Category: Hraparak.am

ԱԺ-ում մեկնարկել են 2025թ. պետբյուջեի խորհրդարանական քննարկումները։ Նիկոլ Փաշինյանը բացման խոսքում հարկ համարեց բյուջեի ճիշտ ընկալման համար քննարկումը սկսել՝ հայեցակարգային մի քանի կարգախոս-բանաձևեր վկայակոչելով, որոնք առաջարկել է 2018 թվականի հեղափոխությունից առաջ և հետո։ Այդ բանաձևերն են․ ««Հայաստանն իմ օջախն է, ժողովուրդն իմ ընտանիքն է», «Հարստացիր և հարստացրու», «Հայաստանի ապագան կախված է մեկ մարդուց և այդ մեկ մարդը դու ես», «Հայրենիքը պետությունն է, սիրում ես հայրենիքդ՝ ուժեղացրու պետությունդ», «Այստեղ պետություն, այստեղ հաց, այստեղ հայրենիք, այստեղ կաց»,- թվարկեց նա՝ նշելով, որ այս բոլոր բանաձևերը պետք է դնել իրական Հայաստանի հայեցակարգային շրջանակի մեջ։
Իսկ թե ինչ է ՀՀ պետական բյուջեն, ըստ Փաշինյանի, այն «բոլորիս, յուրաքանչյուր քաղաքացու ընտանեկան մեծ բյուջեն է»։

Էքստրասենս Սոսե Բաբայանը «Հրապարակ»-ի հետ զրույցում անդրադառնալով 1999-ի հոկտեմբերի 27-ի ոճրագործությանն ու դրա պատվիրատուներին ասում է․ «Ես հենց այս պահին գտնվում եմ Մոսկվայում և պետք է ազնվորեն ասեմ, որ Ռուսաստանից այսօրվա հետ կապված ոչ մի բացասական էներգիա չեմ զգում: Հոկտեմբերի 27-ի բացահայտմամբ ամենաշահագրգռվածը պետք է սպարապետի եղբայրը լիներ այսօր, նա շատ մոտ է Նիկոլ Փաշինյանի հետ, ինչո՞ւ Նիկոլ Փաշինյանին չի խնդրում բացահայտել այս գործը: Ես տեսնում եմ, որ ինչ-ինչ հնարավորություններ ունի Արամ Սարգսյանը, բայց թե ինչու է լռում, տարօրինակ է: Իմ կանխատեսումներով Ռուսաստանը ոչ մի կապ չունի հոկտեմբերի 27-ի հետ»:

Սանկտ Պետերբուրգում ավտոբուսը բախվել է մեքենաներին. 10 մարդ վիրավորվել է, հայտնում է «Фонтанка»-ն։
«Դատելով դեպքի տեսագրությունից՝ մի ավտոբուսի վարորդը խաչմերուկում թեքվելիս է եղել ձախ, երբ բախվել է նախ մեկ այլ ավտոբուսի, ապա՝ երկու ավտոմեքենայի»,-փոխանցում է աղբյուրը։
Տուժել է 10 մարդ, այդ թվում՝ երկու երեխա։ 7 հոգի միջին ծանրությամբ տեղափոխվել են հիվանդանոցներ, հայտնել են քաղաքային իշխանություններից:

Սկսվում է աշխարհի ամենամեծ շենքի շինարարությունը. նոր բարձրահարկը կարող է տեղավորել 20 Empire State Buildings:
50 միլիարդ դոլար արժողությամբ շենքը կոչվում է The Mukaab: Դրա կառուցումը նախատեսվում է Սաուդեան Արաբիաի մայրաքաղաք Էր-Ռիադում։ Համալիրի բարձրությունը կկազմի 396 մետր, լայնությունը՝ 365 մետր։ Նախատեսվում է տեղակայել առեւտրային հարթակներ, գրասենյակներ և ռեստորաններ, ինչպես նաև 104 հազար բնակելի տարածք և ինը հազար հյուրանոցային համար:
Ըստ սաուդյան աղբյուրների, շենքի շինարարությունը կավարտվի մինչեւ 2030 թվականը։ Շենքի արտաքին պատերը հագեցած կլինեն վիրտուալ իրականության տեխնոլոգիայով՝ լանդշաֆտներն արտացոլելու համար։ Ինտերիերը կներկայացնի հսկայական հոլոգրաֆիկ պրոյեկցիաներ, որոնք աշխատում են արհեստական ինտելեկտով:

ԵԿՄ նախագահ Սասուն Միքայելյանը կողմ է հայ-ադբեջանական սահմանազատման գործընթացին, քանի որ ստեղծված իրավիճակում այլ ելք չի տեսնում։ Այս մասին նա հայտարարեց «Եռաբլուր» զինվորական պանթեոնում՝ Հոկտեմբերի 27-ի զոհերի հիշատակի արարողության ժամանակ։
«Ես կողմ եմ սահմանազատմանը, որովհետև այսօր ոչ մի հնարավորություն չունենք ադրբեջանցու դեմ կռվելու։ 20 տարի ադրբեջանցիները ժամանակակից զենք-զինամթերք էին առնում, իսկ մեր նախորդ իշխանություններն ալան-թալանով էին զբաղվում»,-ասաց Միքայելյանը։

Վրաստանի խորհրդարանական ընտրություններում իշխող «Վրացական երազանք» կուսակցությունը քվեաթերթիկների 69,94%-ի մշակման արդյունքներով հավաքում է ձայների 52,98 %-ը, տեղեկացնում է Վրաստանի Կենտրոնական ընտրական հանձնաժողովի կայքը։
Իշխող կուսակցությունը հայտարարել է, որ Վրաստանի խորհրդարանում 150 մանդատից ստանում են մոտ 90-ը։
Վրաստանում խորհրդարանական ընտրություններին ժամը 20:00-ի դրությամբ մասնակցությունը կազմել է 58,94%, քվեարկել է 2060412 մարդ, հաղորդում է Վրաստանի Կենտրոնական ընտրական հանձնաժողովը։

Իշխող «Վրացական երազանք» կուսակցությունը քվեաթերթիկների 69,94 տոկոսի մշակման արդյունքներով խորհրդարանական ընտրություններում հավաքել է ձայների 52,98 տոկոսը: Այս մասին ասվում է Վրաստանի Կենտրոնական ընտրական հանձնաժողովի կայքում։
Վերջին տվյալներով, ընտրություններին մասնակցությունը կազմել է 58,94 տոկոս:
Հատկանշական է, որ թե՛ իշխանությունները, թե՛ ընդդիմությունը վստահ հայտարարել են իրենց հաղթանակի մասին:
Հավելենք, որ բոլոր ընտրատեղամասերն արդեն փակվել են: Ընթանում է ձայների հաշվարկը:
Հայտնի է նաև, որ Վրաստանի կառավարության շենքի բակում հատուկ ջոկատայիններ են մոբիլիզացվել։ Ավելի վաղ վարչապետ Կոբախիձեն հայտնել էր, որ ընդդիմությունն ընտրությունների ավարտից հետո մտադիր է ցույցեր կազմակերպել:

Եվրոպական Վրաստանը 52 տոկոսով հաղթում է նույնիսկ չհաշված ընտրությունները կեղծելու փորձերն ու սփյուռքի ձայները։ Վրաստանը ցույց է տվել ժողովրդավարություն, եվրոպականություն և հասունություն… Ես հպարտ եմ և վստահ մեր եվրոպական ապագայի վրա»,- X սոցիալական հարթակում գրել է Վրաստանի նախագահ Սալոմե Զուրաբիշվիլին։