Category: Aravot

🇪🇺 Դիմիտրիս Սկալկոս. «ՀՀ-ԵՄ հարաբերությունների հիմքը պետք է լինի CEPA-ն»
«Երևանյան երկխոսություն» համաժողովում Հունաստանի ԱԳՆ ներկայացուցիչ Դիմիտրիս Սկալկոսը հայտարարել է, որ ՀՀ-ԵՄ հարաբերությունների հիմքում պետք է լինեն CEPA-ն և ռազմավարական գործընկերության օրակարգը։
Փոխվարչապետ Մհեր Գրիգորյանի գրասենյակի ղեկավար Վիկտորյա Այդինյանն էլ նշել է, որ սահմանների բացման դեպքում տրանզիտային աճը կարող է կազմել առնվազն 33%։
aravot.am | @aravot

🇪🇺 Բայբա Բրաժե. «Մենք ողջունում ենք Հայաստանի՝ դեպի ԵՄ որդեգրած ուղին»
«Երևանյան երկխոսություն» համաժողովում Լատվիայի ԱԳ նախարար Բայբա Բրաժեն հայտարարել է, որ Հայաստանի եվրոպական բարեփոխումների ուղին «հրաշալի գործընթաց է»։
Նա նաև նշել է, որ Լատվիայի ԵՄ ինտեգրումը «հիմնովին փոխեց երկիրը», իսկ հունիսից «Էյր Բալթիկ»-ը կսկսի ուղիղ չվերթներ դեպի Հայաստան։
aravot.am | @aravot

🇦🇲 «Սա ժողովրդավարություն չէ, սա միջամտություն է»
Մայիսի 6-ին ասուլիսի ընթացքում Սամվել Կարապետյանի միջազգային փաստաբան Ռոբերտ Ամստերդամը հայտարարել է, որ «Փաշինյանը կեղծ ձևով է պատկերում իր հակառակորդներին», իսկ ԵՄ-ն ներգրավված է Հայաստանի ընտրական գործընթացներում։
Նա ներկայացրել է «Ամստերդամ ընդ Փարթներս» ընկերության զեկույցը և նշել․ «Սա ժողովրդավարություն չէ, սա միջամտություն է», քննադատելով եվրոպական կառույցների գործողությունները։
aravot.am | @aravot

🇦🇲 Ռոբերտ Ամստերդամ. «Փաշինյանի շահերը կարող են չհամընկնել հայ ժողովրդի շահերի հետ»
Մայիսի 6-ին ասուլիսի ընթացքում Սամվել Կարապետյանի միջազգային փաստաբան Ռոբերտ Ամստերդամը հայտարարել է, որ Եվրոպական քաղաքական համայնքի գագաթնաժողովում «Հայաստանի նկատմամբ ներդրում անելու ոչ մի պարտավորություն չստանձնվեց»։
Նա նաև նշել է, որ «Փաշինյանի շահերը կարող են չհամընկնել հայ ժողովրդի շահերի հետ», քննադատելով իշխանությունների և ԵՄ-ի դիրքորոշումները՝ կապված Բաքվում պահվող հայերի և եկեղեցու շուրջ զարգացումների հետ։
aravot.am | @aravot

🗣️ «Այս դատը բացված է հայ ժողովրդի դեմ». Դավիթ Իշխանյանի ուղերձը Բաքվի բանտից
Դավիթ Իշխանյանը հայտարարել է, որ Բաքվում իրենց նկատմամբ դատավարությունը ընթացել է մարդու իրավունքների և միջազգային նորմերի «կոպտագույն խախտումներով», իսկ իր վերջնական խոսքը դատարանում ամբողջությամբ չի թույլատրվել ասել։
Նա ՀՀ ՄԻՊ-ին կոչ է արել միջնորդել և ստանալ իրենց դատավճիռների ու մեղադրական ակտերի ամբողջական տեքստերը՝ ընտանիքներին փոխանցելու համար՝ ընդգծելով․ «Այս դատը բացված է հայ ժողովրդի և հայոց պետականության դեմ»։
Ավելին՝ Առավոտ

🚗 Վթարից հետո տեսանյութ հրապարակած 19-ամյա վարորդի նկատմամբ քրեական հետապնդում է հարուցվել
Դատախազությունը հայտնել է, որ Երևանում վթարի պատճառ դարձած 19-ամյա վարորդի նկատմամբ հարուցվել է հանրային քրեական հետապնդում։
Վարույթը նախաձեռնվել է խուլիգանության, ինչպես նաև հարբած և առանց իրավունքի մեքենա վարելու հոդվածներով։
Ավելի վաղ երիտասարդը տեսանյութ էր հրապարակել, որտեղ դիտում էր վթարի մասին ռեպորտաժն ու ծիծաղում։
aravot.am | @aravot

«Մեր երկիրը պետք է անվտանգ լինի, որ մենք էլ հպարտ լինենք»․ քաղաքացին Թաթոյանի հետ հանդիպման ժամանակ մեջբերեց նրա խոսքերը։

⚖️ «Քաղաքական գնահատական չեմ ուզում, հարցերս կոնկրետ էին»․ Սեյրան Օհանյանը՝ Աննա Վարդապետյանին
Ազգային ժողովում «Հայաստան» խմբակցության պատգամավոր Սեյրան Օհանյանը գլխավոր դատախազ Աննա Վարդապետյանին հարցրել է 44-օրյա պատերազմի քննության շրջանակում հարուցված գործերի մասին՝ հետաքրքրվելով, թե դրանցից քանիսն են վերաբերում բանակին, և քանիսը՝ մյուս պետական համակարգերին։
Աննա Վարդապետյանը նշել է, որ պատերազմի հետ կապված մի շարք վարույթներ քննվում են, որոնցից մի քանիսը խիստ գաղտնի են։ Օհանյանը, սակայն, արձագանքել է, որ քաղաքական գնահատական չի ակնկալում և պահանջում է հստակ պատասխան՝ պարզվա՞ծ է արդյոք այլ պետական համակարգերի պատասխանատվության հարցը։
aravot.am | @aravot

⚖️ «Ովքե՞ր են մաֆիոզները, նրանցից քանի՞սն են բանտում»․ Արթուր Խաչատրյանը՝ Աննա Վարդապետյանին
Ազգային ժողովում ընդդիմադիր պատգամավոր Արթուր Խաչատրյանը գլխավոր դատախազ Աննա Վարդապետյանին հարց է ուղղել՝ կապված վարչապետի հայտարարության հետ, ըստ որի երկրում գործում է մաֆիա։ Նա հետաքրքրվել է՝ ովքեր են այդ մարդիկ, որտեղ են նրանց հնարավոր ցանցերը և արդյոք արդեն կան դատապարտվածներ։
Դատախազը նշել է, որ կոնկրետ այդ ձևակերպմամբ հաղորդում չի ներկայացվել, հետևաբար համապատասխան վարույթ էլ չի նախաձեռնվել։ Նրա խոսքով՝ մի շարք տնտեսական բնույթի գործեր և մենաշնորհների հետ կապված քննություններ արդեն ընթանում են իրավական ընթացակարգերով։
aravot.am | @aravot