Category: Armen Press

ԱՄՆ խոշորագույն ավիաընկերություններից մեկի՝ United Airlines-ի գլխավոր գործադիր տնօրեն Սքոթ Քիրբին հայտարարել է, որ ավիատոմսերի գները կարող են աճել մինչև 20 տոկոսով՝ Իրանի շուրջ ռազմական լարվածության և ավիացիոն վառելիքի թանկացման ֆոնին։

ՀՀ շուկայի վերահսկողության տեսչական մարմինը հայտնաբերել է գերլիցքավորման դեպք Արարատի մարզում գործող գազալցակայանում, որի արդյունքում ժամանակավորապես կասեցվել է հեղուկ գազի վաճառքը։
Վերահսկողական գործողություններ են իրականացվել հեղուկացված ածխաջրածնային գազի, բենզինի և դիզելային վառելիքի վաճառքով զբաղվող «ԱՐՏՅՈՄ ԽԱՉԱՏՐՅԱՆ ՎԱՐԱԶԴԱՏԻ» ՍՊԸ-ին պատկանող լցակայանում (հասցե՝ Արարատի մարզ, Գեղանիստ, 1-ին փողոց, 28)։
Ստուգման արդյունքում արձանագրվել է հեղուկացված ածխաջրածնային գազի գերլիցքավորման դեպք։
Խախտման հետևանքով տեսչական մարմինը իրականացրել է լցակայանի չափման միջոցի կապարակնքում՝ մինչև խախտման վերացումը, ինչի արդյունքում կասեցվել է հեղուկ գազի վաճառքը։
Նշվում է, որ տնտեսվարողը կենթարկվի վարչական պատասխանատվության՝ օրենքով սահմանված կարգով։

«Քաղաքացիական պայմանագիր» խմբակցության պատգամավոր Արուսյակ Ջուլհակյանը ընտրվել է Եվրոպայի խորհրդի խորհրդարանական վեհաժողովի (ԵԽԽՎ) ներկայացուցիչ Կոռուպցիայի դեմ պայքարի պետությունների խմբում (ԳՐԵԿՈ)։ «Արմենպրես»-ի հաղորդմամբ՝ այս մասին պատգամավորը հայտնել է «Ֆեյսբուք»-ի իր էջում։

Իսրայելի պաշտպանության նախարար Իսրայել Կացը հայտարարել է, որ բանակը կգրավի Լիբանանի հարավային շրջանները՝ մինչև Լիտանի գետն ընկած հատվածը։ Այս մասին հաղորդում է Reuters գործակալությունը։
Իսրայելն առաջին անգամ է հստակ հայտարարում, որ մտադիր է գրավել այդ տարածքները, որոնք կազմում են Լիբանանի գրեթե մեկ տասներորդ մասը։

Իրանի Իսլամական հեղափոխության պահապանների կորպուսը (ԻՀՊԿ) հայտարարել է, որ հաջող հարված է հասցրել Իսրայելում մի քանի թիրախի, ներառյալ օբյեկտների, որոնք պատկանում են իսրայելական հետախուզական ծառայություններին։

«Խեյբարշեկան, Էմադ և Սեջիլ հզոր հրթիռներով, ինչպես նաև ԻՀՊԿ-ի հարվածային անօդաչու թռչող սարքերով վարչակարգի հակաօդային պաշտպանության էշելոնային համակարգի հաջող հաղթահարումից հետո խոցվել են այդ վարչակարգի հետախուզական ծառայությունների իբրև անվտանգ օբյեկտները Թել Ավիվի հյուսիսում և կենտրոնում, վարչակարգի բանակի թիկունքի կենտրոնները Ռամաթ Գանում և Նեգևում, ինչպես նաև վարչակարգի հարավային ուժերի լոգիստիկայի և կառավարման գլխավոր կենտրոնը Բեեր Շեբայում», — նշվել է հայտարարության մեջ:

Լիբանանի իշխանություններն անցանկալի անձ են հայտարարել Բեյրութում Իրանի դեսպան Մոհամմադ Ռեզա Շեյբանիին:
Լիբանանի արտաքին գործերի նախարարությունում պարզաբանել են, որ դիվանագետը պետք է մինչև շաբաթվա վերջը լքի երկիրը։

Հայաստանի գիտությունների ազգային ակադեմիայում տեղի է ունեցել ազգությամբ հայ ֆրանսիացի նշանավոր դրամատուրգ, արձակագիր Արթուր Ադամովին նվիրված միջազգային գիտական կոնֆերանս։

Հայաստանի էկոնոմիկայի նախարարի տեղակալ Անուշիկ Ավետյանի գլխավորած պատվիրակությունը մարտի 16-18-ը Իսպանիայի թագավորության Ալիկանտե քաղաքում մասնակցել է ԵՄ կողմից ֆինանսավորվող և European Union Intellectual Property Office-ի (EUIPO) կողմից իրականացվող «EU4IP» ծրագրի շահառու երկրների ներկայացուցիչների հանդիպմանը։
«Արմենպրես»-ի փոխանցմամբ՝ այս մասին հաղորդագրություն է տարածել ՀՀ էկոնոմիկայի նախարարությունը։
Անուշիկ Ավետյանն իր բացման խոսքում ներկայացրել է մտավոր սեփականության ոլորտում իրականացվող բարեփոխումները և Կառավարության առաջնահերթությունները։
Նա ընդգծել է, որ մտավոր սեփականության պաշտպանությունը հանդիսանում է ՀՀ և ԵՄ համագործակցության կարևոր ուղղություններից մեկը՝ մասնավորապես CEPA համաձայնագրի շրջանակում։
ՄԱՆՐԱՄԱՍՆԵՐ

«Իմնեմնիմի» փոդքասթի համահեղինակ Նարեկ Սամսոնյանի նկատմամբ տնային կալանքը փոխվել է վարչական հսկողության՝ հրապարակային խոսքի արգելքի պայմանով։
«Արմենպրես»-ի փոխանցմամբ՝ այս մասին հայտնել է փաստաբան Ռուբեն Մելիքյանը։

Իրաքի՝ մեծամասամբ շիաներից կազմված Ժողովրդական մոբիլիզացիոն ուժերը (PMF) հայտարարել են, որ իրենց մարտիկներից 15-ը զոհվել են երկրի արևմուտքում գտնվող օբյեկտի վրա ԱՄՆ-ի իրականացրած հարձակման հետևանքով։
«Արմենպրես»-ի փոխանցմամբ՝ այս մասին հաղորդում է BBC-ն։
Գրոհի հետևանքով սպանվել է նաև Անբարի նահանգում PMF գործողությունների հրամանատար Սաադ ալ-Բայջին, որի հրաժեշտի արարողությունը տեղի է ունենում Բաղդադում։
Ժողովրդական մոբիլիզացիոն ուժերի կազմի մեջ մտնող ռազմականացված խմբերից մի քանիսը կապված են Իրանի հետ։ PMF-ը պաշտոնապես ինտեգրվել է Իրաքի պետական ​​անվտանգության ուժերում։
Reuters-ը հաղորդում է, որ հարվածները թիրախավորել են PMF-ի շտաբը բարձրաստիճան հրամանատարների մասնակցությամբ անվտանգության նիստի ժամանակ։
Իր հերթին, The Associated Press-ը հաղորդում է, որ Իրաքյան Քրդստանի Էրբիլում հրթիռակոծության է ենթարկվել «Փեշմերգա» զորախմբի ռազմաբազան։ Վեց մարդ զոհվել է, 30-ը՝ վիրավորվել։ «Փեշմերգա» ուժերը հարվածի համար մեղադրել են Իրանին։