Category: Azatutyun

Հռոմի պապը կոչ է անում դադարեցնել բռնությունը Մերձավոր Արևելքում
Հռոմի պապ Լևոն 14-րդը հայտարարել է, որ Իրանից և ամբողջ Մերձավոր Արևելքից շարունակում են հասնել մտահոգիչ լուրեր՝ կոչ անելով դադարեցնել բռնությունը և նոր ջանքեր գործադրել երկխոսության ուղղությամբ։
Նա զգուշացրել է, որ հակամարտությունը սնուցում է վախ և ատելություն և մտահոգություն հայտնել, որ այն կարող է ավելի տարածվել։
«Բռնության և ավերածությունների դրվագների, ինչպես նաև ատելության ու վախի տարածված մթնոլորտի հետ մեկտեղ աճում է նաև մտահոգությունը, որ հակամարտությունը կարող է տարածվել, և տարածաշրջանի այլ երկրներ, այդ թվում՝ Լիբանանը, կարող են կրկին ընկնել անկայունության մեջ», — Reuters-ի փոխանցմամբ՝ ասել է Հռոմի պապը:

ԱՄՆ-ը և Իսրայելը քննարկել են Իրան հատուկ նշանակության ուժեր ուղարկելու հնարավորությունը՝ բարձր հարստացված ուրանի պաշարների անվտանգությունն ապահովելու համար։ Այս մասին հայտնում է Axios-ը՝ հղում անելով իր աղբյուրներին։
Պարբերականի նշմամբ՝ դա կարող է տեղի ունենալ պատերազմի ավելի ուշ փուլում, երբ երկու երկրներն էլ համոզվեն, որ իրանական բանակը այլևս լուրջ սպառնալիք չի ներկայացնում։
Ըստ Axios-ի՝ քննարկվել են երկու տարբերակ՝ ամբողջությամբ դուրս բերել հարստացված ուրանը երկրից, կամ ներգրավել միջուկային էներգետիկայի փորձագետների, որպեսզի այն տեղում նոսրացնեն։

Մեծամասնության համաձայնություն է ձեռք բերվել Իրանի հաջորդ գերագույն առաջնորդի վերաբերյալ
Մեծամասնության համաձայնություն է ձեռք բերվել Իրանի հաջորդ գերագույն առաջնորդի վերաբերյալ, Reuters-ի փոխանցմամբ՝ հայտարարել է Փորձագետների ժողովի անդամ այաթոլլահ Մոհամմադմեհդի Միրբաքերին:
Mehr-ի հաղորդմամբ՝ նա ասել է, որ գործընթացի հետ կապված «որոշ խոչընդոտներ» դեռ պետք է լուծվեն։ Այլ մանրամասներ չի նշել:

ԱՄՆ նախագահ Դոնալդ Թրամփը հայտարարել է, որ չի ցանկանում, որ էթնիկ քրդերը ցամաքային հարձակում սկսեն Իրանի ռեժիմի դեմ՝ ասելով, որ չի ցանկանում տեսնել, թե ինչպես են նրանք «վիրավորվում և սպանվում»։
«Ինչպես գիտեք, մենք շատ բարեկամական ենք քրդերի հետ, բայց չենք ուզում պատերազմն ավելի բարդ դարձնել, քան այն արդեն իսկ կա: Այո, ես դա բացառել եմ։ Ես չեմ ուզում, որ քրդերը մտնեն։ Ես չեմ ուզում, որ քրդերը վիրավորվեն և սպանվեն: Նրանք պատրաստ են մտնել, բայց ես նրանց ասել եմ, որ չեմ ուզում, որ նրանք մտնեն։ Պատերազմը բավականին բարդ է առանց քրդերի ներգրավման», — նշել է Թրամփը։

ԱՄՆ-ը դատապարտում է Իրանի ԱԹՍ հարձակումը Ադրբեջանի վրա
«Միացյալ Նահանգները խստորեն դատապարտում է մարտի 5-ին Իրանի ռեժիմի կողմից Ադրբեջանի Հանրապետության դեմ իրականացված չհրահրված անօդաչու թռչող սարքի հարձակումը, որի թիրախը Նախիջևանի միջազգային օդանավակայանն ու մանկապարտեզն էին, որի հետևանքով վիրավորվել էին անմեղ քաղաքացիներ և վնասվել էին կարևորագույն քաղաքացիական ենթակառուցվածքները», — ասված է Պետդեպարտամենտի հայտարարությունում:

⚡️Հարգելի հետևորդներ, ինտերնետի խափանման պատճառով «Ազատության» լրատվական հիմնական թողարկումը կհեռարձակվի փոքր-ինչ ուշ։

🔸Այն քաղաքացիներին, ում Հայաստան վերադարձի, այդ թվում՝ տարանցիկ չվերթները չեղարկվել էին Մերձավոր Արևելքում ռազմական գործողությունների հետևանքով, և ովքեր նոր տոմսեր են ձեռք բերել Հայաստան գալու համար, կտրամադրեն մինչև 250 հազար դրամ փոխհատուցում՝ յուրաքանչյուր անձի համար, եթե տոմսի արժեքը դրանից պակաս է, կփոխհատուցվի վճարված գումարը, հայտարարել է ԱԳՆ-ը ֆեյսբուքյան էջում:
Արարատ Միրզոյանը մի քանի օր առաջ անարդար էր համարել պահանջը, որ հանգստի մեկնած մարդկանց վերադարձի տոմսերը կառավարությունն առնի: Վերջին մեկ շաբաթում Մերձավոր Արևելքում տասնյակ հազարավոր չվերթներ են չեղարկվել, մարդիկ օրերով չեն կարողանում իրենց երկրներ հասնել: Նրանց թվում նաև հարյուրավոր հայաստանցիներ կան:

Մարտի 7-ին սոցիալական ցանցերում տարածված տեսանյութում երևում է՝ ինչպես է անօդաչու թռչող սարքը ընկնում Դուբայի միջազգային օդանավակայանի մոտ։
Տուժածների մասին չի հաղորդվում։
Իշխանություններն ավելի վաղ ժամանակավորապես դադարեցրել էին օդանավակայանի աշխատանքը, սակայն այժմ որոշ չվերթներ արդեն վայրէջք են կատարում և թռիչք իրականացնում։
Իրանի նախագահ Մասուդ Փեզեշքիանը այսօր հայտարարել էր, որ երկրի ժամանակավոր ղեկավար խորհուրդը դադարեցնում է հարևան երկրների դեմ հարձակումները, եթե այդ երկրներից Իրանի դեմ հարձակում չլինի։

«Իրանը այսօր շատ ուժեղ հարված կստանա». Թրամփ

Նա նշել է, որ դիտարկում է թիրախավորվող տարածքների ու մարդկանց խմբերի շրջանակը ընդլայնելու հնարավորությունը՝ առանց մանրամասներ ներկայացնելու։
«Այսօր Իրանը շատ ուժեղ հարված կստանա։ Իրանի վատ վարքագծի պատճառով լրջորեն քննարկվում է լիակատար ոչնչացման և անխուսափելի մահվան հարցը, այն տարածքները և մարդկանց խմբերը, որոնք մինչ այս պահը թիրախավորման համար չէին դիտարկվում», — նշել է Թրամփը Truth Social-ում։

Փետրվարի 28-ից մարտի 6-ն ընկած ժամանակահատվածում Իրանից Հայաստանի տարածքով տեղափոխվել են 41 երկրների քաղաքացիներ, հայտնում են ԱԳՆ-ից