Category: Aravot

Արամ Վարդևանյանը պատասխանում է պատգամավորների հարցերին

⛪️ «Եթե ես լինեի ԱԺ առաջին նիստի պատասխանատուն, Վեհափառը կլիներ ԱԺ-ում»․ Վարդևանյանը՝ Թունյանին
ԱԺ նախագահի տեղակալի թեկնածու Արամ Վարդևանյանը, պատասխանելով ՔՊ պատգամավոր Բաբկեն Թունյանի հարցին, հայտարարել է, որ եթե ինքը կազմակերպեր ԱԺ առաջին նիստը, Վեհափառ Հայրապետը ներկա կլիներ նիստերի դահլիճում։
Նա նշել է, որ նախկինում ևս Վեհափառ Հայրապետը մասնակցել է ԱԺ նիստերին՝ ընդգծելով, որ Մայր Աթոռը չպետք է վերածվի քաղաքական քննարկումների թեմայի։
🔗 aravot.am | @aravot

9-րդ գումարման Ազգային ժողովում այս պահին ընթանում է Արամ Վարդևանյանի՝ ԱԺ նախագահի տեղակալի ընտրությունը։

🏛 «Այն, թե կունենանք նոր Սահմանադրություն, թե ոչ, կորոշի ՀՀ ժողովուրդը»․ Սրբուհի Գալյան
Արդարադատության նախարար Սրբուհի Գալյանը հայտարարել է, որ նոր Սահմանադրության ընդունման կամ չընդունման հարցը բացառապես Հայաստանի ներքին խնդիրն է, և վերջնական որոշումը կայացնելու է ՀՀ ժողովուրդը։
Նա նշել է, որ Սահմանադրության նոր նախագիծը մշակման և քննարկման փուլում է՝ ընդգծելով, որ գործընթացը վաղուց հայտարարված քաղաքական հանձնառության շրջանակում է։
🔗 aravot.am | @aravot

📬📬📬 Մամուլը գրում է
🔺Հնարավոր չէ բարեկիրթ հարաբերություններ կառուցել մի քաղաքական ուժի հետ, որի բարեկիրթ լինելու կոչերի իմաստն այն է, թե երբ մենք ձեզ հայհոյում ենք, դուք լռեք, իսկ երբ կփորձեք պատասխանել, կստանաք տասնապատիկ ավելին. «Հրապարակ»
🔺ՀՀ ինքնիշխանության անվան տակ տեղի է ունենում Հայաստանի դիմադրողականության ջարդում և ինքնիշխանության վերացում. Նաիրի Սարգսյան. «Փաստ»
🔺Առավել մտահոգիչ է այն հանգամանքը, որ գյուղատնտեսության անկումը պայմանավորված չէ մեկ առանձին գործոնով. «Փաստ»
🔺«Էդպես որ շարունակվեց, մեզ մնալու է 10 հազար կիլոմետր տարածք, ու վերջ: Լոռու մարզը հնագույն հայկական պատմական տարածք է, մեր հայրենիքի մի մասը». Աշոտ Ղուկասյան. «Հրապարակ»
Մամուլի տեսությունն ամբողջությամբ

Երեւանն ու Մոսկվան տարբեր լեզուներով են խոսում
Հայաստան-Ռուսաստան հարաբերություններում տարաձայնությունները դուրս են եկել սովորական դիվանագիտական անհամաձայնությունների շրջանակից եւ վերածվել են քաղաքական դիմակայության նոր փուլի։
Եթե առաջին հայացքից թվում է, թե խոսքը վերաբերում է միայն հայկական ապրանքների արտահանման սահմանափակումներին, ԵԱՏՄ-ում առաջացած խնդիրներին կամ Եվրամիությանն անդամակցության շուրջ հնչող հայտարարություններին, ապա իրականում տեղի ունեցող գործընթացների հիմքում շատ ավելի խորքային հարց է։
Էմմա Գաբրիելյանի վերլուծականը

🏛 «Պետք է որոշ վերանայումներ իրականացնենք, որպեսզի մեր գործունեությունն ավելի արդյունավետ լինի»․ Նիկոլ Փաշինյան
Նոր կառավարության առաջին նիստում վարչապետ Նիկոլ Փաշինյանը շնորհավորել է նորանշանակ պաշտոնյաներին և հայտարարել, որ կառավարության աշխատանքում անհրաժեշտ են որոշ վերանայումներ՝ արդյունավետությունը բարձրացնելու նպատակով։
Նրա խոսքով՝ 2026–2031 թվականների կառավարության ծրագրի քննարկումների ընթացքում կվերլուծվեն ինչպես հաջողված, այնպես էլ ակնկալվող արդյունք չտված ուղղությունները՝ անհրաժեշտ հետևություններ անելու համար։
🔗 aravot.am | @aravot

Կոշտ խոսակցություն. Նիկոլ Փաշինյանն անցնում է «հավերժական» բանաձեւին
Կառավարության աղբյուրներին հղումով հրապարակվել է տեղեկություն, որ Նիկոլ Փաշինյանը բանակում տիրող իրավիճակի վերաբերյալ կոշտ խոսակցություն է ունեցել պաշտպանության նախարար Սուրեն Պապիկյանի հետ։ Սուրեն Պապիկյանն օրերս վերանշանակվել է այդ պաշտոնում։
Փաշինյանի խոսակցությունը եղել է նրան վերանշանակումից առաջ, թե հետո, պարզ չէ։ Բայց, դա գուցե էական չէ։ Անգամ էական չէ՝ եղե՞լ է այդպիսի խոսակցություն իրականում, թե՞ կառավարության աղբյուրներն են շահագրգռված տարածել դրա մասին տեղեկատվություն, հանրային համարժեք պատկերացում ձեւավորելու համար։ Դա էլ, իհարկե, դժվար է ասել։ Թեեւ, շատ հավանական է նաեւ երկուսը մեկում՝ թե կոշտ խոսակցությունը, թե դրա մասին հանրայնացման մոտիվը։
Հակոբ Բադալյանի մեկնաբանությունը

🏨 «Այս ճանապարհները տեսնողը երկրորդ անգամ Գյումրի չի գա»․ զբոսաշրջային ոլորտի ներկայացուցիչ
Aravot.am-ի հետ զրույցում Գյումրու զբոսաշրջային ընկերության հիմնադիր Գոռ Թորոսյանը հայտարարեց, որ քաղաքում զբոսաշրջությունն անկում է ապրում, իսկ ներդրողներին հետ է պահում ՏԻՄ-ի շուրջ անորոշությունն ու քաղաքի ենթակառուցվածքների վիճակը։
Նրա խոսքով՝ ճանապարհների վատ վիճակն ու Գյումրիի շուրջ շարունակվող քաղաքական լարվածության մասին հրապարակային հայտարարությունները բացասաբար են ազդում թե՛ զբոսաշրջիկների, թե՛ նոր ներդրումների վրա։
aravot.am | @aravot⁠