Category: Aravot

🏦 #բիզնես
Ֆասթ բանկը պարզաբանում և հերքում է մի շարք պնդումներ
Ֆասթ Բանկը հայտնել է, որ ապրիլի 25-ին Հանրապետության հրապարակում անցկացված երաժշտական փառատոնի հետ կապված իր ներգրավվածությունը սահմանափակվել է գովազդային ծառայությունների գնմամբ։ Բանկը նաև ընդգծել է, որ ապրիլի 19-ին Գյումրիում կայացած համերգի հետ որևէ առնչություն կամ պայմանագիր չի ունեցել և հերքել է որևէ կուսակցության կամ ընտրական քարոզչության ֆինանսավորման կամ հովանավորության վերաբերյալ պնդումները։
aravot.am | @aravot

🎯 «Նախկին խորհրդարանում խուլիգաններն ավելի շատ էին». Կարեն Դուրգարյանը ԱԺ-ի ծեծկռտուքը երկրի զարգացում է համարում
Ալեքսանդր Սպենդիարյանի անվան օպերայի և բալետի ազգային ակադեմիական թատրոնի տնօրեն Կարեն Դուրգարյանը ԱԺ-ում տեղի ունեցած ծեծկռտուքը կապել է կրթության և երկրի անցած 30 տարիների խնդիրների հետ։ Նա նշել է, որ նախորդ խորհրդարաններում «խուլիգանների» թիվն ավելի մեծ էր, իսկ այսօր, իր գնահատմամբ, երկիրը զարգանում է և առաջընթացի ճանապարհին է։ Դուրգարյանը նաև ասել է, որ ինքը երկրում քաոս չի տեսնում։
aravot.am | @aravot

🕵️ «Զեկույցը պատրաստվել էր ադրբեջանցի հետախույզի համար». Գերմանիայի հետախուզության նախկին ղեկավարը ձերբակալվել է լրտեսության կասկածանքով. ԶԼՄ-ներ
Գերմանիայի Դաշնային հետախուզական ծառայության նախկին ղեկավար Աուգուստ Հանինգը ձերբակալվել է լրտեսության, պետական դավաճանության և օտարերկրյա հետախուզական ծառայությունների համար աշխատելու կասկածանքով։ Դաշնային դատախազության տվյալներով՝ նա գաղտնի տեղեկություններ է օգտագործել օտարերկրյա հետախուզության աշխատակցի համար վերլուծական զեկույց պատրաստելու նպատակով, իսկ «Der Spiegel»-ը հայտնում է, որ խոսքը ադրբեջանցի հետախույզի մասին է։
aravot.am | @aravot

#Մեկնաբանություն
⚠️ Կառավարելի լարում՝ համոզիչ շանտաժի համար
Հաճախ է հնարավոր լսել՝ հիմնականում Հայաստանի իշխանության կամ մերձիշխանական քարոզչական շրջանակից, որ Ալիեւի կամ Ադրբեջանի մյուս բարձրաստիճան պաշտոնյաների հայտարարություններին մեծ ուշադրություն դարձնելով՝ դրանք բերվում են Հայաստան եւ դառնում Հայաստանում օրակարգ թելադրող։
Բայց առնվազն տարօրինակ է այդ «հակափաստարկը», երբ Հայաստանի իշխանությունն ինքն է պաշտոնապես օրակարգ ներառել Ադրբեջանի տարատեսակ պահանջները եւ անգամ սպառնում է հանրությանը, որ դրան դեմ արտահայտվելը կբերի պատերազմ։ Ու այս պարագայում Բաքվի վարքագծում որոշակի կոշտացումները կարող են լինել Հայաստանում սահմանադրական հանրաքվեի դեպքում հանրությանը շանտաժելու համար անհրաժեշտ «կառավարելի լարման» նախապատրաստում։
Հակոբ Բադալյանի մեկնաբանությունը

