Category: Aravot

🚨 «Հայաստանի՝ եվրոատլանտյան քաղաքական ընտանիք անցումը դրական, բայց նաև ռիսկային գործընթաց է»
Ըստ «Կազիմիր Պուլասկի» հիմնադրամի նախագահ, Վարշավայի անվտանգության ֆորումի հիմնադիր Զբիգնև Պիսարսկիի՝ Հայաստանի դեպի եվրոատլանտյան քաղաքական ընտանիք անցումը պահանջում է երկարաժամկետ ու գործնական աջակցություն։
Նա նշել է, որ եվրոպական երկրների ղեկավարների այցը արդեն քաղաքական հանձնառության նշան է, բայց այդ ժեստից հետո պետք է հետևեն կոնկրետ քայլեր:
aravot.am | @aravot

🔴 Արցախի կորուստ, պարտություն, 5000 կյանք… այս ամենը հետապնդելու է Նիկոլ Փաշինյանին մինչեւ գերեզման ու գերեզմանում էլ. Զուրաբյան
Լեւոն Զուրաբյանը հայտարարել է, որ մայիսի 9-ի խորհուրդը պետք է կապել ոչ միայն անցյալի հաղթանակների, այլ նաև հզոր ու ինքնիշխան պետություն կառուցելու անհրաժեշտության հետ։
Անդրադառնալով Նիկոլ Փաշինյանի հայտարարություններին՝ Զուրաբյանը պնդել է, որ 1990-ականների պայքարի իմաստը եղել է Արցախի ժողովրդի պաշտպանությունը, ոչ թե տարածքային նկրտումները։
aravot.am | @aravot

🔴 ՀՀ-ում ՌԴ դեսպանը՝ Գուրգեն Արսենյանին ՌԴ ԱԳՆ կանչելու մասին․ «Ավելացնելու բան չունեմ»
Սերգեյ Կոպիրկինը Հաղթանակի զբոսայգում լրագրողների հետ զրույցում հրաժարվել է մեկնաբանել հայ-ռուսական հարաբերությունների վերջին զարգացումները՝ նշելով, որ ավելացնելու բան չունի պաշտոնական հայտարարություններին։
Նա չի անդրադարձել նաև այն տեղեկությանը, որ Գուրգեն Արսենյանին կանչել են Ռուսաստանի արտաքին գործերի նախարարություն՝ կապված ԵՄ հովանու ներքո անցկացված միջոցառումների ընթացքում հնչած հայտարարությունների և Հայաստանի հարթակ տրամադրելու հարցերի հետ։
aravot.am | @aravot

🔴 Արփինե Սարգսյանը՝ Վեդիում մանկապղծության դեպքի առիթով
Արփինե Սարգսյանը հայտնել է, որ Վեդիում աղմկահարույց գործը բացահայտվել է համայնքային ոստիկանության օպերատիվ տվյալների հիման վրա, և նույն օրը իրականացվել է ձերբակալություն։
Նրա խոսքով՝ ձերբակալված անձը փոխանցվել է քննչական մարմնին, իսկ հետագա որոշումները նախարարության իրավասությունից դուրս են և կապված են նախաքննության ընթացքի հետ։
Երրորդ անձի ձերբակալության վերաբերյալ նախարարն ընդգծել է, որ հարցաքննության և գործի մանրամասների մասին հայտարարությամբ պատեհ պահին հանդես կգա համապատասխան նախաքննական մարմինը։
aravot.am | @aravot

🔴 «Այդ հայտարարությունները որտե՞ղ են հնչել, ես ծանոթ չեմ այդպիսի հայտարարությունների»․ Արմեն Գրիգորյանը՝ Զելենսկու՝ Երևանում ընդդեմ ՌԴ-ի հայտարարությունների մասին
Արմեն Գրիգորյան հայտարարել է, որ Հայաստան-Ռուսաստան հարաբերություններում ճգնաժամ չի տեսնում՝ ընդգծելով, որ երկկողմ օրակարգը լայն է, թեև առանձին հարցեր կարող են լինել։
Անդրադառնալով Վոլոդիմիր Զելենսկիի՝ Երևանում հնչեցրած հնարավոր հակառուսական հայտարարություններին, նա ասել է, որ նման հայտարարություններին ծանոթ չէ և կարևոր է համարել միայն Հայաստանի պաշտոնական դիրքորոշումը։
aravot.am | @aravot

