Category: Infocom

❗️Ցավով և խորը վշտով հայտնում ենք, որ կյանքից անժամանակ հեռացել է Վարդենիս համայնքի Գեղամասար բնակավայրի վարչական ղեկավար Արմեն Մակիչի Ավետյանը:
[Վարդենիսի համայնքապետարան]

🇺🇸🇷🇺 Ռուսաստանը հայտարարել է, որ երկրի արտգործնախարար Սերգեյ Լավրովը և ԱՄՆ պետքարտուղար Մարկո Ռուբիոն, որոնք պատասխանատու են նախագահներ Վլադիմիր Պուտինի և Դոնալդ Թրամփի գագաթնաժողովի նախապատրաստման համար, այսօր ունեցել են «կառուցողական» հեռախոսազրույց։
🗣 «Կառուցողական քննարկում է տեղի ունեցել՝ կապված հոկտեմբերի 16-ի հեռախոսազրույցի ընթացքում Ռուսաստանի և ԱՄՆ նախագահների միջև ձեռք բերված պայմանավորվածությունների իրագործման հնարավոր կոնկրետ քայլերի շուրջ»,- ասվում է Ռուսաստանի ԱԳՆ կարճ հաղորդագրությունում։
🔸 Հոկտեմբերի 16-ին Պուտինն ու Թրամփը համաձայնել են հանդիպել Հունգարիայի մայրաքաղաք Բուդապեշտում։

🔸 Կառավարության առջև հավաքված բեռնափոխադրողների վարորդներից կազմված 7-հոգանոց խմբին կառավարությունում ընդունեցին:
🗣 «Սպասում էինք, որ փոխվարչապետ Մհեր Գրիգորյանը մեզ կընդունի, բայց ինչ-որ վարչության ներկայացուցիչ ընդունեց, լսեց ու ասաց՝ զբաղվում ենք: Մենք մեր հարցերի պատասխանները չստացանք»,- ասացին նրանք՝ նշելով, որ «եթե մինչև ժամը 17:00-ն իրենց հստակ պատասխան չտան, ծայրահեղ քայլերի կդիմեն:
🚶 Վարորդներն ու լոգիստիկ կազմակերպությունների ներկայացուցիչները կառավարությունից շարժվեցին դեպի ՀՀ-ում ՌԴ դեսպանատուն: Պահանջը՝ նույնն է. բեռնափոխադրողները չեն կարող տեղավորվել 1 տարվա ընթացքում ՌԴ-ում 90 օր գտնվելու ժամանակահատվածում, պահանջում են չտարածել այդ օրենքն իրենց վրա: |azatutyun.am|

🎞 Հակակոռուպցիոն կոմիտեից հայտնում են, որ փաստական տվյալներ են ստացվել Գյումրի համայնքի ղեկավարի և գլխավոր ճարտարապետի կողմից կաշառք գումարներ պահանջելու և ստանալու դեպքերի վերաբերյալ: Կոմիտեն կից հրապարակել է նաև ձայնագրություն:
Ձայնագրություն ներառողեսանյութը՝ Հակակոռուպցիոն կոմիտեի