Category: Aravot

⚠️ «Իրանում բաց ասացին՝ խորհուրդ չեն տալիս Հայաստանին գնալ ԹՐԻՓՓ-ի հետ կապված կարգավորումներին»․ Լևոն Զուրաբյան
Լևոն Զուրաբյանի խոսքով՝ Իրանում ունեցած հանդիպումների ընթացքում պաշտոնական և փորձագիտական շրջանակները զգուշացրել են, որ Հայաստանին խորհուրդ չեն տալիս գնալ ԹՐԻՓՓ-ի հետ կապված կարգավորումներին՝ նշելով, որ Իրանի շահերին հակասող քայլերը կարող են հետևանքներ ունենալ։ Նա նաև ընդգծել է, որ Թեհրանը ցանկանում է ավելի ակտիվ դեր ունենալ հայ-իրանական հարաբերություններում։
aravot.am | @aravot

#Բիզնես
🐝 Երիտասարդ զույգը Գառնիում «մեղրի մոլորակ» է ստեղծել
Գառնիում Նարեկ Սարգսյանն ու Ռուզաննա Դանիելյանը ստեղծել են Bee Planet նախագիծը, որն այսօր միավորում է հյուրատուն, մեղրի համտեսի սրահ, ապիթերապիայի տնակ և մեղրային արտադրանք։ Նախագիծը զարգացել է Ակբա Ֆեդերացիայի և Impact Hub-ի համատեղ ֆելոուշիփ ծրագրի աջակցությամբ՝ նոր գիտելիքների և բիզնես փորձի շնորհիվ։
aravot.am | @aravot

🚨 Վարդավառի օրվա ավարտին անկառավարելի իրավիճակ, զանգվածային ծեծկռտուք՝ Գյումրու Հակոբ Մծբնեցի եկեղեցու մոտ․ ո՞րն է եղել պատճառը
Գյումրու Հակոբ Մծբնեցի եկեղեցու մոտ Վարդավառի երեկոյան տեղի է ունեցել զանգվածային ծեծկռտուք՝ շուրջ 50–70 մարդու մասնակցությամբ։ Ըստ ոստիկանության աղբյուրների՝ միջադեպը սկսվել է շան տիրոջ և երեք երիտասարդների միջև վիճաբանությունից, որն արագ վերածվել է լայնամասշտաբ բախման։
Ոստիկանները վերականգնել են կարգուկանոնը։ Լուրջ տուժածներ չկան, մեկ անձ տեղափոխվել է հիվանդանոց, բուժօգնություն ստանալուց հետո դուրս է գրվել։
aravot.am | @aravot

📖«Ուզում եմ, որ երեխան խաղա, ծիծաղի, ապրի պատմությունը ու նույնիսկ չզգա, որ ընթացքում սովորել է, կրթվել». Արփի Մաղաքյան
-Մարդիկ կան, որոնց իրավունք չունենք մոռանալու։ Փառք Աստծո, Կոմիտասին ու Թումանյանին չենք մոռացել։ Բայց քանի՞սը կհիշեն Սահականդուխտին ու Խոսրովիդուխտին, Անիի Մայր տաճարի ճարտարապետ Տրդատին, Մոմիկին կամ Գարեգին Սրվանձտյանին, որի շնորհիվ այսօր ունենք մեր էպոսը,- ասում է հեքիաթագիր Արփի Մաղաքյանը։
Aravot.am-ի զրույցը՝ «Հիշելու հեքիաթներ» նոր գրքի մասին։

🪨 «Մուլտի Սթոուն»-ի աշխատակիցները բողոքի ակցիա են անցկացրել
Արդեն մեկ շաբաթ անորոշ վիճակում գտնվող «Մուլտի Սթոուն»-ի աշխատակիցները պահանջում են վերաբացել ընկերությունը կամ հստակ տեղեկացնել հետագա քայլերի մասին։ Նրանք նշում են, որ առանց աշխատանքի մնալու պատճառով չեն կարողանում կատարել իրենց ֆինանսական պարտավորությունները։
Աշխատակիցները հայտարարում են, որ եթե պատասխան չստանան, պատրաստ են փակել Սևան–Երևան մայրուղին՝ իրենց պահանջները բարձրաձայնելու համար։
aravot.am | @aravot

