Category: Armen Press

ՀՀ վարչապետի մամուլի քարտուղարի պաշտոնում կնշանակվի Մելանյա Հարությունյանը

ՀՀ վարչապետ Նիկոլ Փաշինյանի խոսքով՝ ԵԱՏՄ-ն կաթվածահար վիճակում է և չի գործում։
Փաշինյանն այդ մասին հայտարարեց Կառավարության նիստին հաջորդած ճեպազրույցի ընթացքում։

«ԵԱՏՄ-ն հարթակ է, որտեղ ես մեր օրակարգին առնչվող բոլոր հարցերը բարձրացնելու եմ։ Եթե ԵԱՏՄ-ի պայմանագիրը չի գործում, կազմակերպությունն էլ չի գործում։ ԵԱՏՄ-ն դե ֆակտո կաթվածահար վիճակում է, և կաթվածահարությունը խորանալու միտումներ է ցուցաբերում։ Եթե այս հարցն արագ չլուծվի, ես հարյուր տոկոսով վստահ եմ, որ Հայաստանն է հաղթահարելու այս խնդիրը, այլ ոչ թե ԵԱՏՄ-ն»,- ասաց ՀՀ վարչապետը։

Վարչապետը նոր խոսնակ ունի
https://youtu.be/lkbLsMLsTzA?si=1egwCjfWkih3L5rz

Հայաստանի Հանրապետության վարչապետ Նիկոլ Փաշինյանը տեղեկացրել է, որ հայ-թուրքական հարաբերությունների կարգավորման գործընթացում հայկական կողմի նոր հատուկ բանագնացի թեկնածության հարցը քննարկման փուլում է։
Նիկոլ Փաշինյանն այդ մասին հայտնել է կառավարության նիստին հաջորդած ճեպազրույցի ընթացքում՝ «Արմենպրես»-ի թղթակցի հարցին ի պատասխան։

«Հատուկ բանագնացի հետ կապված որոշում դեռ չկա։ Թուրքիայի հետ հաղորդակցության ձևաչափով մենք պետք է որոշենք, թե ինչպես ենք շարունակելու աշխատանքը, ինչ տրամաբանությամբ և ինչ ֆորմատով, որպեսզի կայացնենք համապատասխան որոշումներ։ Այդ թեմայով հիմա քննարկումներ ընթանում են»,- ասաց Փաշինյանը։

ՀՀ վարչապետը հայտնել է, որ Հայաստանում ջրամատակարարման համակարգը լայնորեն քայքայված է և այդտեղ անհրաժեշտ են լուրջ ներդրումներ
Նիկոլ Փաշինյանն այդ մասին նշել է կառավարության նիստին հաջորդած ճեպազրույցում՝ անդրադառնալով «Արմենպրես»-ի թղթակցի՝ Բյուրեղավան համայնքում ջրում տեղ գտած շեղումների հետևանքով աղիքային թունավորման հերթական դեպքի մասին հարցին։

«Պետք է պատասխանները հիմնավորված ստացվեն և հետևություններ անեն «Վեոլիա ջուր»-ն ու մնացած պատասխանատու մարմինները։ Անհրաժեշտ որոշումներ պետք է կայացնեն։ Խնդիրը միայն ներդրումը չէ։ Մեզ երբեմն թվում է, որ խողովակներ տեղադրելով՝ հարցը լուծեցինք, բայց եթե այդ ամենն ամենօրյա սպասարկման չենթարկվի, նորից ունենալու ենք նույն պրոբլեմները։ Ամենօրյա սպասարկման համար անհրաժեշտ են լուրջ ներդրումներ։ Ընդ որում՝ ռիսկերի կառավարումը ներառվում է նաև սակագների մեջ։ Մենք պետք է առերեսվենք խնդրի հետ և առաջնորդվենք ստանդարտներով։ Բոլոր պրոցեսները պետք է ներառված լինեն սակագնի մեջ, որպեսզի կարողանանք երկարաժամկետ ապահովել ամենօրյա ջրամատակարարման որակյալ սպասարկում»,- ասաց ՀՀ վարչապետը։

Հայաստանը ինչո՞վ էր վատ գործընկեր, որ ՀԱՊԿ֊ը չկատարեց իր պարտականությունները. վարչապետ
https://youtu.be/dD9B_kfdnV0?si=vSBuQniZsV-m5QyH

Նիկոլ Փաշինյանի ճեպազրույցը. ՈՒՂԻՂ
https://www.youtube.com/live/hqL1hY_TxwM?si=uNlJNnCHbcky6GXW

Աջակցում ենք, բայց ես հարցեր ունեմ. վարչապետը ձկնաբուծության ոլորտի մասին
https://youtu.be/wUkJrGNL_0s?si=m8Z_2ILfoIVLyGY1

Գյումրիի համայնքապետարանը պատրաստել է շների կացարանի նոր նախագիծ։ Կացարանի կառուցման համար համայնքային իշխանություններն արդեն տարածք են հատկացրել նախկին թռչնաբուծական ֆաբրիկայի տարածքում։
Գյումրիի քաղաքապետի առաջին տեղակալ, քաղաքապետի պաշտոնակատար Ավետիս Առաքելյանը լրագրողների հետ զրույցում հայտնել է, որ համայնքը կփորձի հնարավորինս արագ իրականացնել կացարանի կառուցման աշխատանքները։
«Կացարանի էսքիզային նախագիծն արդեն պատրաստ է, շուտով մրցույթ կհայտարարենք»,- ասել է Ավետիս Առաքելյանը՝ հավելելով, որ մոտ մեկ ամսից հայտնի կլինի շինարարությունն իրականացնող կազմակերպությունը։
Նրա խոսքով՝ չի բացառվում, որ կացարանը կառուցվի նաև առանց մրցույթի՝ դոնոր կազմակերպության աջակցությամբ։
Գյումրիում թափառող շների խնդիրը տարիներ շարունակ լուրջ անհանգստություն է պատճառում բնակիչներին։ Վերջին շրջանում իրավիճակն ավելի է սրվել, ավելացել են նաև բնակիչների ահազանգերն ու մտահոգությունները։
Տարբեր տարիներին փորձեր են արվել խնդիրը լուծել ստերջացման ծրագրերի միջոցով, սակայն դրանք չեն ապահովել հարցի վերջնական լուծումը։

ՀՀ կառավարության նիստ. ՈՒՂԻՂ
https://www.youtube.com/live/anJsFja5yKs?si=9-hHC8YLgWyevr0S