Category: Aravot

ՔՊ-ն ԱԺ-ում խոսում է «ռեփ բաթլ»-ի ոճով
Արամ Աբրահամյան

🗣 «Այսօրվա հայի ինքնությունը նույնը չէ, ինչ Մադրասի առևտրականինը։ Ինքնության ճգնաժամ է, մտածեք այս մասին»․ Եղոյանի դիտարկումներն ու Ղահրամանյանի արձագանքը
ԱԺ-ում Արման Եղոյանը հայտարարել է, որ ինքնությունը փոփոխվող երևույթ է և նշել, որ այսօրվա հայի ինքնությունը նույնը չէ, ինչ նախկին դարաշրջանների հայերինը։ Նա նաև անդրադարձել է արտաքին քաղաքականությանը և տարածաշրջանային գործընթացներին։ Մարիաննա Ղահրամանյանը հակադարձել է՝ խոսելով ինքնության ճգնաժամի և ազգային արժեքների շուրջ մտահոգությունների մասին։

🏢 Այսօր այնքան ենք այստեղ սպասելու, մինչև պատասխան չստանանք. Ծառուկյանին պատկանող ընկերությունների աշխատակիցները կրկին կառավարության շենքի մոտ են
Գագիկ Ծառուկյանին պատկանող մի շարք ընկերությունների աշխատակիցները կրկին հավաքվել են կառավարության շենքի մոտ՝ պահանջելով պարզաբանումներ իրենց աշխատանքների վերսկսման և հետագա գործողությունների վերաբերյալ։ Նրանք նշել են, որ սպասում են հստակ պատասխանների՝ կապված ընկերությունների գործունեության, աշխատատեղերի և աշխատակիցների իրավունքների հետ։

🌐 Ռուսաստանը ցանկանում է պահպանել բարեկամական հարաբերությունները Հայաստանի հետ. ՀԱՊԿ-ում ՌԴ մշտական ներկայացուցիչ
ՀԱՊԿ-ում Ռուսաստանի մշտական ներկայացուցիչ Վիկտոր Վասիլևը հայտարարել է, որ Մոսկվան ցանկանում է պահպանել Հայաստանի հետ բարեկամական հարաբերությունները՝ հաշվի առնելով երկու ժողովուրդների դարավոր կապերը։ Նա նշել է նաև, որ Հայաստանի և ՀԱՊԿ-ի միջև «հակամարտություն» չկա, իսկ Երևանի մասնակցությունը կազմակերպությունում 2024 թվականից սառեցված է։

🏛 Էդ մարդը Արարատ անունով ինչ ունի, վերցնում են, վստահ եմ՝ այստեղ ունեցվածքը չի հարցը, այլ անունը․ Ագնեսա Խամոյանը՝ Գագիկ Ծառուկյանի մասին
ԱԺ-ում «Հայաստան» խմբակցության պատգամավոր Ագնեսա Խամոյանը քննադատել է իշխանություններին՝ պնդելով, որ Գագիկ Ծառուկյանի նկատմամբ իրականացվող քայլերը պայմանավորված են ոչ թե ունեցվածքով, այլ «Արարատ» անվան հետ կապված հարցերով։ Նա նաև հայտարարել է, որ իշխանությունները յուրացրել են ընդդիմության ստացած մանդատները և հեռացել ժողովրդավարական սկզբունքներից։

⛪️ Ի՞նչ է ասել Վեհափառն ընդդիմադիր պատգամավորներին
«Ուժեղ Հայաստան» խմբակցության ղեկավար Նարեկ Կարապետյանի խոսքով՝ Ամենայն Հայոց Կաթողիկոս Գարեգին Բ-ն ընդդիմադիր պատգամավորներին փոխանցել է այն ուղերձը, որը նախատեսված էր հնչեցնել ԱԺ ամբիոնից։ Նա նաև նշել է, որ խմբակցությունը շարունակելու է աջակցել Հայ Առաքելական եկեղեցուն և ընդգծել, որ այդ ուղղությամբ դեռ մեծ աշխատանք կա անելու։

#Բիզնես
🔹 Glovo Armenia-ն ամբողջությամբ կֆինանսավորի առաքիչների սանիտարական գրքույկները
Glovo Armenia-ն հայտարարել է նախաձեռնության մեկնարկի մասին, որի շրջանակում ամբողջությամբ կհոգա հարթակում ակտիվ բոլոր առաքիչների սանիտարական գրքույկների ձեռքբերման ծախսերը։ Ընկերությունը նաև ներդրել է նոր թվային գործիքներ՝ գործընթացը պարզեցնելու և սննդի անվտանգության ու ծառայության որակի չափանիշներն էլ ավելի բարձրացնելու նպատակով։

#Բիզնես
🔹 Յունիբանկի մոբայլ հավելվածում հնարավոր է գրանցվել նաև imID-ի միջոցով
Յունիբանկը UNIMobile հավելվածում ներդրել է գրանցման նոր հնարավորություն՝ imID նույնականացման միջոցով։ Նոր գործառույթը թույլ է տալիս մի քանի վայրկյանում միանալ հավելվածին և օգտվել բանկի թվային ծառայություններից՝ հաշվի բացումից ու փոխանցումներից մինչև վարկերի և վճարումների կառավարում։

🚨 Երուսաղեմում վեց հրեաներ ձերբակալվել են Հայոց պատրիարքարանի Սուրբ Հակոբ վանքի մուտքի մոտ միջադեպից հետո
Երուսաղեմի հայկական թաղամասում գտնվող Սուրբ Հակոբ վանքի մոտ տեղի ունեցած միջադեպից հետո Իսրայելի ոստիկանությունը ձերբակալել է վեց կասկածյալի։ Ըստ հաղորդումների՝ նրանք թիրախավորել են վանքի մուտքը, վիրավորանքներ հնչեցրել և քարեր նետել հայ բնակչի տան ուղղությամբ, ինչից հետո Հայոց պատրիարքարանը պաշտոնական բողոք է ներկայացրել։

📌 «Իր շահարկումներով փորձում է թաքցնել իր հնարավոր համագործակցությունը»․ Գառնիկ Դավթյան
ԱԺ-ում «Ուժեղ Հայաստան» խմբակցության պատգամավոր Գառնիկ Դավթյանը մանիպուլյատիվ որակեց ՔՊ պատգամավորի հայտարարությունը՝ նշելով, որ մասնակցել է հայ-ադրբեջանական ձևաչափով հանդիպումների՝ որպես ադրբեջանագետ։
Դավթյանի խոսքով՝ Ռուբեն Ռուբինյանին քննադատում են ոչ թե Թուրքիայում ուսանելու, այլ հետազոտական գործունեությունը չհրապարակելու համար։
aravot.am | @aravot⁠