Category: Azatutyun

Սամվել Կարապետյանի առաջադրումը «Հայաստանի Հանրապետությունը ապալեգիտիմացնելու վերջին փորձն է». Նիկոլ Փաշինյան

«ՀՀ-ն որպես չպետություն հայտարարագրելու վերջին փորձն է։ Իմ նշած բոլոր ուժերը առաջիկա խորհրդարանական ընտրություններում ստանալու են ջախջախիչ փոքրամասնություն։ Էս ընտրությունների արդյունքում բոլոր նախկին իշխանությունները և բոլոր օլիգարխները վերջնականապես և անվերադարձ դուրս են շպրտվելու քաղաքական դաշտից, 2026-ից հետո դուք այլևսս չեք տեսնելու քաղաքականությամբ զբաղվող օլիգարխ, նախկին նախագահ»

,- քիչ առաջ ՔՊ գրասենյակում հայտարարեց վարչապետը։

Երասխի և Ախուրիկի հատվածների մասով որոշակի ըմբռնում ունենք ռուսական կողմի հետ և որոշակի պայմանավորվածության կհանգենք. Խուդաթյան

«Իմ տպավորությունն այնպիսինն է, որ առնվազն այդ երկու հատվածների մասով մենք որոշակի ըմբռնում ունենք ռուսական կողմի հետ և որոշակի պայմանավորվածության կհանգենք, կարծում եմ՝ առաջիկա օրերին դրա պատասխանը կունենանք: Եթե ստացվի այնպես, որ իրենք դա անեն, շատ ավելի լավ, կգնանք այդ ճանապարհով, իսկ եթե ինչ-որ հարցեր խանգարեն, թեև իմ ըմբռնումն այնպիսինն է, որ հարցեր չպետք է լինեն, որոնք առնվազն Երասխի և Ախուրիկի մասով կխանգարեն, եթե այդպիսի հանգամանքներ լինեն ՀՀ կառավարությունն ինքը կվերականգնի նշված հատվածներում երկաթգիծը, որովհետև դա ապաշրջափակման տրամաբանության կարևոր կետերից մեկն է»,-

այսօր «Ազատության» հարցին ի պատասխան ասաց տարածքային կառավարման և ենթակառուցվածքների նախարար Դավիթ Խուդաթյանը:

Հայաստանում մեկնարկել է հայ-ադրբեջանական կլոր սեղան-քննարկումը «Խաղաղության կամուրջ» նախաձեռնության շրջանակներում. ադրբեջանական տելեգրամ ալիքներն անձայն կադրեր են հրապարակել