Category: Aravot

💄 Որքան քիչ՝ այնքան լավ․ Հեյլի Բիբերի խորհուրդն ու ևս մի քանի պարզ միջոց փայլուն մաշկ ունենալու համար
Հեյլի Բիբերի խոսքով՝ առողջ և փայլուն մաշկի գաղտնիքը բարդ խնամքի մեջ չէ․ բավական է օգտագործել մի քանի արդյունավետ միջոց և ապահովել մաշկի լավ խոնավացում։
Մասնագետները խորհուրդ են տալիս ամեն օր օգտագործել արևապաշտպան քսուք, բավարար քանակությամբ ջուր խմել, սննդակարգում ներառել մրգեր ու բանջարեղեն, ինչպես նաև խուսափել մաշկը չափազանց չորացնող կամ ագրեսիվ խնամքի միջոցներից։
aravot.am | @aravot

«Ազգի մտածելակերպի և հիշողության ապամոնտաժման գործընթացի մեկնարկը տրված է:
Նիկոլ կեղծարարը պետք է կատարի իր տված խոստումները Իլհամ Ալիևին: Հակառակ դեպքում նրանից հաշիվ են պահանջելու»․ Արեգա Հովսեփյան

🔵 Հովհաննես Իշխանյան. «Յուրաքանչյուր ձերբակալություն, ավելի ճիշտ՝ առեւանգում, պետք է բարձրացնի մեր ոգին»
Վավերագրող ռեժիսոր Հովհաննես Իշխանյանն անդրադարձել է Ավետիք Չալաբյանի ձերբակալությանը և ընդդիմադիր գործիչների նկատմամբ իրականացվող գործողություններին՝ դրանք գնահատելով որպես քաղաքական ճնշումների դրսևորում։
Նա նշել է, որ նման քայլերը նպատակ ունեն վախի մթնոլորտ ստեղծել և թուլացնել դիմադրության ոգին, սակայն, իր կարծիքով, դրանք պետք է հակառակ ազդեցությունն ունենան և խթանեն հասարակական ակտիվությունը։
🔗 aravot.am | @aravot

🔵 «Ավետիք Չալաբյանին հանրային խոսքից զրկելու խնդիր է լուծում այս իշխանությունը»․ Մենուա Սողոմոնյան
«ՀայաՔվե» նախաձեռնության խորհրդի անդամ Մենուա Սողոմոնյանը դատարանի մոտ հայտարարել է, որ Ավետիք Չալաբյանի նկատմամբ իրականացվող քրեական հետապնդումն ունի քաղաքական շարժառիթներ և նպատակ ունի սահմանափակել նրա հանրային գործունեությունը։
Նա նշել է, որ իշխանությունների գործողություններում տեսնում է քաղաքական ճնշման տարրեր՝ պնդելով, որ իրավական համակարգն օգտագործվում է քաղաքական նպատակների համար։ Միևնույն ժամանակ, Չալաբյանի պաշտպանները հայտարարել են, որ իրենց պաշտպանյալը մեղադրանքը չի ընդունում։
🔗 aravot.am | @aravot

🔵 «Պատիվ եմ ունեցել այցելել Արցախ․ թույլ չեմ տա, որ աշխարհը մոռանա հայ ռազմագերիներին, Արցախից վտարված էթնիկ հայերին»․ Լորա Ֆրիդման
ԱՄՆ կոնգրեսական Լորա Ֆրիդմանը Կոնգրեսում կայացած մամուլի ասուլիսի ընթացքում հայտարարել է, որ շարունակելու է ուշադրության կենտրոնում պահել Բաքվում պահվող հայ ռազմագերիների և Արցախից տեղահանված հայերի հարցը։
Նա ընդգծել է, որ Արցախում տեսել է պատմական հայկական համայնք և մշակութային ժառանգություն, և պնդել է, որ տեղի ունեցածը միջազգային հանրությունը չպետք է անտեսի։
🔗 aravot.am | @aravot

🔵 Ամենայն Հայոց Կաթողիկոսը երբեք կառուցողական հանդիպմանը դեմ չի եղել. Տեր Եսայի
Մայր Աթոռ Սուրբ Էջմիածնի տեղեկատվական համակարգի տնօրեն Տեր Եսայի քահանա Արթենյանը արձագանքել է ՔՊ-ական պատգամավոր Գագիկ Մելքոնյանի հայտարարություններին՝ կապված Վեհափառ Հայրապետի և իշխանությունների հնարավոր հանդիպման հետ։
Նրա խոսքով՝ Ամենայն Հայոց Կաթողիկոսը երբեք չի մերժել կառուցողական հանդիպումների առաջարկները, իսկ շրջանառվող պնդումները իրականության հետ որևէ կապ չունեն և ներկայացնում են աղավաղված տեղեկատվություն։
🔗 aravot.am | @aravot

🔵 Դերենիկ Մալխասյան. «Կզարմանամ՝ մի օր չտեսնենք ձերբակալություններ»
«Մայր Հայաստան» կուսակցության վարչության անդամ Դերենիկ Մալխասյանը «Հայելի» ակումբում անդրադարձել է Ավետիք Չալաբյանի տան խուզարկությանը և ձերբակալությանը՝ պնդելով, թե երկրում տեղի են ունենում քաղաքական հետապնդումներ և ուժային ճնշումներ։
Նրա խոսքով՝ վերջին շրջանում ավելացել են ընդդիմադիրների ձերբակալությունները, իսկ հասարակության մեջ ձևավորվում է վախի մթնոլորտ։ Նա նաև հայտարարել է, թե իշխանությունը գնալով կոշտացնում է իր գործողությունները և փորձում է մեկուսացնել քաղաքական դեմքերին։
🔗 aravot.am | @aravot

🔵 Միջպետական հայցերից հրաժարումը կնշանակի հրաժարում արդարադատությունից․ փորձագետ
«Իրավունքների պաշտպանություն առանց սահմանների» ՀԿ-ի իրավական հարցերով փորձագետ Հասմիկ Հարությունյանը նշել է, որ միջպետական հայցերից հրաժարումը կարող է խաթարել խախտումների իրավական գնահատումը և երկարաժամկետ խաղաղության հիմքերը։
Նրա խոսքով՝ նման գործերը կարևոր են ոչ միայն փոխհատուցման, այլ նաև փաստերի արձանագրման և միջազգային պատասխանատվության ապահովման համար։
aravot.am | @aravot

⚖️ ՍԴ-ն մեկ վարույթում կքննի ընտրությունների արդյունքները վիճարկող բոլոր դիմումները
Սահմանադրական դատարանը որոշել է մեկ վարույթում միավորել հունիսի 7-ի ԱԺ ընտրությունների արդյունքները վիճարկող 7 քաղաքական ուժերի դիմումները։
📌 ՍԴ-ն նաև գործով որպես երրորդ կողմ ներգրավել է «Քաղաքացիական պայմանագիր» կուսակցությանը, իսկ գործի քննությունը կանցկացվի բանավոր ընթացակարգով։
aravot.am⁠ | @aravot