Category: Aravot

⚖️ «Այս ահաբեկչին կարո՞ղ է մեկ օր հանձնեք Ադրբեջանին»․ Նարեկ Կարապետյանը՝ Փաշինյանին
ԱԺ-կառավարություն հարցուպատասխանի ժամանակ «Ուժեղ Հայաստան» խմբակցության ղեկավար Նարեկ Կարապետյանը Նիկոլ Փաշինյանին հարցրել է՝ հնարավո՞ր է Շաքիում հայ կնոջ ոտքին կրակած ադրբեջանցի զինծառայողին հետագայում հանձնել Ադրբեջանին։
Փաշինյանը պատասխանել է, որ հարցը պետք է քննվի ՀՀ դատական համակարգում, դատարանի օրինական ուժի մեջ մտած վճռով և ՀՀ օրենսդրությամբ սահմանված բոլոր ընթացակարգերի պահպանմամբ։
aravot.am⁠ | @aravot

🏛️ ԱԺ-կառավարություն հարցուպատասխան․ Փաշինյանը՝ զիջումների, բանակի և «կրուտիտների» մասին, Միրզոյանը՝ ԹՐԻՓՓ-ի ու Իրանի դիրքորոշման
ԱԺ-կառավարություն հարցուպատասխանի ժամանակ Նիկոլ Փաշինյանը հայտարարել է, որ Հայաստանը որևէ բան չի զիջել, ինչին «Ուժեղ Հայաստան»-ից Տիգրան Աբրահամյանը հակադարձել է՝ թվարկելով Գորիս-Կապանի ճանապարհը, դելիմիտացիան, Մեղրիի անխոչընդոտ ճանապարհը և Արցախը։ Գեղամ Մանուկյանն էլ Փաշինյանի «կրուտիտների» մասին խոսքն է քննադատել, իսկ Էդգար Ղազարյանը հարց է բարձրացրել վարչապետի՝ բանակի վերաբերյալ տարբեր հայտարարությունների հակասության մասին։
Արարատ Միրզոյանը խոսել է ԹՐԻՓՓ-ի գործընթացի մասին՝ նշելով, որ Իրանում, իր տպավորությամբ, գոհ են Հայաստանի կողմից գործընթացի թափանցիկությունից։

💬 «Շաքիի միջադեպը փաստում է՝ «խաղաղության օրակարգը» պատրանք է»․ Արման Աբովյան
ԲՀԿ քաղխորհրդի անդամ Արման Աբովյանը Շաքիում տեղի ունեցածը «ահաբեկչություն» կամ «դիվերսիոն հարձակում» որակելու հարցում նշել է, որ կատարվածի ամբողջական պատկերը դեռ պարզ չէ։ Նրա խոսքով՝ զինված ադրբեջանցու՝ ՀՀ տարածքում մի քանի օր անարգել գտնվելը անվտանգության լուրջ հարցեր է առաջացնում։
Աբովյանը պնդել է, որ միջադեպը ցույց է տալիս՝ «խաղաղության օրակարգը» պատրանք է, և քննադատել է իշխանության ներկայացուցիչներին՝ դեպքը, իր գնահատմամբ, մեղմ ներկայացնելու համար։
aravot.am⁠ | @aravot 

⚖️ Շաքիում ադրբեջանցուց տուժած կինը կարող է դատի տալ իշխանություններին, եթե նրան հանձնեն Ադրբեջանին
Միջազգային իրավունքի փորձագետ Արա Ղազարյանի խոսքով՝ ադրբեջանցուն հանձնելու դեպքում պետք է հաշվի առնել տուժած կնոջ և նրա երեխաների շահերը։ Նրա կարծիքով՝ հնարավոր է նախ նրան Հայաստանում դատապարտել, ապա հանձնել Ադրբեջանին՝ պատիժը այնտեղ կրելու պայմանով։
Ղազարյանը նշել է, որ եթե Հայաստանը քաղաքական նպատակահարմարությունից ելնելով հանձնի ադրբեջանցուն, տուժողը կարող է դատարանում վիճարկել այդ որոշումը և փոխհատուցում պահանջել։
aravot.am⁠ | @aravot

💬 «Ադրբեջանցին Շաքիում այդ կնոջ տունը չի մտել․ նա մտել է առաջին պատահած տունը»․ Անաստաս Իսրայելյան
«Վերածնվող Արցախ» ՀԿ նախագահ Անաստաս Իսրայելյանը կասկածի տակ է դրել ադրբեջանցի զինծառայողի՝ մոլորված լինելու վարկածը՝ նշելով, որ զինված մարդը չէր կարող պատահաբար 15–20 կմ անցնել ՀՀ տարածքով։
Նրա խոսքով՝ Շաքիում տեղի ունեցածը պետք է դիտարկել նաև անվտանգության տեսանկյունից, քանի որ, ըստ նրա, ադրբեջանցիների համար տարբերություն չկա՝ մարդը իշխանությա՞ն, թե՞ ընդդիմության ներկայացուցիչ է։
aravot.am⁠ | @aravot

