Category: FIP

❌Պատգամավոր Արեգա Հովսեփյանը մոլորեցնում է հանրությանը․ 🇮🇷 Նույն էմոջին՝ տարբեր դրոշներ․ ինչո՞ւ է ԱԳՆ խոսնակի գրառման մեջ երևում Իրանի պատմական դրոշը։
Պատգամավորը քննադատել է ԱԳՆ խոսնակին՝ Իրանի նախկին դրոշն օգտագործելու համար։ Սակայն դրոշի տեսքը փոխել է հենց X-ը։
2026-ի հունվարից հարթակը Իրանի սովորական դրոշի էմոջին ցուցադրում է պատմական «Առյուծ և արև» տարբերակով։ Փոփոխությունը տարածվել է նաև նախկին գրառումների վրա։
Այսպիսով՝ պատմական դրոշի հայտնվելը խոսնակի ընտրության հետևանքը չէ։
Մանրամասները՝ այստեղ

📊 Մեկ տարվա համեմատությամբ՝ բարելավում, վեց տարվա կտրվածքով՝ այլ պատկեր։
🧑‍💻Նախարար Գևորգ Պապոյանը ներկայացրել է Հայաստանի ինովացիոն ցուցանիշների բարելավումը՝ նախորդ տարվա համեմատ։ Սակայն 2020-ի համեմատ ինդեքսի 7 հենասյուներից 5-ում Հայաստանի դիրքերը վատացել են։
Ինչպե՞ս է փոխվում պատկերը, երբ համեմատում ենք ավելի երկար ժամանակահատված և դիտարկում նաև հարևան երկրներին։
FIP.am-ը ուսումնասիրել է տվյալները, որը կարող եք կարդալ այստեղ

🎯 Կառավարության՝ սեպտեմբերի 1-ի համար սահմանած դպրոցների թիրախը չի կատարվել․ 261-ի փոխարեն պատրաստ է 226 դպրոց։
 
📉 Այսինքն՝ սահմանված ցուցանիշից պակաս է 35 դպրոց։
 
🔎 FIP.am-ն ուսումնասիրել է՝ ինչպե՞ս է տարիների ընթացքում փոխվել «300 դպրոց» ծրագրի ցանկը և ի՞նչ խոստումներ են տրվել տարբեր փուլերում։
 
Մանրամասները՝ նյութում։

💻ԱԲ-ով ստեղծված «քաղաքացիներ», հաղորդավարներ ու հարցազրույցներ՝ իրական լրատվական բովանդակության տեսքով։
🔎FIP.am-ն ուսումնասիրել է Vector Media, «Հանրային Լուրեր» և Ararat Press ֆեյսբուքյան էջերը, դրանց տարածած մանիպուլյատիվ ու չհաստատված տեղեկությունները և էջերի միջև առկա ուշագրավ կապերը։
Ի՞նչ գիտենք այս էջերի մասին և ինչպե՞ս է արհեստական բանականությունն օգտագործվում իրական լրատվությունը նմանակելու համար:
📌FIP.am-ի ուսումնասիրությունը կարդացեք այստեղ:

🔎 Ի՞նչ է իրականում ասել Ջեյհուն Բայրամովը ՄԱԿ-ի ամբիոնից։
 
📰Հայաստանյան մի շարք լրատվամիջոցներ գրել են, թե Ադրբեջանի ԱԳ նախարարը խոսել է հարյուր հազարավոր ադրբեջանցիների՝ Հայաստան «վերադարձի» մասին։
 
Սակայն Բայրամովի ելույթի ամբողջական համատեքստը ցույց է տալիս, որ խոսքը Հայաստանի մասին չէր։ Նա անդրադարձել է Ադրբեջանի վերահսկողության տակ անցած տարածքներում՝ Լեռնային Ղարաբաղում ադրբեջանցիների բնակեցմանը։
 
📍Մանրամասները՝ հոդվածում։

«ՌԴ-ից տարեկան մոտ 4 մլրդ դոլար ենք ստանում»․ իսկ ի՞նչ են ցույց տալիս ԿԲ-ի տվյալները։
 
📌 2025-ին Ռուսաստանից Հայաստան համախառն ներհոսքը կազմել է մոտ 3.9 մլրդ դոլար, սակայն Հայաստանից Ռուսաստան փոխանցումները հաշվի առնելուց հետո զուտ ներհոսքը մոտ 3.1 մլրդ դոլար է։
 
Իսկ փոխանցումների կտրուկ աճը սկսվել է 2022-ից՝ ռուս-ուկրաինական պատերազմի, պատժամիջոցների և ռելոկացիոն հոսքերի ֆոնին։
 
🔎 Ինչու է Սամվել Կարապետյանի պնդումը մոլորեցնող՝ կարդացեք FIP-ի ուսումնասիրությունում։

📥Սեպտեմբերի 27-ին ՏԻՄ ընտրություններ կանցկացվեն չորս համայնքում․
Թումանյանում գրանցված է միայն ՔՊ-ի ցուցակը, իսկ Լերմոնտովոյում համայնքապետի միակ թեկնածուն գործող ղեկավարն է։
 
❓Ովքե՞ր են պայքարում մյուս համայնքներում, և ընտրելու իրավունքի նոր պայմանն ինչպե՞ս է ազդելու ընտրացուցակների վրա։
 
Մանրամասները՝ FIP.am-ի նյութում։

⛽️165 դոլար՝ պայմանագրում, 174.4 դոլար՝ սահմանին, 288.6 դոլար՝ սպառողին։
 
📈Ինչպե՞ս է ռուսական գազը Հայաստանի սահմանը հատելուց հետո թանկանում շուրջ 65.5%-ով, և ի՞նչ է իրականում ներառված մեր վճարած սակագնի մեջ։
 
🔍Ուսումնասիրել ենք գազի ամբողջ ճանապարհը՝ պայմանագրային գնից մինչև մեր գազի հաշիվը։
 
FIP.am-ի ուսումնասիրությունը կարդացեք այստեղ:

📍Զինված ուժերում ինքնասպանությունների դեպքերը շարունակում են մտահոգիչ մնալ։ 2010 թվականից ի վեր զինծառայողների ինքնասպանությունների վերաբերյալ տարբեր աղբյուրների տվյալները էապես տարբերվում են։
Թե ինչու են թվերը տարբերվում և ինչ ընթացք են ունեցել քրեական վարույթները՝ դիտեք տեսանյութում։
Մանրամասները կարդացեք նյութում՝ https://fip.am/50919

📉Վարչապետ Նիկոլ Փաշինյանը հայտարարել է, որ Հայաստանի պատմության ընթացքում գյուղատնտեսությունում 15% և ավելի անկումներ «տասնյակ անգամներով» են եղել։
 
«Փաստերի ստուգման հարթակը» ուսումնասիրել է վերջին 15 տարվա տվյալները։
 
🔎 Տարեկան և առաջին կիսամյակի կտրվածքով 15%-ի հասնող անկում չի արձանագրվել, իսկ եռամսյակային տվյալներում 15%-ին մոտ՝ 14.9% անկում գրանցվել է ընդամենը երկու անգամ։
 
Մանրամասները՝ Fip.am-ի հոդվածում։