Category: Aravot

⚖️ Փաստաբան․ 452-րդ հոդվածով մեղադրանքի հիմքեր չկան
🗣 Հովսեփ Սարգսյանը հայտարարել է. «452 հոդվածով մեղադրանքի հիմնավոր կասկածի նվազագույն շեմը չի հաղթահարված»։
📌 Նրա խոսքով՝ խուլիգանության մեղադրանքը (297 հոդված) ինքնին բացառում է 452 հոդվածի կիրառումը։
❗ Փաստաբանը կասկածի տակ է դրել նաև վարչապետի «քաղաքական գործունեության» հանգամանքը, նշելով, որ եկեղեցում տեղի ունեցածը չի կարող համարվել նման գործունեություն։
⚠️ Նա ընդգծել է, որ վարույթ իրականացնող մարմինը չի հիմնավորել այդ հանգամանքը, ինչը, ըստ նրա, խնդրահարույց է։
🔗 Ավելին՝ Առավոտում

«Պետությունը, որն իշխանության դրդմամբ այսպես է կիրառում իրավունքը, հաստատում է մեկ բան․ վախենում է». Արման Թաթոյան
Ավելին

⚖️ Դատարանում քննվում է անչափահաս Դավիթ Մինասյանի կալանքի հարցը
📌 Սուրբ Աննա եկեղեցու միջադեպով ձերբակալված Դավիթ Մինասյանի կալանքի միջնորդությունը այսօր քննվում է դատարանում։
👥 Դատարանի բակում հավաքվել են հանրային ու քաղաքական գործիչներ՝ ի պաշտպանություն տղայի։
🗣 Անաստաս Իսրայելյանը հայտարարել է. «Այս երեխաները բոլորինն են, պետք է կանգնենք նրանց կողքին»։
⚠️ Նրա խոսքով՝ միջադեպը սադրանքի հետևանք է եղել, և դատարանի որոշումը պետք է լինի արդարացի։
🔗 Ավելին՝ Առավոտում

⚖️ Արամ Վարդևանյան․ Վերաքննիչը չի վերացրել Սամվել Կարապետյանի տնային կալանքը
📌 Փաստաբանը հայտնել է, որ դատարանը, ունենալով հիմքեր, չի վերացրել կալանքը, և հարցը թողել է առաջիկա դատական նիստին։
⚠️ Նրա խոսքով՝ նույնիսկ տեսաուղերձների հարցը չի լուծվել, թեև որոշ հիմնավորումների հետ դատարանը համաձայնել է։
💬 Վարդևանյանը գործը գնահատել է որպես «քաղաքական հետապնդում», նշելով, որ խախտվել են Եվրոպական կոնվենցիայի 5 և 18-րդ հոդվածները։
❗ Նա ընդգծել է՝ «իրավունքը պետք է գերակայի և կգերակայի»։
🔗 Ավելին՝ Առավոտում

🚨 Գյումրու քաղաքապետ Վարդան Ղուկասյանը դատական նիստին ընդունվեց բուռն ծափահարություններով
📌 ՀՀ հակակոռուպցիոն դատարանում ընթանում է Վարդան Ղուկասյանի կաշառքի գործով դատավարությունը, այսօր շարունակվելու է վկաների հարցաքննությունը։
⚖️ Նախորդ նիստում լսվել են գլխավոր ճարտարապետ Հենրիկ Գասպարյանը և գործարար Սևակ Գոմցյանը. Հենրիկ Գասպարյանը հրաժարվել է ցուցմունք տալ, իսկ Գոմցյանը հայտարարել է, որ Վարդան Ղուկասյանի հետ երբևէ շփում չի ունեցել։
💰 Քրեական վարույթի համաձայն՝ կաշառքի չափը կազմում է 4 միլիոն ՀՀ դրամ, որը պահանջվել է հասարակական նշանակության ինքնակամ կառույց օրինականացնելու համար։
📢 Դատարանը թույլատրել է միայն ձայնագրություն, տեսանկարահանում կամ ուղիղ եթեր արգելված է. լրատվամիջոցները կարող են հրապարակել ձայնագրությունները միայն բոլոր վկաների հարցաքննությունից հետո։
🔗 Ավելին՝ Առավոտում

