Category: Aravot

❌ «Դադարեցրեք քաղաքական պայքարի նման մեթոդները». Սլովակիայի նախկին ղեկավարները՝ Փաշինյանին
Սլովակիայի նախկին բարձրաստիճան պաշտոնյաները բաց նամակով դիմել են Նիկոլ Փաշինյանին՝ մտահոգություն հայտնելով Հայաստանում կիրառվող, իրենց գնահատմամբ, ոչ ժողովրդավարական մեթոդների և Հայ Առաքելական Եկեղեցու ղեկավարության դեմ գործընթացների վերաբերյալ։
Նրանք Փաշինյանին կոչ են արել դադարեցնել քաղաքական ներքին պայքարի նման մեթոդները և հետևել եվրոպական ժողովրդավարական չափանիշներին՝ հատկապես հաշվի առնելով Հայաստանի՝ ԵՄ անդամակցության ձգտումը։
aravot.am | @aravot⁠

📰 «Դուք էն մարդը չեք, որ ձեզ բան ասեմ»․ Սպիտակի համայնքապետը խախտել է լրագրողի վարքագծի կանոնը
Կոռուպցիայի կանխարգելման հանձնաժողովը եզրակացրել է, որ Սպիտակի համայնքապետ Քաջայր Նիկողոսյանը խախտել է հանրային պաշտոն զբաղեցնող անձանց վարքագծի կանոնը՝ լրագրող Կարինե Սիմոնյանի հետ շփման ժամանակ։
ԽԱՊԿ նախագահ Աշոտ Մելիքյանը նշել է, որ նույն օրը համայնքապետի տեղակալը նույնպես խախտել է լրագրողի իրավունքները՝ հարվածելով նրա նկարահանող սարքին, և կոչ է արել իրավապահներին ու հանձնաժողովին անդրադառնալ նաև այդ դեպքին։
aravot.am | @aravot⁠

🗣️ «Նրանք կնքեցին իրենց քաղաքական մահը»․ քաղաքագետը՝ խորհրդարանական ընդդիմության մասին
Քաղաքագետ Հովհաննես Ավետիսյանը կարծում է, որ խորհրդարանական ընդդիմությունը չի կարողացել ստանձնել պատասխանատվություն և դիմակայել իշխանության գործողություններին՝ այդպիսով, իր գնահատմամբ, լեգիտիմացնելով ընտրական խախտումները։
Նրա խոսքով՝ ընդդիմությունը պետք է դիմակայի Սահմանադրության փոփոխության և TRIPP-ի օրակարգերին, իսկ իշխանափոխության համար անհրաժեշտ է կազմակերպված խաղաղ անհնազանդության պայքար։
aravot.am | @aravot⁠

📞 Փաշինյանը զանգահարել է Ալիևին․ քննարկել են խաղաղության համաձայնագիրն ու TRIPP-ը
Օգոստոսի 8-ին Նիկոլ Փաշինյանը հեռախոսազրույց է ունեցել Իլհամ Ալիևի հետ։ Կողմերն անդրադարձել են Վաշինգտոնի պայմանավորվածությունների մեկամյակին, խաղաղության գործընթացի առաջընթացին և խաղաղության համաձայնագրի նախաստորագրմանը։
Քննարկվել են նաև առևտրատնտեսական կապերը, ադրբեջանական նավթամթերքի արտահանումը Հայաստան, տարանցիկ բեռների փոխադրումը և TRIPP երթուղու իրականացումը։
aravot.am | @aravot⁠

⚖️ Գոռավանի նախկին ղեկավարը մեղադրվում է ավելի քան 2.3 մլն դրամի հափշտակության մեջ
Գոռավանի նախկին ղեկավար Արսեն Բազիկյանի նկատմամբ հանրային քրեական հետապնդում է հարուցվել՝ պաշտոնեական դիրքը չարաշահելու և համայնքի միջոցները հափշտակելու վերաբերյալ մեղադրանքներով։
Ըստ մեղադրանքի՝ նա կեղծ տեղեկություններով զրոյացրել է իրեն պատկանող երկու ավտոմեքենաների՝ ընդհանուր 1.245.344 դրամի գույքահարկի պարտքերը, իսկ համայնքին հատկացված 1.129.650 դրամի գազի կտրոնները օգտագործել է սեփական ավտոմեքենայի համար։ Հերթական դատական նիստը նշանակվել է օգոստոսի 21-ին։
aravot.am⁠ | @aravot

