Category: Aravot

#խմբագրական
🌍 «Պատմական» այցե՞ր, թե՞ նախընտրական PR
Ընտրարշավի ընթացքում իշխանությունը բազմաթիվ իրադարձություններ ներկայացնում է որպես «աննախադեպ» ու «պատմական»՝ սկսած ԵՄ-ի հետ վիզաների ազատականացումից մինչև ԱՄՆ պետքարտուղարի այցը Հայաստան։
Վիզաների ազատականացման գործընթացը դեռ 2017-ից է սկսվել, իսկ ԱՄՆ պետքարտուղարներ նախկինում էլ են այցելել Հայաստան՝ հիշենք Ջեյմս Բեյքերի և Հիլարի Քլինթոնի այցերը։ Իշխանությունը փորձում է այդ ամենը ներկայացնել որպես բացառիկ ձեռքբերում՝ նախընտրական նպատակներով։
🔗 Արամ Աբրահամյանի խմբագրականը

Նարեկ Կարապետյանի ելույթը Տաշիրի բազմամարդ հրապարակում

🚨 «Իմ հեղինակության ու բարի համբավի հետ որևէ մեկին թույլ չեմ տալու խաղալ»․ Արման Թաթոյան
«Միասնության թևեր» կուսակցության վարչապետի թեկնածու Արման Թաթոյանը հերքել է իր քաղաքական ուժի ֆինանսավորման վերաբերյալ հրապարակումները՝ դրանք որակելով ստահոդ և կեղծ տեղեկություններ։
Նրա խոսքով՝ հրապարակված ծախսերի թվերը չափազանցված են, կուսակցությունը արտաքին, այդ թվում՝ ռուսական ֆինանսավորում չի ստացել, իսկ հրապարակման հեղինակների դեմ պատրաստվում են իրավական գործընթացներ սկսել։
aravot.am | @aravot

Եթե դեռ չեք քվեարկել…

Նոր ձայնագրություն․ Մարտունի համայնքի կրթության բաժնից հրահանգել են, որ վերջիններիս տղամարդ աշխատակիցները մասնակցեն ՔՊ-ի մարզային գրասենյակի բացմանը։ Հետո, կանչել են քաղաքապետարան ու հարկադրել, որ իրենց ներկայացնեն անունների ցանկ, թե ովքեր չեն սատարում ՔՊ-ին։
Մեզ համար ամենակարևորն է, որ ոչ թե ցածր օղակում պատասխանատվությունը ջարդվի, այլ որոշվի բարձրաստիճան պաշտոնյաների կապն այս արարքների հետ` Սուրեն Պապիկյան, Արայիկ Հարությունյան, Լիլիթ Մակունց։
Մենք, ինչպես այս, այնպես էլ նախորդ ձայնագրության մասով, հետևողական ենք լինելու։
Արման Թաթոյան

🚨 «Գյումրին արժանի է ունենալ նորմալ քաղաքային կառավարում»․ Ռուբեն Ռուբինյան
Գյումրու Վարդանանց հրապարակում կայացած ՔՊ-ի ամփոփիչ հանրահավաքում Ռուբեն Ռուբինյանը հայտարարել է, որ քաղաքը մինչ օրս չի ունեցել «Քաղաքացիական պայմանագիր» կուսակցության կառավարումը, քանի որ համապատասխան մանդատ չի ստացել ընտրողներից։
Նրա խոսքով՝ Գյումրու բազմաթիվ թաղամասերում շարունակում են պահպանվել լուրջ ենթակառուցվածքային խնդիրներ, և առաջիկա ընտրությունները հնարավորություն են քաղաքին նոր կառավարում ընտրելու համար։
aravot.am | @aravot

🚨 «Ոչ մի դեպքում չխեղճանաք, դուք պարտավոր եք պահանջել այն ամենը, ինչ կորցրել եք Արցախում»․ Սամվել Կարապետյան
«Ուժեղ Հայաստան» դաշինքի վարչապետի թեկնածու Սամվել Կարապետյանը արցախցիների հետ հանդիպման ժամանակ հայտարարել է, որ նրանք իրավունք ունեն պահանջելու ոչ միայն իրենց սոցիալական իրավունքները, այլև այն ամենը, ինչ կորցրել են Արցախում։
Նրա խոսքով՝ Արցախի հայաթափման պատասխանատվությունը գործող իշխանությունների վրա է, իսկ իշխանությունները չեն արձագանքում Հայաստանի վերաբերյալ հնչող ադրբեջանական հայտարարություններին։
aravot.am | @aravot

🚨 «Խաղաղությունը պայմանավորվածություն չէ, պետք է լինի ստորագրված փաստաթուղթ»․ Գագիկ Ծառուկյան
«Առաջարկ Հայաստանին» թիմի ղեկավար Գագիկ Ծառուկյանը հայտարարել է, որ իրական խաղաղությունը հնարավոր է միայն հստակ և ստորագրված համաձայնագրի առկայության դեպքում, իսկ հասարակությունն այսօր սպասում է ոչ թե փոխադարձ մեղադրանքների, այլ խնդիրների լուծումների։
Եղեգնաձորում ընտրողների հետ հանդիպման ժամանակ նա ներկայացրել է իր ծրագրերը՝ առաջարկելով անվճար առողջապահություն և կրթություն, կենսաթոշակների բարձրացում, մինչև 3 մլն դրամ վարկերի համաներում և գյուղատնտեսության պետական աջակցության ընդլայնում։
aravot.am | @aravot

❗️Նոր ձայնագրություն եմ հրապարակել Հանրայինի եթերում, թե ՔՊ-ն ինչպես է շարունակում ընտրարշավի ժամանակ վարչական ռեսուրս կիրառել։
Հարցազրույցը դիտեք այսօր ժամը 22:00-ին։
✅ Արդարությունը գալիս է, որ այլեւս ընտրություններում վարչական ռեսուրս չկիրառվի։
✅Քվեաթերթիկ 6

🚨 «ՀՀ բնակչության 80 տոկոսի բարեկեցությունը կախված է ՌԴ-ի հետ տնտեսական հարաբերություններից»․ Ռոբերտ Քոչարյան
«Հայաստան» դաշինքի առաջնորդ Ռոբերտ Քոչարյանը հայտարարել է, որ իշխանությունները հետևողականորեն վատթարացնում են Հայաստանի և Ռուսաստանի հարաբերությունները՝ վտանգի տակ դնելով երկրի տնտեսական և անվտանգային շահերը։
Նրա խոսքով՝ Ռուսաստանը Հայաստանի հիմնական տնտեսական գործընկերն է, իսկ արտաքին քաղաքականությունում սխալ քայլերը կարող են ծանր հետևանքներ ունենալ քաղաքացիների համար։
aravot.am | @aravot