🚨 Գևորգ Գևորգյանը՝ եկեղեցու միջադեպի մասին. «Իմ գործողությունը հարվածը կանգնեցնելն էր»
📌 Գևորգ Գևորգյանը հայտարարեց, որ որևէ հարձակում չի ծրագրել, ընդգծելով՝ իր գործողությունները կապված են եղել միայն իրավիճակը հանգստացնելու հետ։
⚠️ Նրա խոսքով՝ ինքը պարզապես փորձել է կանգնեցնել երիտասարդի նկատմամբ կիրառվող ուժը, ասելով՝ «եկեղեցում նման բան չեն անում»։
❗ Գործիչը նաև կասկածի տակ դրեց իրեն վերագրվող մեղադրանքները, նշելով, որ նման պնդումները «աբսուրդի ժանրից են»։
👤 Հիշեցնենք՝ միջադեպից հետո հարուցվել է քրեական գործ, ձերբակալվել էին նաև երկու անչափահաս, իսկ խուզարկությամբ, ըստ պաշտպանների, հայտնաբերվել են միայն գրքեր ու պատվոգրեր։
🔗 Ավելին՝ Առավոտում

🚨 Սուրբ Աննայի միջադեպ․ մեկ եղբայրը ազատ, բայց մեղադրանքով
📌 Քննչական կոմիտեից ազատ է արձակվել երկվորյակ եղբայրներից Միքայել Մինասյանը, սակայն նա ունի մեղադրյալի կարգավիճակ և չի կարող լքել երկիրը։
📌 Փաստաբանի խոսքով՝ տղաները որևէ հարված չեն հասցրել, միջադեպը ներկայացվում է չափազանցված, իսկ դեպքին փորձ է արվել քաղաքական երանգ տալ։
📌 Մյուս եղբոր՝ Դավիթ Մինասյանի նկատմամբ կալանավորման միջնորդություն է ներկայացվել դատարան, գործով մեկ այլ մեղադրյալ ևս ազատ է արձակվել գրավով։
🔗 Կարդա՝ aravot.am

🗣️ «Լռելը չի կանգնեցնելու Ադրբեջանին․ վտանգը չի մարել»
📍 Ադրբեջանագետ Գրիգորի Այվազյանը նշում է՝ Բաքուն տարիներ շարունակ փորձում է պատմությունը ներկայացնել իր օգտին՝ «հայերի կողմից ցեղասպանության» թեզերով, մինչդեռ իրականում հայերի նկատմամբ են իրականացվել զանգվածային ջարդեր՝ թե՛ 1918-ին, թե՛ 1990-ին։
📍 Նրա խոսքով՝ Ադրբեջանը չի փոխել իր քաղաքականությունն ու հռետորաբանությունը․ Արցախը եղել է միայն սկիզբը, իսկ հիմնական նպատակը՝ Հայաստանը։ Լռելը կամ թեման չբարձրաձայնելը չի զսպում հակառակ կողմին, այլ ընդհակառակը՝ խրախուսում է։
🔗 Կարդա՝ aravot.am
📲 Բաժանորդագրվի՛ր՝ @aravot

Հայաստանը տեր է ամբողջ աշխարհի հայերին: Երբ հայը գալիս է Հայաստան, օդանավակայանից կարմիր գորգով պետք է դիմավորենք, որ նա զգա` իր տուն է եկել.
Արման Թաթոյան

📰 «Իշխանությունը մամուլին երբեք չի սիրում»
📍 «Մամուլի ազգային ակումբ» – ասուլիսում «Հրապարակ» օրաթերթի գլխավոր խմբագիր Արմինե Օհանյանը շեշտեց, որ ցանկացած իշխանություն մշտապես ճնշում է գործադրում ԶԼՄ-ների վրա, և դա վերաբերում է նաև Հայաստանում իշխանության անցած ուժերին։
🗣️ Օհանյան – «Ես չէի պատկերացնում, որ փողոցից եկած իշխանությունը, որը զգացել է ճնշումները, իր իսկ գործելաոճով նույնը կկիրառի լրատվամիջոցների նկատմամբ։ 2018-ից հետո բազմաթիվ դեպքեր ցույց են տալիս, որ իշխանությունը չի հարգում ԶԼՄ-ների դերը, ամեն գնով փորձում է փակել մեր բերանը»։
🔗 Կարդա՝ այստեղ