Category: Infocom

🇦🇪 Հաղորդակցությունը՝ որպես անվտանգության գործիք. ԱՄԷ արձագանքը ճգնաժամին
🇮🇷🇺🇸 ԱՄՆ–Իրան ատոմային բանակցությունների ձախողման արդյունքում իրավիճակը, ինչպես կանխատեսվում էր, սրվեց փետրվարի 28-ին՝ վերածվելով ամերիկաիսրայելական համատեղ ռազմական գործողությունների Իրանի տարածքում։
⚔️ Այս հարձակմանը հաջորդեցին Իրանի կողմից հարևան այն երկրների ռմբակոծությունները, որտեղ տեղակայված են ամերիկյան ռազմաբազաները և ռազմական հենակետերը, նավատորմը։ Ռմբակոծվող երկրների շարքում է նաև Արաբական Միացյալ Էմիրությունները։
❓Ինչպիսի՞ ներքին ճգնաժամային հաղորդակցություն է վարում ԱՄԷ կառավարությունը և որո՞նք են դրանց կարճաժամկետ ազդեցությունը հանրային ընկալումների, վստահության, սոցիալական և տնտեսական կայունության տեսանկյունից։
🔗 https://infocom.am/10027870/

🇱🇧 🇮🇱 Լիբանանի հարավում երեք լիբանանցի լրագրող է զոհվել մեքենայի ուղղությամբ իսրայելական հարվածի հետևանքով:
◼️ «Ալ-Մանար» հեռուստաալիքի լրագրող Ալի Շոեյբը, նույն ԶԼՄ-ի լրագրողներ Ֆաթիման և Մոհամեդ Ֆետոնին սպանվել են Ջեզզին քաղաքում:
📌 Մարտի 28-ի դրությամբ Լիբանանում իսրայելական ավիահարվածների հետևանքով զոհվել է ավելի քան 1100 խաղաղ բնակիչ, այդ թվում՝ 120 երեխա և 42 բուժաշխատող: |azatutyun.am|

⛈ Երևանում մարտի 29-31-ին, ապրիլի 2-ի երեկոյան ժամանակ առ ժամանակ սպասվում է անձրև։ Ապրիլի 1-ին, 2-ի գիշերը սպասվում է առանց տեղումների եղանակ։
🌧 Հանրապետության տարածքում մարտի 29-31-ին, ապրիլի 2-ի ցերեկը ժամանակ առ ժամնակ շրջանների զգալի մասում սպասվում են տեղումներ. լեռնային գոտիներում՝ թաց ձյան, նախալեռնային և հովտային գոտիներում՝ անձրևի տեսքով։
🔸 Ապրիլի 1-ին, 2-ի գիշերը սպասվում է առանց տեղումների եղանակ։
[Հիդրոօդերևութաբանության և մոնիթորինգի կենտրոն]

🇮🇷 Իրանի մի շարք պետական մարմիններ, այդ թվում՝ խորհրդարանը, հրատապ կերպով քննարկում են Միջուկային զենքի չտարածման պայմանագրից (ՄԶՉՊ) դուրս գալու հարցը։
☣️ Tasnim գործակալությունը հաղորդում է, որ Իրանում վերջնականապես ամրապնդվում է այն տեսակետը, որ ՄԶՉՊ-ում մնալու համար որևէ հիմնավորում չկա։
❗️«Միջուկային զենքի չտարածման պայմանագրից դուրս գալը չի նշանակում շարժվել դեպի միջուկային զենք, այլ նպատակ ունի կանխել ԱՄՆ-ի և իսրայելական ռեժիմի կողմից լրտեսության շարունակումը՝ ԱԷՄԳ տեսուչների անվան տակ»,- նշում է գործակալությունը։

⚖️ 2025թ․ հոկտեմբերի 20-ին Գյումրու համայնքապետարանի շենքում և հարակից հրապարակում տեղի ունեցած զանգվածային անկարգությունների գործով հանրային քրեական հետապնդումներ են հարուցվել համայնքապետարանի աշխատակիցների նկատմամբ՝ նախնական համաձայնությամբ իրենց իշխանական և ծառայողական լիազորություններն անցնելու համար:
📌 Դատախազը հանրային քրեական հետապնդումներ է հարուցել նաև Գյումրու համայնքապետարանի ենթակայության տակ գտնվող մանկապարտեզների ութ տնօրենների նկատմամբ:
[ՀՀ գլխավոր դատախազություն]

🇦🇲🇶🇦 ՀՀ ԱԳ նախարար Արարատ Միրզոյանը հեռախոսազրույց է ունեցել Կատարի Պետության վարչապետ և ԱԳ նախարար Շեյխ Մուհամմադ բին Աբդ Ալ-Ռահման Ալ Թանիի հետ։
🔸 Զրուցակիցները մտքեր են փոխանակել Մերձավոր Արևելքում ստեղծված իրավիճակի շուրջ: Նախարար Միրզոյանը մտահոգություն է հայտնել իրավիճակի սրման և զարգացումների հետևանքով գրանցված զոհերի կապակցությամբ:
📌 Ընդգծվել է տարածաշրջանային կայունության և խաղաղության կարևորությունը և այդ ուղղությամբ ջանքերին ՀՀ սկզբունքային աջակցությունը:
[ՀՀ ԱԳՆ]

🇮🇷 Իրանի արևմտյան Բորուջերդ քաղաքի բնակելի թաղամասերի վրա ԱՄՆ-ի և Իսրայելի կողմից իրականացված հարձակման հետևանքով զոհերի թիվը հասել է 8-ի։ Այս մասին հայտնում է իրանական Mehr գործակալությունը։
📢 «Այս հարձակման ժամանակ բոլոր զոհվածները խաղաղ բնակիչներ էին։ Զոհերի թիվն աճում է նաև այլ քաղաքներում»,- գրել էր լրատվամիջոցը։ |armenpress.am|

🇮🇷🇦🇲 ՀՀ ԱԳ նախարար Արարատ Միրզոյանը հեռախոսազրույց է ունեցել Իրանի ԱԳ նախարար Սեյեդ Աբբաս Արաղչիի հետ:
📞 Զրուցակիցները մտքեր են փոխանակել Մերձավոր Արևելքում վերջին զարգացումների և իրավիճակի հանգուցալուծման հասնելու հնարավորությունների շուրջ:
📌 Նախարարներն անդրադարձ են կատարել հումանիտար բնույթի և բազմակողմ հարթակներում առկա հարցերի։
[ՀՀ ԱԳՆ]

🔶 Մարտի 28-ին, ժամը 14:26-ին գրացվել է երկրաշարժ Մարտունի քաղաքից 15 կմ հարավ-արևելք, օջախի 10 կմ խորությամբ 2.5 մագնիտուդով։
📈 Էպիկենտրոնային գոտում ստորգետնյա ցնցման ուժգնությունը կազմել է 3 բալ:
📍 Երկրաշարժը զգացվել է Գեղարքունիքի մարզի Մադինա գյուղում՝ 2-3 բալ ուժգնությամբ:
[ՆԳՆ փրկարար ծառայություն]