🏭 «Երևանի Արարատ» կոմբինատի աշխատակիցները պահանջում են վերաբացել գործարանը
«Երևանի Արարատ կոնյակի-գինու-օղու կոմբինատ»-ի աշխատակիցներն այսօր բողոքի ակցիա են անցկացրել՝ պահանջելով վերաբացել արդեն մեկ շաբաթ փակ գործարանը։ Նրանք նշում են, որ անորոշության պատճառով չեն կարողանում ապահովել ընտանիքների եկամուտը և մարել վարկերը։
Ցուցարարների խոսքով՝ գործարանի փակման հետևանքով առանց աշխատանքի է մնացել շուրջ 1500 աշխատակից, և եթե իրավիճակը չլուծվի, պատրաստ են դիմել ավելի կոշտ քայլերի։
aravot.am | @aravot

🌍 «Հենց Ռուսաստանի շահերից չի բխում դա». Մասաչուսեթսի Սթոունհիլ քոլեջի պրոֆեսորը՝ ՀՀ-ին աշխարհաքաղաքական ընտրություն կատարել շտապեցնելու առիթով
Մասաչուսեթսի Սթոունհիլ քոլեջի պրոֆեսոր Աննա Օհանյանի խոսքով՝ փոքր պետությունների համար վտանգավոր է մեկ երկրի նկատմամբ մեծ կախվածությունը, և Հայաստանը պետք է բազմազանեցնի իր արտաքին քաղաքական ու տնտեսական կապերը։
Օհանյանը նշել է, որ աշխարհաքաղաքական ընտրության պարտադրումը չի բխում անգամ Ռուսաստանի շահերից, և Հայաստանը չի հրաժարվում նախկին կապերից, այլ փորձում է դիվերսիֆիկացնել դրանք։
aravot.am | @aravot

🐎 Հերթը հասավ Գագիկ Ծառուկյանի ձիերին
«Մուլտի Գրուպ»-ին պատկանող ձիասպորտի ակումբի աշխատակիցները հայտնել են, որ տեղեկություններ են ստացել՝ առաջիկայում ակումբի 12 ձիերը կարող են կառգրավվել և հանձնվել պետությանը։
Ձիերի խնամակալ Մարիամ Սարգսյանի խոսքով՝ մտահոգություն կա, որ տեղափոխումը կարող է վնասել կենդանիներին, քանի որ նրանք կապված են իրենց խնամակալների հետ և սովոր չեն նման տեղափոխման։ Նա նշել է, որ ձիերը պահվում են պատշաճ պայմաններում, ունեն բժշկական եզրակացություններ և չեն շահագործվում։
aravot.am | @aravot

🎯 Այսօր կա հնարավոր 4 տարբերակ ազատագրելու համար ՀՀ պետությունը
ՀՀ-ում պետական կառավարման, ընտրական համակարգի եւ իշխանության վերարտադրության մեխանիզմների վերաբերյալ իր ուսումնասիրության մեջ Հրայր Խառատյանը ներկայացնում է համակարգային փոփոխությունների անհրաժեշտության մասին իր տեսակետը։
Հեղինակի գնահատմամբ՝ պետության կառավարման արդյունավետության համար անհրաժեշտ են նոր մեխանիզմներ, հակակշիռներ եւ ընտրական համակարգի վերափոխում։
✍️ Ավելին՝ Առավոտում

🎯 Իրանյան պատերազմի ռազմավարական հետեւանքները Մերձավոր Արեւելքում և Հարավային Կովկասում
Իրանյան պատերազմի արդյունքները կարող են երկարաժամկետ ազդեցություն ունենալ ոչ միայն Մերձավոր Արեւելքում, այլեւ Հարավային Կովկասում։ Թեեւ պատերազմը չի փոխել տարածաշրջանի ամբողջ ուժային հավասարակշռությունը, այն որոշակիորեն ընդլայնել է Հայաստանի մանեւրելու հնարավորությունները։
Իրանի ռազմավարական դիրքերի ամրապնդումը, ԱՄՆ-ի եւ Իսրայելի դիրքերի թուլացումը, ինչպես նաեւ Թուրքիայի դերակատարության աճը նոր իրողություններ են ստեղծում, որոնք պահանջում են իրավիճակի սթափ եւ առարկայական գնահատում։
✍️ Ավելին՝ Առավոտում