Հայկ Սարգսյանը և Ավետիք Օրդյանը հեռացվել են ՔՊ-ից
Մանրամասներ

🚨 «Չենք զարմանա, որ մեղադրանք առաջադրվի այդ կնոջը, որ համարձակվել է իր տան մեջ պաշտպանվել»․ Գառնիկ Դանիելյան
ՀՅԴ անդամ Գառնիկ Դանիելյանը Շաքիի դեպքի վերաբերյալ հայտարարել է, որ ավելի քան 20 կմ խորությամբ ՀՀ տարածք ադրբեջանցի զինծառայողի ներթափանցումը բազմաթիվ հարցեր է առաջացնում։ Նրա խոսքով՝ պետք է պարզել՝ ինչպես է զինված անձը օրեր շարունակ գտնվել բնակավայրերի խորքում։
Դանիելյանը նաև քննադատել է այն, որ տեղի ունեցածի պատասխանատվությունը, իր գնահատմամբ, փորձում են ուղղել ադրբեջանցի զինծառայողին դիմադրած կնոջ ուղղությամբ։ Նա պահանջել է պարզել՝ արդյոք տեղի ունեցածը պատկան մարմինների հանցավոր անգործության հետևանք է։
aravot.am⁠ | @aravot

💼 ԶՊՄԿ-ն՝ հայ-բրիտանական բիզնես ֆորումում․ շեշտը՝ միջազգային չափանիշների վրա
ԶՊՄԿ գլխավոր տնօրենի առաջին տեղակալ Վարդան Ջհանյանը հայ-բրիտանական բիզնես ֆորումում ներկայացրել է ենթակառուցվածքների զարգացման և միջազգային չափանիշների ներդրման կարևորությունը։
Նրա խոսքով՝ ԶՊՄԿ-ն արդեն համագործակցում է բրիտանական առաջատար ընկերությունների հետ՝ պոչամբարի կառավարման և բնապահպանական հետազոտությունների ոլորտներում։
aravot.am⁠ | @aravot 

🚨 «Արցախի էջը փակելով՝ ՔՊ-ն բացում է Սյունիքի էջը»․ Արեգա Հովսեփյան
«Ուժեղ Հայաստան» խմբակցության պատգամավոր Արեգա Հովսեփյանը Շաքիի դեպքը կապել է իշխանությունների «հանձնվողականության» և համապատասխան մարմինների աշխատանքի հետ։ Նրա խոսքով՝ Շաքիի դեպքը «Նիկոլ Փաշինյանի գլխավորությամբ համապատասխան մարմինների հանցավոր անգործության հետևանք է»։
Հովսեփյանը նաև անդրադարձել է Իլհամ Ալիևի հայտարարությանը՝ նշելով, որ հայ ժողովրդի պատիվն ու արժանապատվությունը չեն կորել, և Շաքիի բնակչուհի Անի Ավետիսյանի գործողությունները դրա վկայությունն են։
aravot.am | @aravot

#Մշակույթ
🎭 «Գոյ» թատրոնը վերադառնում է բեմ՝ «Խելագարը» ներկայացմամբ
«Գոյ» թատրոնը հոկտեմբերի 12-ին Հակոբ Պարոնյանի անվան երաժշտական կոմեդիայի թատրոնում կներկայացնի «Խելագարը» սատիրային կատակերգությունը՝ Դարիո Ֆոյի «Անարխիստի պատահական մահը» ստեղծագործության հիման վրա։
Չնայած ընթացող դատական գործընթացներին և սեփական բեմի բացակայությանը, թատրոնի ստեղծագործական կազմը որոշել է վերադառնալ բեմ։
aravot.am⁠ | @aravot

🎺 Լատինաամերիկյան ռիթմեր, հայաստանյան պրեմիերաներ և աշխարհահռչակ շեփորահարի խոստումը
Երևանյան 18-րդ միջազգային երաժշտական փառատոնի շրջանակում Հայաստանի ազգային ֆիլհարմոնիկ նվագախմբի հետ ելույթ են ունեցել աշխարհահռչակ շեփորահար Պաչո Ֆլորեսը և դիրիժոր Լուիս Կաստիլյո-Բրիսենյոն։ Համերգի ծրագրում ընդգրկված բոլոր ստեղծագործությունները Հայաստանում հնչել են առաջին անգամ։ Ֆլորեսը նաև հույս է հայտնել, որ հաջորդ այցի ընթացքում հնարավորություն կունենա նվագախմբի հետ կատարել Ալեքսանդր Հարությունյանի հանրահայտ Շեփորի կոնցերտը։
aravot.am | @aravot