Category: Aravot

🌐 «ԵԱՏՄ-ն ՀՀ-ի համար ի սկզբանե տնտեսական նախագիծ չի եղել». Արամ Սարգսյան
«Հանրապետություն» կուսակցության նախագահ Արամ Սարգսյանը, անդրադառնալով Հայաստանի և Ռուսաստանի հարաբերություններին, նշել է, որ ԵԱՏՄ-ին և ՀԱՊԿ-ին Հայաստանի անդամակցությունը պայմանավորված էր հիմնականում անվտանգության ակնկալիքներով, որոնք, ըստ նրա, չեն արդարացել։ Նա ընդգծել է, որ այսօր կողմերի հարաբերությունները հայտնվել են փոխադարձ անվստահության փուլում։
Սարգսյանը նաև գրել է, որ վարչապետի վերջին հայտարարություններից տպավորություն է ստացել, թե իշխանությունը գիտակցում է ստեղծված իրավիճակը և ունի այն շտկելու քաղաքական կամք՝ հույս հայտնելով, որ այդ գնահատականում չի սխալվում։
🔗 aravot.am | @aravot

🎬 Ջարեդ Լետոյին մեղադրել են դեռահասների նկատմամբ սեռական բռնության և ոտնձգության մեջ
BBC-ի նոր վավերագրական ֆիլմում տասը կին պատմել է Thirty Seconds to Mars խմբի երգիչ և դերասան Ջարեդ Լետոյի հետ կապված սեռական բնույթի միջադեպերի մասին։ Նրանցից մի քանիսը պնդում են, որ դեպքերը տեղի են ունեցել, երբ իրենք դեռահաս էին, իսկ BBC-ի փոխանցմամբ՝ որոշ պատմություններ հաստատվում են լուսանկարներով, նամակագրությամբ և վկաների ցուցմունքներով։
Լետոն BBC-ի հարցումներին չի պատասխանել։ Նշվում է, որ 2025 թվականին հրապարակված նմանատիպ մեղադրանքները դերասանը հերքել էր։
🔗 aravot.am | @aravot

🏔 Ռուբեն Վարդանյանին և բոլոր հայ գերիներին աջակցող պաստառը բարձրացվել է Արարատի և Արագածի գագաթներին
Հասարակական գործիչ և հայրենադարձ Գեորգի Կևորկովը «Free Ruben Vardanyan. Free all Armenian prisoners» կոչով պաստառը բարձրացրել է Արարատ լեռան և Արագածի գագաթներին՝ միջազգային հանրության ուշադրությունը հրավիրելու Ադրբեջանում պահվող Ռուբեն Վարդանյանի և մյուս հայ գերիների խնդրին։
Կազմակերպիչների խոսքով՝ խորհրդանշական այս նախաձեռնության նպատակն է հիշեցնել, որ հայ գերիների ազատ արձակման հարցը պետք է շարունակի մնալ միջազգային օրակարգում։ Նշվում է նաև, որ Ռուբեն Վարդանյանն արդեն 1037 օր է գտնվում ադրբեջանական գերության մեջ։
🔗 aravot.am | @aravot

⚖️ Երկամսյա տնային կալանք՝ գյումրեցի ՀՅԴ-ական Արա Նախշքարյանին
ՀՀ հակակոռուպցիոն դատարանը երկու ամսով տնային կալանքի է ենթարկել ընտրակաշառքի գործով անցնող ՀՅԴ անդամ, Գյումրու «Համազգային հայ կրթական ու մշակութային հիմնադրամի» գրասենյակի տնօրեն Արա Նախշքարյանին։ Դատարանը գրավ չի կիրառել, սակայն սահմանափակել է նրա շփումները՝ թույլատրելով կապ ունենալ միայն փաստաբանի և ընտանիքի անդամների հետ։
Նախշքարյանը մեղադրանքը չի ընդունում՝ պնդելով, որ որևէ մեկին գումար չի խոստացել և գործի հիմքում հեռախոսային խոսակցության սխալ մեկնաբանությունն է։ Նա ձերբակալվել էր հուլիսի 29-ի առավոտյան և տեղափոխվել Երևան։
🔗 aravot.am | @aravot