💬 «Կատոկով անցել եք տեղական ժողովրդավարության վրա»․ Մամիկոն Ասլանյանը՝ Փաշինյանին
ԱԺ-կառավարություն հարցուպատասխանի ժամանակ «Ուժեղ Հայաստան» խմբակցության պատգամավոր Մամիկոն Ասլանյանը, հղում անելով ԵԽԽՎ զեկույցին, քննադատել է իշխանության քաղաքականությունը ՏԻՄ-երի նկատմամբ՝ նշելով, որ համայնքներում իրականացված աշխատանքների «կատոկներով» անցել են նաև տեղական ժողովրդավարության վրա։
Նիկոլ Փաշինյանը պատասխանել է․ «Ձեր քաղաքական ուժի անունն է «Ուժեղ Հայաստան», մեր քաղաքական ուժի անունը չէ «Ուժեղ Հայաստան», առաջադրեիք թեկնածու»։
aravot.am⁠ | @aravot 

🍑 «Հայկական դեղձ՝ Օմանում, հայկական պղպեղ՝ Ռումինիայում, հայկական ծիրան՝ Վարշավայում»․ Միրզոյանը՝ արտահանման մասին
ԱԳ և միջազգային առևտրի նախարար Արարատ Միրզոյանը հայտարարել է, որ տնտեսական դիվերսիֆիկացիայի, մասնավորապես՝ արտահանման ուղղությամբ շոշափելի ձեռքբերումներ կան։
Նրա խոսքով՝ հայկական ապրանքների համար նոր շուկաներ են բացվում, այդ թվում՝ ԵՄ-ում սահմանված ինքնավար առևտրային միջոցների շնորհիվ, ինչը հայկական մի շարք ապրանքների համար նախատեսում է մաքսային արտոնություններ։
aravot.am⁠ | @aravot

⚖️ «Պատժի կրումը՝ առնվազն մի մասը, պետք է տեղի ունենա ՀՀ-ում»․ Փաշինյանը՝ ադրբեջանցի զինծառայողի մասին
Նիկոլ Փաշինյանը հայտարարել է, որ Շաքիում հայ կնոջ ոտքին կրակած ադրբեջանցի զինծառայողի պատժի առնվազն մի մասը պետք է կրի Հայաստանում։ Նրա խոսքով՝ Ադրբեջանում ևս քրեական գործ է հարուցվել դեպքի առնչությամբ։
Փաշինյանը նաև նշել է, որ նույնիսկ ամենախիստ պահպանվող սահմանները հնարավոր է հատել՝ արձագանքելով սահմանների անվտանգության վերաբերյալ ընդդիմադիր պատգամավորի հարցին։
aravot.am⁠ | @aravot

⚠️ «Թերացումներ ունեցել ենք, կլինեն հետևանքներ»․ Սուրեն Պապիկյանը՝ Շաքիի դեպքի մասին
ՊՆ նախարար Սուրեն Պապիկյանը հայտարարել է, որ Շաքիի դեպքի առնչությամբ թերացումներ եղել են, և դրանք ունեցել ու կունենան հետևանքներ։ Նրա խոսքով՝ ամբողջական հետևանքների մասին հնարավոր կլինի խոսել ծառայողական քննությունից հետո։
Պապիկյանը նաև նշել է, որ դեպքը դիվերսիա չի եղել, քանի որ ադրբեջանցի զինծառայողը ձերբակալության ժամանակ դիմադրություն չի ցուցաբերել։
aravot.am⁠ | @aravot

🚨 «Եթե ոստիկանության գալուն սպասեին, մեծ հավանականությամբ ոչ մի բան տեղի չէր ունենա»․ Փաշինյանը՝ Շաքիի դեպքի մասին
Նիկոլ Փաշինյանը Շաքիում ադրբեջանցի զինծառայողի հայտնվելու դեպքը «սովորական կրիմինալ իրավիճակ» է որակել։ Նրա խոսքով՝ երեխաները տեսել են օտար մարդուն տանը, զանգահարել են մորը, իսկ մայրը ոստիկանությունից շուտ է հասել։
Փաշինյանը նշել է, որ եթե ընտանիքը սպասեր ոստիկանության ժամանմանը, «մեծ հավանականությամբ ոչ մի բան տեղի չէր ունենա»։
aravot.am⁠ | @aravot