🙎‍♂️ Կադրեր՝ Արտաշատ համայնքի նախկին ղեկավար, ԱԺ նախկին պատգամավոր Ա.Ա.-ի ձերբակալությունից։
ՔԿ

⚖️ «Սա ստորություն է». Աննա Մկրտչյանը՝ Վեհափառի և 6 եպիսկոպոսների գործի մասին
Աննա Մկրտչյանը Վեհափառի և 6 եպիսկոպոսների դատարանի առաջ կանգնելը բնութագրել է որպես «նվաստացման տեսարաններ»՝ հայտարարելով, որ գործընթացը, իր գնահատմամբ, քաղաքական բնույթ ունի։
Նա նաև մեղադրել է Նիկոլ Փաշինյանին գործընթացը կազմակերպելու մեջ և հայտարարել, որ իրավապահ համակարգը քաղաքական իշխանության ազդեցության տակ է գործում։
aravot.am⁠ | @aravot

📰 Փաշինյանի «սենսացիոն» արդարացումը
Ես Փաշինյանի այս հայտարարության մեջ ամենաուշագրավը ոչ թե Լուկաշենկոյի հասցեին հնչող ակնարկն եմ համարում, այլ պատասխանատվությունից հերթական խուսանավումը։ Փաստորեն, Փաշինյանը փորձում է ներկայացնել, թե Հայաստանին այլընտրանք փնտրելու գործընթացը սկսել է ոչ թե իր քաղաքական ընտրությամբ, այլ իրեն «հրահրելու» պատճառով։
Ինձ համար այստեղ ամենակարևոր հարցն այն է՝ իսկ որտե՞ղ է այդ այլընտրանքը։ Եթե այն իսկապես կա, ինչո՞ւ է Փաշինյանը ստիպված արդարանալ, թե իրեն հրահրել են։
Հակոբ Բադալյան
aravot.am | @aravot⁠

⛪ «Հանգիստ թողեք եկեղեցուն, հանգիստ թողեք ժողովրդին». Արման Աբովյան
Արման Աբովյանը հայտարարել է, որ Վեհափառի և 6 եպիսկոպոսների դատավարությունը «աննորմալ իրավիճակ» է, և կոչ արել. «Հանգիստ թողեք եկեղեցուն, հանգիստ թողեք ժողովրդին»։
Նա նաև հիշեցրել է 1937 թվականի բռնաճնշումները՝ ընդգծելով, որ Հայ եկեղեցին հաղթահարել է պատմության ամենածանր փորձությունները։
aravot.am⁠ | @aravot

⛪ «Նույնիսկ խորհրդային տարիներին Վեհափառը դատարանի առաջ չէր կանգնել». Նաթան արքեպիսկոպոս
Նաթան արքեպիսկոպոս Հովհաննիսյանը հայտարարել է, որ Վեհափառ Հայրապետին դատարան հրավիրելը աննախադեպ դեպք է, նշելով, որ նույնիսկ խորհրդային տարիներին Հայ Եկեղեցու պետը երբևէ դատարանի առաջ չի կանգնել։
Սրբազանը նաև հայտնել է, որ Արման Սարոյանի կարգալուծության հարցը քննարկվել և որոշվել է եկեղեցական սահմանված կարգով՝ եպիսկոպոսների և Գերագույն հոգևոր խորհրդի մասնակցությամբ։
Որևէ քաղաքական ուժ իրավունք չունի միջամտելու եկեղեցու ներքին հարցերին, իսկ Կաթողիկոսի նշանակումն ու փոփոխությունը բացառապես եկեղեցու կանոնական իրավասությունն է։
Սրբազանը նաև ընդգծել է. «Վարչապետը պետությունը չէ։ Հայաստանյայց Առաքելական Սուրբ Եկեղեցին միայն Հայաստանի եկեղեցին չէ, այլ աշխարհասփյուռ եկեղեցի է»։