Category: Aravot

⚠️ Աննա Հակոբյանը հայտարարում է՝ կյանքին սպառնալիքներ է զգում. ՏԵՍԱՆՅՈՒԹ
Վարչապետի տիկին Աննա Հակոբյանը հայտարարել է, որ ընտանիքներում բռնության թեման բարձրաձայնելուց հետո կյանքին ուղղված սպառնալիքներ է զգում։ Նա հույս է հայտնել, որ իրավապահ մարմինները թույլ չեն տա նման զարգացում։
Հակոբյանը նաև կոչ է արել կանանց չլռել ընտանեկան բռնության դեպքերի մասին և ընդգծել, որ այդ երևույթի դեմ պայքարը հնարավոր է միայն համատեղ ջանքերով։
aravot.am | @aravot

⚖️ Հայկ Կոնջորյան՝ եղբորի ծեծի գործով բոլոր մեղավորները պետք է պատասխանատվության ենթարկվեն
ԱԺ նախագահի տեղակալի թեկնածու Հայկ Կոնջորյանը հայտարարել է, որ եղբորը՝ Ավետ Կոնջորյանին ծեծի ենթարկելու դեպքով նախաձեռնված քրեական վարույթը գտնվում է իրավապահների տիրույթում, և վստահություն է հայտնել, որ բռնություն գործադրած բոլոր անձինք կենթարկվեն պատասխանատվության։
Կոնջորյանը նաև հայտնել է, որ դատական հայցեր է ներկայացնելու բոլոր նրանց դեմ, ովքեր, իր խոսքով, իրեն կվերագրեն ստահոդ տեղեկություններ կամ զրպարտություններ՝ կապված այս դեպքի հետ։
aravot.am⁠ | @aravot

🩺 «Հայաստանում Հեպատիտ B-ի նախնական տվյալների համաձայն ունենք 2% վարակվածություն: Հեպատիտ C-ի պարագայում վիրուսակիրները 2,2% են կազմում»
Հուլիսի 28-ին նշվող Հեպատիտի դեմ պայքարի համաշխարհային օրվա շրջանակում մասնագետները ներկայացրել են Հայաստանում վիրուսային հեպատիտների տարածվածության վերաբերյալ տվյալներ։
Ըստ մասնագետների՝ Հայաստանում Հեպատիտ B-ի նախնական ցուցանիշը կազմում է շուրջ 2%, իսկ Հեպատիտ C-ի վիրուսակիրները՝ 2,2%։ 2020 թվականից Հայաստանում գործում է Հեպատիտ C-ի ազգային ծրագիրը, որի շրջանակում քաղաքացիները ստանում են անվճար հակավիրուսային բուժում։ 2020-ից ի վեր բուժում է ստացել շուրջ 4500 մարդ։
🔗

🪖 «Այդ մոտեցումը կա նաեւ բանակի ղեկավարության մոտ, ասում են՝ դե ոնց երկիրդ է, այդպես էլ բանակն է»․ Արշակ Գասպարյանը՝ բանակում մահերի մասին
«Առավոտ»-ի զրուցակից քրեակատարողական արդարադատության ոլորտի փորձագետ Արշակ Գասպարյանը անդրադարձել է բանակում մահերի խնդրին և այն պատճառներին, որոնք, ըստ նրա, նպաստում են նման դեպքերի շարունակականությանը։
Նրա խոսքով՝ կա մտայնություն, թե բանակում առկա խնդիրները պարզապես երկրի ընդհանուր վիճակի արտացոլումն են, և այդ մոտեցումը, ըստ նրա, առկա է նաև բանակի ղեկավարության շրջանում։

#բիզնես
Հայաստանի ներկայացուցիչը դարձել է «Եվրասիա» միջազգային մրցանակի դեսպան
«Եվրասիա» միջազգային մրցանակի պաշտոնական դեսպան է նշանակվել AlphaNews-ի գլխավոր խմբագիր Տիգրան Քոչարյանը։ Մրցանակային հարթակը, որը միավորում է տարբեր երկրների ներկայացուցիչների, նպատակ ունի զարգացնել միջազգային համագործակցությունը, մշակութային կապերն ու սոցիալ-մշակութային նախաձեռնությունները։

#Բիզնես
🔹 Երևանում կայացավ «Գեղեցկության երեք բանալի» առողջության և էսթետիկայի ֆորումը
Երևանում անցկացվել է «Գեղեցկության երեք բանալի» առողջության և էսթետիկայի ֆորումը, որը համախմբել է բժշկության, հոգեբանության և կոսմետոլոգիայի ոլորտի մասնագետներին։ Միջոցառման ընթացքում քննարկվել են հակատարիքային բժշկության, հոգեսոմատիկայի, մաշկի խնամքի և աղիների միկրոբիոմի վերաբերյալ ժամանակակից մոտեցումները։

⚖️ Դատարանը մերժել է Սամվել Կարապետյանի հայցն ընդդեմ Հայկ Կոնջորյանի
Երևան քաղաքի առաջին ատյանի ընդհանուր իրավասության դատարանը մերժել է Սամվել Կարապետյանի հայցը՝ ընդդեմ ԱԺ «Քաղաքացիական պայմանագիր» խմբակցության ղեկավար Հայկ Կոնջորյանի։
Դատարանը նշել է, որ կողմերը հանրային և քաղաքական գործունեություն իրականացնող անձինք են, որոնք պետք է պատրաստ լինեն քննադատության, իսկ Կոնջորյանի հայտարարությունը հնչել է ԱԺ ամբիոնից՝ պատգամավորական լիազորությունների շրջանակում։

🌐 «Պուտինը և Ալիևը վերահաստատել են փոխշահավետ համագործակցության ընդլայնման իրենց տրամադրվածությունը
Ռուսաստանի նախագահ Վլադիմիր Պուտինը հեռախոսազրույց է ունեցել Ադրբեջանի նախագահ Իլհամ Ալիևի հետ։ Կրեմլի հաղորդմամբ՝ կողմերը քննարկել են երկկողմ և միջազգային օրակարգի հարցեր։
Նրանք նշել են ռուս-ադրբեջանական հարաբերությունների կառուցողական բնույթը և վերահաստատել փոխշահավետ համագործակցության հետագա ընդլայնման պատրաստակամությունը։

🏛 Արցախի Ազգային ժողովի նախագահի ընտրության գործընթացն «Ազատ Հայրենիք» խմբակցության քաղաքական պատասխանատվության և նախաձեռնության տիրույթում է. Մետաքսե Հակոբյան
Մետաքսե Հակոբյանի խոսքով՝ Արցախի ԱԺ նախագահի ընտրության գործընթացի հիմնական պատասխանատվությունը խորհրդարանական մեծամասնություն ունեցող «Ազատ Հայրենիք» խմբակցության վրա է, քանի որ նրա ձայներն են որոշիչ։
Նա նշել է, որ «Արդարություն» խմբակցությունը պատրաստ է մասնակցել կառուցողական քննարկումների՝ ուղղված Ազգային ժողովի բնականոն գործունեության վերականգնմանը՝ ընդգծելով, որ խնդիրը ոչ թե հարմարվելու, այլ քաղաքական նախաձեռնության և պատասխանատվության դրսևորման մեջ է։

🎭 Մեր ազգային երաժշտությունը ոգեղեն է, ամբողջ գործընթացն ինքնին բուժիչ է. մեկնարկում է «Ճախրուկ» միջազգային ներառական փառատոնը
Օգոստոսի 2-ին Լոռու մարզի Օձուն գյուղում կկայանա հատուկ կարիքներ ունեցող անձանց «Ճախրուկ» միջազգային ներառական 6-րդ փառատոնը։ Այն այս տարի անցկացվում է Կամերային երաժշտության ազգային կենտրոնի հետ համագործակցությամբ։
Փառատոնին կհնչեն Կոմիտասի, ժողովրդական երգերի և ազգային երաժշտության ստեղծագործություններ։ Կազմակերպիչների խոսքով՝ ազգային երաժշտությունը ստեղծում է յուրահատուկ կապ հանդիսատեսի ու մասնակիցների միջև՝ դառնալով բուժիչ և ոգեշնչող գործընթաց։