📰 Ի՞նչ են «կոտրատում» սեղանի տակ Պուտինն ու Փաշինյանը
Հանրաքվեի թեմայով Մոսկվայի հայտարարությունները դժվար է «վերջնագիր» անվանել, քանի որ դրանք շարունակվում են արդեն ամիսներ։
Իրական հարցն այն է, թե ինչ պայմանավորվածություններ կամ բանակցություններ կարող են ընթանալ հրապարակային հայտարարություններից դուրս, և ինչ մտահոգություններ կարող են ունենալ այդ գործընթացի վերաբերյալ նաև եվրոպական կողմերը։
🔗 Հակոբ Բադալյանի մեկնաբանությունը

🚑 Ճոճկանի հարսանիքից հետո 22 մարդ սննդային թունավորման ախտանիշներով դիմել է հիվանդանոց
Լոռու մարզի Ճոճկան գյուղում տեղի ունեցած հարսանյաց հանդիսությունից հետո 22 քաղաքացի սննդային թունավորմանը բնորոշ ախտանիշներով դիմել է Տավուշի և Լոռու մարզերի բժշկական կենտրոններ։ Բոլոր հիվանդներին ցուցաբերվել է անհրաժեշտ բուժօգնություն, նրանց վիճակը գնահատվում է բավարար։
ՀՎԿԱԿ-ի տվյալներով՝ մի քանի բուժառուի մոտ հաստատվել է ստաֆիլակոկ, իսկ դեպքի առնչությամբ շարունակվում են լաբորատոր հետազոտությունները։
aravot.am⁠ | @aravot

🎹 10-ամյա Տիգրան Ղազարյանը միջազգային երեք մրցույթում բարձրագույն մրցանակների է արժանացել
10-ամյա դաշնակահար Տիգրան Ղազարյանը վերջին ամիսներին միջազգային երեք մրցույթում նվաճել է մեկ Պլատինե և երկու առաջին կարգի մրցանակ, իսկ այժմ հրավիրվել է Իտալիայում մասնակցելու «Mimas» երաժշտական փառատոնին և գալա համերգին։
Վերջերս նա ևս մեկ հաջողություն է գրանցել՝ հեղինակավոր «Nouvelles Etoiles» միջազգային մրցույթում արժանանալով առաջին կարգի մրցանակի և ստանալով համերգային ելույթի հրավեր։
aravot.am⁠ | @aravot

⚖️ Դատախազությունը պահանջում է դադարեցնել Բագրատ Սրբազանի հողի սեփականության իրավունքը
Հակակոռուպցիոն դատարանում քննվում է ՀՀ գլխավոր դատախազության հայցը՝ Բագրատ Սրբազանի հողի նկատմամբ սեփականության իրավունքը դադարեցնելու պահանջով։ Սրբազանի փաստաբանի խոսքով՝ հողատարածքը ձեռք է բերվել օրինական գործարքով, իսկ այնտեղ բարերարների աջակցությամբ ստեղծվել է արտադրություն և աշխատատեղեր։ Դատարանը հաջորդ նախնական նիստը նշանակել է սեպտեմբերի 30-ին։
aravot.am | @aravot

🎓 Կրթության փորձագետ․ բուհ ընդունվածների թվի վերաբերյալ վերջնական պատկեր դեռ չկա
Կրթության փորձագետ Սերոբ Խաչատրյանը նշել է, որ բուհ ընդունված 9620 դիմորդի ցուցանիշը վերջնական չէ, քանի որ դեռ չեն ավարտվել լրացուցիչ մրցույթները, ներբուհական և հեռակա ընդունելությունները։
Նրա խոսքով՝ երկարաժամկետ կտրվածքով բուհ ընդունվողների թիվը նվազել է՝ բարձր ուսման վարձերի, երիտասարդների գործնական ընտրությունների և 12-ամյա կրթական համակարգի ազդեցության պատճառով։
aravot.am⁠ | @aravot

⚖️ Հակակոռուպցիոն կոմիտեն միջնորդել է կալանավորել Արա Նախշքարյանին
Aravot.am-ի տեղեկություններով՝ Հակակոռուպցիոն կոմիտեն միջնորդություն է ներկայացրել ընտրակաշառքի գործով անցնող ՀՅԴ անդամ Արա Նախշքարյանին կալանավորելու վերաբերյալ։ Նրա խափանման միջոցի հարցը կքննարկվի այսօր՝ ժամը 19:00-ին։
aravot.am⁠ | @aravot