🚨 «Հայկական վնասվածք»․ կեղծ ապահովագրական սխեման բացահայտվել է
Հայաստանի մասնավոր դետեկտիվների ասոցիացիայի նախագահ Հայկ Գաբրիելյանի ներկայացրած իրական պատմությունում բացահայտվել է ավելի քան 25 հազար դոլարի ապահովագրական խարդախության փորձ։
Այլ երկրի քաղաքացի հայազգի կինն ապահովագրական ընկերությանը ներկայացրել էր, թե իբր Հայաստանում ստացել է ծանր վնասվածքներ և վիրահատվել Երևանի հայտնի կլինիկաներից մեկում։
* Հետաքննությամբ պարզվել է, որ հայկական կլինիկայում նա չի վիրահատվել, փաստաթղթերի մի մասը կեղծ է։
* Նա այդ օրերին Վրաստանում սպա-կլինիկայում անցել է պլանային կոսմետիկ վիրահատություն։
Կարդա «Առավոտ»

🚨 Այո՛, Արցախը իրենցը չէր. Շահրամանյանի արձագանքը Փաշինյանին
Արցախի նախագահ Սամվել Շահրամանյանն արձագանքել է Նիկոլ Փաշինյանի հայտարարություններին:

«Այո՛, Հայաստանը որպես Արցախի անվտանգության երաշխավոր, աջակցություն ուներ ֆինանսական ու բոլոր առումներով, բայց դա չի նշանակում, որ ձրիակերի պես այնտեղ նստած էինք ու միայն օգտվում էինք Հայաստանի հարկատուների ու պետբյուջեի տված գումարներից» :

aravot.am | @aravot

🚨 «Որքան մասնակցությունը բարձր լինի, այնքան ժողովրդավարական արդյունքներ կգրանցվեն». Դավիթ Անանյան
Տավուշից մեկնարկած քարոզարշավի ընթացքում «Միասնության թևեր» կուսակցության անդամ Դավիթ Անանյանը քաղաքացիներին կոչ է արել ակտիվ մասնակցել հունիսի 7-ի ընտրություններին։
Անանյանը նաև նշել է, որ երկրի առջև կանգնած վտանգների գիտակցումն ու ընդհանուր նպատակների շուրջ համախմբվելը կարող են միասնության հիմք դառնալ։ Իսկ առաջիկա ընտրությունները կարող են դառնալ թե՛ վերջակետ, թե՛ նոր սկզբնակետ։
aravot.am | @aravot

🚨 «Այսօր ուզում են հայ և հաղթանակ բառերը հեռացնել իրարից»
«Ուժեղ Հայաստան» կուսակցության խորհրդի անդամ Նարեկ Կարապետյանը հայտարարել է, որ հասարակության մեջ փորձում են արմատավորել այն միտքը, թե հայ ժողովուրդն այլևս չի կարող հաղթանակ ունենալ։
Նրա խոսքով՝ երկրի անվտանգության հարցում իշխանություններին վստահելը սխալ էր, որի հետևանքը եղել են հազարավոր զոհեր։
Կարապետյանը նաև քննադատել է իշխանությունների ենթակառուցվածքային ծրագրերը՝ նշելով, որ մարդկանց առաջին հերթին անհրաժեշտ է աշխատանք և սոցիալական կայունություն։
aravot.am | @aravot

🚨 Նոյեմբերյանում Եռատոնը շատերի համար այլևս տոն չէ
Նոյեմբերյանում բնակիչների մի մասը հայտարարել է, որ մայիսի 9-ը կորցրել է նախկին խորհրդանիշը՝ հիշեցնելով պատերազմի զոհերի և Արցախի կորստի մասին։
Տեղացիներից ոմանք նշել են, որ չեն հավատում առաջիկա ընտրությունների ազատ ընթացքին և դժգոհել են գյուղերի դատարկումից ու աշխատանքային խնդիրներից։
Քննադատություններ են հնչել նաև «խաղաղության» վերաբերյալ՝ նշելով, որ առանց արժանապատիվ կյանքի ու անվտանգության այն լիարժեք չի ընկալվում։
aravot.am | @aravot