Category: Azatutyun

📌Աղվերանում Մհեր Գրիգորյանի և Շահին Մուստաֆաևի նախագահությամբ տեղի է ունեցել Հայաստանի և Ադրբեջանի միջև պետական սահմանի սահմանազատման և սահմանային անվտանգության հարցերով հանձնաժողովի և Ադրբեջանի Հանրապետության և Հայաստանի Հանրապետության միջև պետական սահմանի սահմանազատման պետական հանձնաժողովի 13-րդ հանդիպումը, հայտնում են ԱԳՆ-ից:

Ադրբեջանի փոխվարչապետ Շահին Մուստաֆաևի գլխավորած պատվիրակությունը մեկնել է Հայաստանից: Ադրբեջանական ավիաուղիների օդանավը, որ ժամանել էր առավոտյան ժամը 10-ին, «Զվարթնոց» օդանավակայանից Բաքու է ուղևորվել ժամը 18-ին:

ԱՄՆ-ում նախագահ Դոնալդ Թրամփի դիմանկարով սահմանափակ քանակով անձնագրեր կթողարկվեն՝ Անկախության հռչակագրի 250-ամյակի տոնակատարությունների շրջանակում:
Սպիտակ տնից BBC-ին հաստատել են, որ նոր դիզայնով անձնագրերը հասանելի կլինեն ԱՄՆ «յուրաքանչյուր քաղաքացու» համար, որը կդիմի անձնագիր ստանալու համար: Ընդ որում, այս անձնագրերը հասանելի կլինեն միայն Վաշինգտոնի անձնագրային գործակալությունում։
Հանրային արձագանքը միանշանակ չէ այս նախաձեռնությանը: Կողմնակիցները համարում են, որ սա լավ առիթ է հոբելյանն այս կերպ նշելու համար: Մինչդեռ քննադատներն այն համարում են քաղաքականացված, աննախադեպ և նույնիսկ ավտորիտար բրենդինգ։ ԱՄՆ անձնագրերում պատմականորեն չի եղել գործող նախագահի կամ որևէ մեկի դիմանկար՝ քաղաքական չեզոքություն պահպանելու համար:

Արդբեջանի փոխվարչապետին ուղեկցող ավտոշարասյունը դուրս եկավ Աղվերանի հյուրանոցի տարածքից. «Ազատության» բացառիկ կադրերը

Ադրբեջանի փոխվարչապետ Շահին Մուստաֆաևի պատվիրակությունն Աղվերանի հյուրանոցներից մեկում էր: Տարածքը հսկվում էր, հանդիպումն էլ փակ էր լրագրողների համար:
Ավելի ուշ տասից ավելի ավտոմեքենա դուրս եկավ հյուրանոցի տարածքից: Մեքենաների մեծ մասը պետական համարանիշներով էր: Միայն Սամվել Ալեքանյանի հետ կապվող մեքենան էր մասնավոր:
___
Ըստ թռիչքներին հետևող Flightradar24 կայքի՝ արդրբեջանական օդանավը Բաքու է վերադառնալու այսօր ժամը 17։00-ին:
Սահմանազատման հանձնաժողովները վերջին անգամ հանդիպել են ադրբեջանական Գաբալայում անցած նոյեմբերին, հենց այդ ժամանակ էլ պայմանավորվել էին հաջորդ հանդիպումն անցկացնել Հայաստանի քաղաքներից մեկում: https://www.youtube.com/shorts/BqGsZs0siWs

Իրանը լավ կանի՝ խելքի գա և հրաժարվի միջուկային ծրագրից, հայտարարել է Դոնալդ Թրամփը: Սոցցանցում արած գրառմանը կից ԱՄՆ նախագահը հրապարակել է լուսանկար, որում ինքն է պատկերված՝ հրազենով, իսկ ետնապատկերին Իրանն է՝ զինված հարձակման տակ: Լուսանկարին կից կա նաև գրություն, որում Սպիտակ տան ղեկավարը ակնարկել է, որ պատրաստ է կոշտ միջոցների դիմել.
«Իրանն անկազմակերպ է: Նրանք չգիտեն, թե ինչպես ստորագրել ոչ միջուկային համագործակցության մասին համաձայնագիր։ Ավելի լավ է՝ շուտ խելքի գան»,-իր սոցցանցում գրել է Թրամփը:

Ընտրակաշառքի համար մեղադրվող Կանդազ մականվամբ Արթուր Ավանեսյանը հացադուլ է հայտարարել։

Փաստաբան Արմեն Ֆերոյանը փոխանցեց, որ այսօր կտեսակցի պաշտպանյալին։ Քրեակատարողական ծառայությունից ավելի վաղ «Ազատությանը» փոխանցել էին, թե անձնական տվյալ չեն կարող հրապարակել և հրաժարվել էին ասել՝ Ավանեսյանը հացադո՞ւլի մեջ է, թե՞ չէ։

Հակակոռուպցիոն կոմիտեն այսօր ընտրակաշառք ստանալու և բարեգործության արգելքը խախտելու դեպքերի առթիվ քննվող քրեական վարույթի շրջանակներում մի խումբ անձանց է ձերբակալել:
Կոմիտեից այլ մանրամասներ չեն հայտնում, սակայն «Ազատության» տեղեկություններով՝ խուզարկությունը եղել է ընդդիմադիր «Ուժեղ Հայաստանի» Ավանի գրասենյակում, ձերբակալվածները 5-6 հոգի են:

«Ձևավորվում է նոր Հարավային Կովկաս՝ փոխկապակցված և խաղաղ, որը համահունչ է նախագահ Թրամփի՝ տարածաշրջանում կայունության և բարեկեցության հանձնառությանը», — X-ում գրել է Թուրքիայում ԱՄՆ դեսպանը։

Նա կարևոր իրադարձություն է համարել հայ և թուրք պաշտոնյաների հանդիպումը Կարսում, որտեղ հայտարարվել է Գյումրի-Կարս երկաթգծի վերականգնման և գործարկման հարցերով համատեղ աշխատանքային խումբ ստեղծելու մասին։

Ապրիլի 21-ին Բյուրեղավանում արձանագրվել էր աղիքային վարակիչ հիվանդության դեպքեր, 11 մարդ հոսպիատալցվել էր, շտապ օգնությունը 30 կանչ էր ստացել՝ բոլորն աղիքային խնդիրներով:
Դեպքից 8 օր անց հիվանդությունների վերահսկման և կանխարգելման ազգային կենտրոնը հայտարարեց՝ խմելու ջրում արձանագրվել են շեղումներ: