքից ոչ մի միլիմետր հող չի զիջվելու, և սահմանազատման արդյունքում երկրի ինքնիշխան տարածքի ամբողջականությունը պետք է վերականգնվի։ Անդրադառնալով Ջերմուկի բարձունքներում ադրբեջանական զորքի տեղակայմանն ու ամրաշինական աշխատանքներին՝ նա մտահոգիչ է համարել նրանց ներկայությունը ՀՀ տարածքում և նշել, որ այդ մասին համապատասխան ճանապարհներով ահազանգում են։
Լրագրողների հիշեցմանը, թե 2022-ին ինքն ասել էր, որ ադրբեջանցիները Ջերմուկի բարձունքներում «կսովածանան ու կգնան», Ասրյանը պատասխանել է, որ այդ պահին դա ասելն անհրաժեշտ էր, սակայն պատճառները չի հանրայնացնի։
aravot.am | @aravot_

🗳 Վահագն Ալեքսանյանը հիշեցնում է՝ գործող խորհրդարանում էլ ՔՊ-ն սահմանադրական մեծամասնություն չուներ
ՔՊ պատգամավոր Վահագն Ալեքսանյանը հերքել է այն վարկածը, թե ԲՀԿ-ի՝ խորհրդարան չանցնելու հնարավոր տարբերակն ու ձայների տատանումները իշխանության ձեռքի գործն են՝ սահմանադրական մեծամասնություն (64 մանդատ) ապահովելու համար։
Ալեքսանյանը հայտարարել է, որ առաջիկա հինգ տարում խնդիրներ են ունենալու միայն օլիգարխներն ու «ընտրատասովչիկները»։
aravot.am | @aravot_

🗳 Ընտրությունների արդյունքները կվիճարկվեն Սահմանադրական դատարանում. Իշխան Սաղաթելյան
«Հայաստան» դաշինքի անդամ Իշխան Սաղաթելյանի պնդմամբ՝ քվեարկությունն անցել է ճնշումների ներքո, ոչ ազատ ու ոչ արդար պայմաններում։
Դաշինքը նաև մոտ 20 տեղամասում վերահաշվարկ է նախաձեռնել՝ արձանագրությունների և ԿԸՀ տվյալների անհամապատասխանության պատճառով։ Պատգամավորական մանդատները վերցնելու հարցը կորոշվի ընդդիմադիր գործընկերների հետ միասնական խորհրդակցությունների արդյունքում։
aravot.am | @aravot_