Category: Aravot

❗ՌԴ–ում ՀՀ դեսպան Գուրգեն Արսենյանին կանչել են ՌԴ ԱԳՆ
Ավելին

«Հայաքվե» միավորման համակարգող ԱՎԵՏԻՔ ՉԱԼԱԲՅԱՆԻ հետ հարցարույցի հիմնական թեզերը.
❗❗ Մակրոնը պատրա՞ստ է Հայաստան ռազմաբազա բերել եւ այստեղ տեղադրել 5000 զինծառայող:
❗❗ TRIPP-ն այսօրվա կոնֆիգուրացիայով անիրատեսական է՝ պետք է դառնա միջազգաին կոնսորցիում:
❗❗ Փաշինյանն այնքան է կախված Ալիեւից ու Էրդողանից, որ ստիպված է կրկնել նրանց նառատիվները:
❗❗Այսօրվա իշխանությունն է, որ տգիտությամբ ներքաշել է Հայաստանը աշխարհաքաղաքական խաղերի մեջ:

🎨 Հուշ դարձած հանդիպում
Արվեստագետ և ազգագրագետ Սերիկ Դավթյանի հուշերում պահպանվել է մանկության մի ուշագրավ դրվագ՝ Պարսից թագաժառանգ Մուզաֆար Էդ-Դինի այցը Դիլիջան։ Նա հիշում էր, թե ինչպես է փոքր տարիքում հանդիպել հյուրին և նրանից ոսկեդրամներ ստացել։
Տարիներ անց, սակայն, Դավթյանի հիշողության մեջ առավել վառ է մնացել ոչ թե արքայական շքեղությունը, այլ նույն օրը հանդիպած կույր աշուղի կերպարը, որի պատմություններն ու մարդկային ջերմությունն ավելի խոր հետք են թողել նրա մեջ։
aravot.am | @aravot

🎬 #Մշակույթ
🇦🇲 Հաղթանակի տոնի նախաշեմին Երևանում ցուցադրվել է «Զինվորիկը» ֆիլմը՝ նվիրված Հայրենական մեծ պատերազմի ամենակրտսեր մասնակցին՝ Սերյոժա Ալեշկովին։
🎖️ Միջոցառումը կազմակերպվել էր «Եվրասիա Արմենիա»-ի և «Հաղթանակ 9/45» շարժման կողմից՝ որպես պատմության կենդանի դաս և հարգանքի տուրք պատերազմի հերոսներին։
🔗 Ավելին՝ Առավոտում

#Մշակույթ
🎼 «Ուշացած զրույցը կոմպոզիտորի հետ կփորձեմ իրականացնել վիրտուալ տարածքում»
Աննա Ասատրյանը՝ արվեստագիտության դոկտոր, պրոֆեսոր, անդրադարձել է Լիլիթ Երնջակյանի «Ռուբեն Սարգսյանի աշխարհը. կոմպոզիտորը և ժամանակը» մենագրությանը։
Գիրքը հայ երաժշտագիտության մեջ առաջին անգամ համակողմանի քննության է առնում կոմպոզիտոր Ռուբեն Սարգսյանի ստեղծագործությունը։ Այն նվիրված է նաև կոմպոզիտորի և անվանի երաժշտագետ Իրինա Զոլոտովայի հիշատակին, որը կյանքից հեռացել է տպագրության օրերին։ Շնորհանդեսը կայանալու է շուտով։
aravot.am | @aravot

🗳️ «Բոլորին դեմ եմ» կուսակցությունը վարչապետի թեկնածու է առաջադրել
«Բոլորին դեմ եմ» կուսակցությունը հայտարարել է, որ ներքին ընտրությունների արդյունքում իրենց վարչապետի թեկնածուն լինելու է Նինա Կարապետյանցը։
Կուսակցությունը նաև նշել է, որ հաղթանակի դեպքում 100-օրյա կառավարությունը կգլխավորի Նինա Կարապետյանցը, իսկ հետո նա «10 տարվա ընթացքում չի զբաղվելու քաղաքականությամբ»։
aravot.am | @aravot

🔍 Վահագն Հովակիմյան. «Թեկնածուների էջերը լինելու են ԿԸՀ-ի խոշորացույցի տակ»
Մամուլի ասուլիսի ժամանակ ԿԸՀ նախագահ Վահագն Հովակիմյանը հայտարարել է, որ հանձնաժողովը հետևում է թեկնածուների սոցիալական էջերին, սակայն տարանջատում է պաշտոնական և անձնական օգտահաշիվները։
Նա նաև նշել է․ «Եթե վարչապետը փոխվի, ո՞վ է շարունակելու վարել այդ էջը», անդրադառնալով Նիկոլ Փաշինյանի ֆեյսբուքյան էջի շուրջ հարցերին։
aravot.am | @aravot

🎬 Գևորգ Ստեփանյան. «Թաղապետարանի աշխատակիցները պոկել են պաստառն ու նետել»
«Բարգավաճ Հայաստան» կուսակցության պատգամավորի թեկնածու Գևորգ Ստեփանյանը հայտարարել է, որ Շենգավիթում «Հայրենիք» կինոթատրոնի վրա փակցված իրենց պաստառը ապամոնտաժվել է առանց նախազգուշացման։
Նրա խոսքով՝ դրանից հետո կինոթատրոնի սեփականատիրոջ և վարչական շրջանի աշխատակիցների միջև վեճ և քաշքշուկ է տեղի ունեցել, սակայն իրենք «ոչ մի սադրանքի չեն տրվելու»։
aravot.am | @aravot

🚨 Վեդիի ոստիկանապետերն ազատվել են պաշտոններից՝ անչափահասների բռնության գործից հետո
Քրեական ոստիկանության Արարատի մարզային վարչության պետ Սարիբեկ Ռուստամյանն ու Համայնքային ոստիկանության Վեդիի բաժնի պետ Արմեն Մկրտչյանն ազատվել են պաշտոններից։
Ըստ հրապարակման՝ Վեդիի դպրոցը դեռ փետրվարին ահազանգել էր երկու անչափահաս քույրերի նկատմամբ բռնության մասին, սակայն փաստաբանների պնդմամբ՝ իրավապահների անգործության պատճառով բռնությունը շարունակվել է մինչև ապրիլ։
aravot.am | @aravot

🇦🇲 Սամվել Կարապետյան. «Պայքարելու ենք Ջերմուկի, Սյունիքի և Վարդենիսի տարածքների վերադարձի համար»
Լրագրողների հետ հանդիպման ժամանակ «Ուժեղ Հայաստան» կուսակցության առաջնորդ Սամվել Կարապետյանը հայտարարել է, որ իրենց քաղաքական ուժը պայքարելու է Հայաստանի օկուպացված տարածքների վերադարձի համար։
Նա նաև նշել է, որ «մոտակա տարիներին Արցախը պատերազմով վերադարձնելու հնարավորություն չունենք», սակայն պետք է անել ամեն ինչ՝ արցախցիների անվտանգ վերադարձն ապահովելու համար։
aravot.am | @aravot