Category: Aravot

#մերարժեքները
🌊 Սևանա լիճ. Հայաստանի կապույտ գոհարը
Սևանա լիճը Հայաստանի և Կովկասի ամենամեծ քաղցրահամ բարձրադիր լիճն է։ Այն գտնվում է ծովի մակերևույթից շուրջ 1900 մետր բարձրության վրա և համարվում է Հայաստանի գլխավոր բնական խորհրդանիշներից։
✨ Սևանի գոհարները․
• Սևանավանք՝ 9-րդ դարի վանական համալիր՝ լճի ամենահայտնի տեսարանով։
• Սևանի իշխան՝ լճի ամենահայտնի և արժեքավոր ձկնատեսակը։
• Եզակի բնություն՝ մաքուր ջուր, լեռնային տեսարաններ և հարուստ կենսաբազմազանություն։
🔸 Սևանը ոչ միայն հանգստի վայր է, այլև Հայաստանի կարևորագույն բնական հարստություններից մեկը։

⛽ «Հայաստանի եվրաինտեգրումը չի կարող վճարվել Ռուսաստանի կողմից»․ Վլադիմիր Ավատկով
Երևանում անցկացվող համաժողովի շրջանակում լրագրողների հետ զրույցում ռուսաստանցի թուրքագետ Վլադիմիր Ավատկովն ասել է, որ Հայաստանի՝ ԵՄ-ին ինտեգրումը հնարավոր չէ համատեղել ԵԱՏՄ անդամակցության հետ, և այդ ընտրության հետևանքները Ռուսաստանը չի պատրաստվում փոխհատուցել։ Նրա խոսքով՝ ԵՄ-ն նաև չի կարող փոխարինել Ռուսաստանին էներգետիկ ոլորտում, իսկ ռուսական գազին համարժեք այլընտրանք այսօր չկա։
aravot.am⁠ | @aravot

❗Որն է մեր գաղափարախոսությունը
Նարեկ Կարապետյան

#հարցազրույց
🤝 «ՀԱԿ–«Ուժեղ Հայաստան» համագործակցությունը չկայացավ, քանի որ ոմանք հավատացին իրենց անխուսափելի հաղթանակին»․ Թելման Պետրոսյան
ՀԱԿ վարչության անդամ Թելման Պետրոսյանի խոսքով՝ ընդդիմության չմիավորվելը ընտրությունների գլխավոր սխալներից էր։ Նա նշել է, որ ՀԱԿ-ը բանակցություններին մասնակցել է առանց պաշտոնների կամ այլ նախապայմանների, սակայն համագործակցությունը չի կայացել, քանի որ որոշ քաղաքական ուժեր «ավելի շատ հավատացել են իրենց հաղթանակի անխուսափելիությանը, քան համախմբման անհրաժեշտությանը»։
aravot.am⁠ | @aravot

📬📬📬 Մամուլը գրում է
🔺Զառա Հովհաննիսյան․ Ընտրական իրավունքի ցանկացած սահմանափակում իր ետեւից բերելու է տարբեր խմբերի բացառումներ․ «Հրապարակ»
🔺Սխալի, կեղծիքի կամ պատմական ճշմարտութեան ուրացման վրայ կառուցւած որեւէ հաշտեցում իր էութեամբ դատապարտւած է մնալու մակերեսային եւ ժամանակաւոր․ «Ալիք»
🔺Ատոմ Մխիթարյան. Այս գաղափարը տեղավորվում է գործող կառավարության այն կոնցեպցիայի մեջ, որ մեզ մեծ բանակ պետք չէ, փոքր բանակը լրիվ հերիք է. «Փաստ»
🔺Տնտեսության արտաքին հատվածում բացակայում են այնպիսի հիմնարար գործոնները, որոնք կարող էին ապահովել արտահանման ինքնաբավ և շարունակական աճ․ «Փաստ»
🔺Զարուհի Փոստանջյան. Փաշինյանը ճիշտ է ասում, սակայն խոսքը ոչ թե ողջ դատական համակարգի մասին է, այլ, օրինակ, Փաշինյանի սրտի դատավոր Մասիս Մելքոնյանի. «Հրապարակ»
Մամուլի տեսությունն ամբողջությամբ

📰 Սփյուռքի ձայնը սահմանափակելը վտանգավոր ուղի է
Ես կարծում եմ՝ արտերկրում ապրող ՀՀ քաղաքացիների ընտրական իրավունքը սահմանափակելու նախաձեռնությունը միայն ընտրական գործընթացին չի վերաբերում։ Դրանով կտրվում է Հայաստան-Սփյուռք օրգանական կապի ևս մեկ կարևոր թել՝ այն դեպքում, երբ հենց այդ կապն է մեր պետականության կարևոր հենարաններից մեկը։
Իմ համոզմամբ՝ առանց Սփյուռքի հետ կենդանի կապի Հայաստանը վերածվում է պարզապես «կրծքանշանի»։ Այդ պատճառով այս նախաձեռնության խորքային հետևանքների մասին պետք է խոսել այսօր, քանի դեռ ուշ չէ։
Հակոբ Բադալյան
aravot.am | @aravot⁠

📹 ԱԱԾ-ն հաստատում է՝ Քոչարյանի կադրերը կառույցն է տրամադրել իշխանական ԶԼՄ-ներին
ԱԱԾ-ն հաստատել է, որ Ռոբերտ Քոչարյանի մասնակցությամբ «Զվարթնոց» օդանավակայանում նկարահանված տեսանյութը տրամադրել է իշխանական լրատվամիջոցներին։
Ծառայությունը նշել է, որ իրավասու է հրապարակել իր տնօրինվող տեղեկատվությունը, սակայն չի պարզաբանել հրապարակման նպատակը։
aravot.am | @aravot⁠

⚖️ ՍԴ-ն վաղը կհրապարակի ընտրությունների արդյունքների վիճարկման գործով որոշումը
Հայաստանի Սահմանադրական դատարանը հուլիսի 4-ին կհրապարակի որոշումը՝ 2026 թվականի հունիսի 7-ի Ազգային ժողովի ընտրությունների արդյունքները վիճարկող գործով։ Այս մասին տեղեկացրել է Բարձր դատարանը։
aravot.am⁠ | @aravot

🎬 «Ոսկե ծիրան»-ը կմեկնարկի հուլիսի 12-ին՝ 40 երկրից ընտրված 90 ֆիլմով
Երևանյան 23-րդ «Ոսկե ծիրան» միջազգային կինոփառատոնը կանցկացվի հուլիսի 12-19-ը։ Այս տարի փառատոնը ստացել է 600 հայտ 90 երկրից, որոնցից ընտրվել է 90 ֆիլմ՝ 40 երկրից։ Բացման ֆիլմը կլինի Թամարա Ստեփանյանի «Արտոյի երկիրը», իսկ հյուրերի թվում կլինեն աշխարհահռչակ կինոգործիչներ, այդ թվում՝ Պավել Պավլիկովսկին և Սիմոն Աբգարյանը։
aravot.am⁠ | @aravot