Category: FIP

📍 40 մրցույթ, 31 հաղթանակ
🔍 Արթիկ համայնքում 2021-2025 թթ․ անցկացված տեխնիկական հսկողության 40 մրցույթներից 31-ը հաղթել է «Վահրամ Կնյազյան» ԱՁ-ն։
🔹 Որոշ մրցույթներում հաղթանակը գրանցվել է մրցակիցներից չնչին գնային տարբերությամբ, իսկ մի մասում ԱՁ-ն եղել է միակ մասնակիցը:
Փաստերը հարցականի տակ են դնում մրցութային գործընթացների թափանցիկությունը։ ⁉️

🔺📱 ՏՏ ոլորտի աճի վերաբերյալ հրապարակային հնչեցրած թվերը և պաշտոնական վիճակագրությունն ամբողջությամբ չեն համընկնում։
🗣 Վարչապետ Նիկոլ Փաշինյանը հայտարարել է, որ 2018-ի համեմատ ոլորտում ընկերությունների թիվն աճել է ավելի քան 12 անգամ, իսկ աշխատողների թիվը՝ հնգապատկվել։
Մինչդեռ Պետական եկամուտների կոմիտեի տվյալներով՝ 2018-2025 թթ․ ՏՏ ընկերությունների թիվն աճել է շուրջ 9,8 անգամ, շրջանառությունը՝ մոտ 770 %-ով, իսկ աշխատողների թիվը՝ գրեթե կրկնապատկվել։ 🔎 ✅

🚨🔎 Վաղարշապատի ընտրություններ՝ փաստերով
❗ Իշխան Սաղաթելյանի պնդումները «ամբողջ պետական ռեսուրսի» կիրառման և քաղաքացիների «համակարգված ահաբեկման» մասին չեն հաստատվում անկախ դիտորդական կազմակերպությունների զեկույցներով։ ⚠
🔹 Նախընտրական շտաբների գործունեությունն օրենքով թույլատրելի քաղաքական աշխատանք է։
🔹 Ընտրողի ազատ կամարտահայտումը պաշտպանված է օրենքով, ընտրողին ուղղորդելը համարվում է քրեական հանցանք միայն ապօրինի ներգործության դեպքում։

🔁 1968-ի ԳԱԶ 51Ա-ից մինչև 2025-ի նոր մեքենաներ․ պետական ավտոպարկը շարունակում է թարմացվել։
✅ 2025 թվականի դրությամբ հաշվառված է եղել 4647 ավտոմեքենա՝ 289-ով ավելի, քան 2024-ին։
2019-2025 թթ․ արտադրության մեքենաները 1098 են, իսկ 2025-ի արտադրության՝ 80։ 🚗
🔺 Աղբյուրը՝ Պետական գույքի կառավարման կոմիտե:

🔺Ամասիայում ազգությամբ ադրբեջանցի ՌԴ քաղաքացիներ են եղել․ ԱԱԾ–ն հաստատում է
‼️Ազգային անվտանգության ծառայությունը պատասխանելով «Փաստերի ստուգման հարթակի» հարցմանը, հաստատել է, որ Շիրակի մարզի Ամասիա բնակավայրում ազգությամբ ադրբեջանցիներ են եղել։
⁉️FIP.am-ը ԱԱԾ-ին ուղղված գրությամբ փորձել էր պարզել՝ արդյոք սոցիալական ցանցերում տարածվող տեսանյութերում երևացող անձինք ադրբեջանցիներ են, ինչին ԱԱԾ-ից պատասխանել են․
«Այդ անձինք հանդիսանում են ազգությամբ ադրբեջանցի, Ռուսաստանի Դաշնության քաղաքացիներ, ովքեր մուտք են գործել Հայաստանի Հանրապետություն և ՀՀ-ից դուրս են եկել ՀՀ պետական սահմանի «Բագրատաշեն» անցման կետով։ Այցը կրել է մասնավոր բնույթ»։ ✅

📌 Քրեական գործ՝ 9,000 հա անտառների մշակման մրցույթի շուրջ
2025 թվականին ՀՀ շրջակա միջավայրի նախարարությունը հայտարարեց մրցույթ օդային եղանակով նյութերի ցրման ծառայությունների համար։ 📢
🔹 Մրցույթը հաղթեց «ԷՅՋ ՋԻ ԷՅՋ ՔՈՄՓԱՆԻ» ՍՊԸ-ն՝ 149 մլն դրամ գնառաջարկով․ նախատեսված էր 9,000 հա անտառների մշակում՝ 10-15 օրում։
«Իրազեկ քաղաքացիների միավորումը», կասկածելի համարելով կարճ ժամանակահատվածում նման ծավալի աշխատանքի իրականացումը, դիմել է իրավապահ մարմիններին։ Գործը ներկայումս քննվում է ՀՀ հակակոռուպցիոն կոմիտեում: ✅🔎
💡 Շրջակա միջավայրի նախարարությունը վերանայել և փոփոխել է այս տարեսկզբին հայտարարված մրցույթի պահանջները։

📌 Մոլորեցնող օրինակ՝ առանց քրեական գործի

Ալեն Սիմոնյանը ռուսական «Դոժդ» հեռուստաընկերության եթերում նշել է, թե պետությունը հակամարտության մեջ է ոչ թե Հայ առաքելական եկեղեցու, այլ ՀԱԵ-ի որոշ սպասավորների հետ՝ որպես օրինակ հիշատակելով հոգևորականների մասնակցությամբ մանկապղծության ենթադրյալ դեպքեր։
🔺 Սակայն ՀՀ գլխավոր դատախազությունը հայտնում է՝ նման քրեական գործ իրենց վարույթում չկա։

📰 «Փաստ» թերթի հրապարակումը՝ մանիպուլյատիվ

Օրերս «Փաստ» թերթը պնդել էր, թե Սյունիքի մարզպետի կողմից սոցիալական աջակցություն տրամադրելը կարող է դիտարկվել որպես ընտրակաշառք։
🔎 «Փաստերի ստուգման հարթակի» ուսումնասիրությունը ցույց է տալիս՝
✔️ սոցիալական աջակցությունների տրամադրումը մարզպետների օրենքով սահմանված գործառույթ է
✔️ նման որոշումներ կայացվել են Հայաստանի բոլոր մարզերում՝ ոչ միայն Սյունիքում
✔️ աջակցությունները տրամադրվել են պարբերաբար՝ նաև նախորդ տարիներին, ոչ միայն ընտրական ժամանակահատվածում
✔️ գոյություն ունի սահմանափակում՝ տարվա ընթացքում նույն ընտանիքին աջակցությունը տրամադրվում է մեկ անգամ, ինչը բացառում է ընտրովի մոտեցումը:

⚠️ Օլիմպիական խաղերը՝ ապատեղեկատվության նոր ռազմաճակատ
BBC Verify-ը բացահայտել է Կրեմլի «Մատրյոշկա» ապատեղեկատվական ցանցի լայնածավալ նոր արշավ։ Ավելի քան 40 արհեստական բանականությամբ գեներացված տեսանյութ թիրախավորել են Իտալիայում անցկացվող ձմեռային օլիմպիական խաղերին մասնակցող ուկրաինացի մարզիկներին։
🎭 Կեղծ ձայներ, մոնտաժված կադրեր, նույնիսկ հայտնի դեմքերի անունների շահարկում՝ հակաուկրաինական տրամադրություններ հրահրելու համար։
❗ Հիշեցնենք՝ նույն ցանցը 2025-ից ակտիվորեն թիրախավորում է նաև Հայաստանը։