Category: Aravot

🏨 «Այս ճանապարհները տեսնողը երկրորդ անգամ Գյումրի չի գա»․ զբոսաշրջային ոլորտի ներկայացուցիչ
Aravot.am-ի հետ զրույցում Գյումրու զբոսաշրջային ընկերության հիմնադիր Գոռ Թորոսյանը հայտարարեց, որ քաղաքում զբոսաշրջությունն անկում է ապրում, իսկ ներդրողներին հետ է պահում ՏԻՄ-ի շուրջ անորոշությունն ու քաղաքի ենթակառուցվածքների վիճակը։
Նրա խոսքով՝ ճանապարհների վատ վիճակն ու Գյումրիի շուրջ շարունակվող քաղաքական լարվածության մասին հրապարակային հայտարարությունները բացասաբար են ազդում թե՛ զբոսաշրջիկների, թե՛ նոր ներդրումների վրա։
aravot.am | @aravot⁠

💰 «ՀՀ արտաքին պարտքը կայուն և կառավարելի է»․ Արուսյակ Մանավազյան
ԱԺ-ում ՔՊ խմբակցության ղեկավար Արուսյակ Մանավազյանը հայտարարեց, որ արտաքին պարտքի աճի վերաբերյալ քննադատությունները մանիպուլյատիվ են՝ ընդգծելով, որ ՀՆԱ-արտաքին պարտք հարաբերակցությունը շուրջ 50% է, ինչը վերջին տարիների ամենացածր ցուցանիշներից է։
Մանավազյանի խոսքով՝ բոլոր միջազգային կառույցները գնահատել են, որ Հայաստանի արտաքին պարտքը կայուն և կառավարելի է, իսկ իշխանությունն իրականացնում է տնտեսական խաղաղության քաղաքականություն։
aravot.am | @aravot

⚡ Վեճ ԱԺ-ում․ Ռուբեն Ռուբինյանը Նարեկ Կարապետյանին տարավ առանձնազրույցի

ԱԺ միջանցքում Ռուբեն Ռուբինյանը Նարեկ Կարապետյանին ասաց, որ թույլ չի տա վիրավորել ոչ ՔՊ պատգամավորներին, ոչ էլ ընդդիմությանը, որից հետո նրանք առանձնացան՝ քննարկելու միջադեպը։
Վեճը սկսվել էր նիստերի դահլիճում, որտեղ Նարեկ Կարապետյանը Տարոն Չախոյանին «հորթ» էր անվանել։ Երկու կողմերն էլ պնդում են, որ առաջինը վիրավորանքը հնչեցրել է հակառակ կողմը։
aravot.am | @aravot

🕯️ «Տեսնում ենք՝ ճար չկա․ ծնողներն արդեն քննարկում են հացադուլն ու Հակարիի կամուրջ գնալը»
Անհետ կորածների հարազատները ԱԱԾ տնօրենի հետ հանդիպումից հետո քննարկում են պայքարի հաջորդ քայլերը՝ հացադուլից մինչև Հակարիի կամուրջ գնալու տարբերակները։

Արսեն Ղուկասյանի խոսքով՝ ծնողները հուսահատ են, իսկ ԱԱԾ-ում իրենց փոխանցել են, որ Հակարիի կամուրջ գնալու դեպքում առաջին անցակետից այն կողմ չեն կարող անցնել։
aravot.am | @aravot

⛪ Վեճ ԱԺ-ում․ «Վեհափառի ավազանի անունով դիմելը անարգանք է»․ Էդգար Ղազարյան
ԱԺ ամբիոնից «Ուժեղ Հայաստան» խմբակցության պատգամավոր Էդգար Ղազարյանը քննադատեց ՔՊ պատգամավորներին՝ հայտարարելով, որ Վեհափառ Հայրապետին ավազանի անունով դիմելը ոչ թե վրիպում, այլ անարգանք է՝ ուղղված ողջ հոգևոր համայնքին։
Ղազարյանը հիշեցրեց, որ շատ պատգամավորների երեխաները մկրտվել են Վեհափառի օրհնած մյուռոնով և հարցրեց՝ «Հասկանո՞ւմ եք՝ ինչ եք անում, երբ իմ ներկայությամբ անարգում եք Վեհափառին»։
aravot.am | @aravot

🏛️ «Տակը ժուչոկ էր». ԱԺ-ում Դավիթ Ղազինյանի կատակը՝ բարձրախոսի միջադեպից հետո
ԱԺ նիստում Դավիթ Ղազինյանը հայտարարեց, որ իշխանական պատգամավորների վիրավորական արտահայտություններին դժվար է չարձագանքել, և կոչ արեց «քաղաքական գնահատական» ձևակերպումը չօգտագործել որպես ցանկացած արտահայտություն արդարացնելու միջոց։
Ելույթի ընթացքում պատգամավորի ձեռքը դիպավ բարձրախոսին, որի բարձիկը պոկվեց, ինչին նա կատակով արձագանքեց. «Տակը ժուչոկ էր»։
aravot.am⁠ | @aravot

🏛️ «Հորթ» արտահայտությունը լարվածություն առաջացրեց ԱԺ-ում
Նարեկ Կարապետյանը ԱԺ նիստի ժամանակ, դիմելով Ռուբեն Ռուբինյանին, հայտարարեց, որ պատգամավորներից մեկի հասցեին հնչած արտահայտությունները չպետք է անպատասխան մնային՝ օգտագործելով «հորթ» ձևակերպումը։
Ռուբեն Ռուբինյանը հայտարարեց, որ ԱԺ-ում որևէ պատգամավորի վիրավորել չի թույլատրվելու, և Նարեկ Կարապետյանին նախազգուշացում տվեց։
aravot.am⁠ | @aravot

🇦🇿 «Ակնկալում ենք, որ «Իրական Հայաստանի» հայեցակարգը կներառվի ՀՀ Սահմանադրության մեջ»․ Հիքմեթ Հաջիև
Ադրբեջանի նախագահի օգնական Հիքմեթ Հաջիևը հայտարարել է, որ Բաքուն դրական է գնահատում Երևանի «Իրական Հայաստանի» հայեցակարգը և ակնկալում է, որ այն կարտացոլվի Հայաստանի նոր Սահմանադրությունում։
Հաջիևի խոսքով՝ նոր Սահմանադրության ընդունումից հետո խաղաղության պայմանագրի ստորագրման հետ կապված այլևս խնդիր չի լինի։
aravot.am | @aravot⁠

🇷🇺 «Դիվանագիտական ճանապարհով դեռ հնարավոր է լուծել ՌԴ-ի սահմանափակումների հարցը»․ Սոնա Ղազարյան

Խորհրդարանում լրագրողների հետ զրույցում ՔՊ պատգամավոր Սոնա Ղազարյանը հայտարարեց, որ Հայաստանը և Ռուսաստանը դեռ չեն սպառել առկա խնդիրները երկխոսության միջոցով լուծելու հնարավորությունները։
Ղազարյանի խոսքով՝ կառավարությունը զուգահեռաբար շարունակում է արտահանման շուկաների դիվերսիֆիկացումը՝ ընդգծելով, որ դեպի ԵՄ գյուղատնտեսական արտադրանքի արտահանման մեկնարկը կարևոր ձեռքբերում է։
aravot.am | @aravot

❗️Նարեկ Կարապետյանը չվերցրեց Արթուր Հովհաննիսյանի «նվեր» ՀՀ քարտեզը