Category: Infocom

🇦🇿 Այսօր Բաքվում կայացել է այսպես կոչված «Արևմտյան Ադրբեջանի» առցանց հանրագիտարանի շնորհանդեսը։ APA գործակալության փոխանցմամբ՝ ժողովածուն կազմվել է Բաքվում գործող Ռազմավարական հաղորդակցության կենտրոնի կողմից։
📣 «Նախագծի շրջանակներում հատուկ կայք է ստեղծվել, որի ութ բաժինները տեղեկատվություն են ներառում «Արևմտյան Ադրբեջանի» աշխարհագրական պայմանների, պատմական աշխարհագրության, հնագիտության, ազգագրության վերաբերյալ։ Անդրադարձ կա քաղաքական, սոցիալ-տնտեսական, ռազմական և մշակութային պատմությանը», — տեղեկացնում է АPA գործակալությունը։
❗️ Երևանից բազմիցս հայտարարել են, որ չկա և չի կարող լինել «Արևմտյան Ադրբեջան» Հայաստանի Հանրապետության ինքնիշխան տարածքում, և այս հարցով քննարկումը բացառված է։ |azatutyun.am|

🇺🇸 2025 թվականին հայ-ամերիկյան հարաբերություններն ավելի մեծ առաջընթաց են գրանցել, քան Հայաստանի անկախացումից ի վեր որևէ այլ տարում․ ՀՀ-ում ԱՄՆ դեսպանը՝ ամանորյա ուղերձում
📣 «Հայ-ամերիկյան հարաբերությունները հասել են ռազմավարական գործընկերության մակարդակի: Նախագահ Թրամփի հետ պատմական հանդիպմանը նախանշվեց մեր համագործակցության շրջանակային տիրույթը, որը տասնամյակներ շարունակ ուղենիշ կլինի մեր ընթացքի համար: Միասին մենք աշխատում ենք տարածաշրջանում խաղաղության հաստատման շուրջ», — նշել է Քրիստինա Քվինը։
🗣 Քվինն ընդգծել է՝ մեկնարկում են նաև նոր հայ-ամերիկյան նախաձեռնություններ տեխնոլոգիաների, էներգետիկայի, կապուղիների և անվտանգության ասպարեզներում։

🥶 Հունվարի առաջին տասնօրյակում՝ հատկապես հունվարի 3-4-ն ընկած ժամանակահատվածում, մեր երկիրը հիմնականում արկտիկական ցուրտ օդային հոսանքների ազդեցության գոտում կլինի: Այս օրերի համեմատությամբ՝ օդի ջերմաստիճանը երկրի ամբողջ տարածքում կնվազի 8-10 աստիճանով: Արկտիկական ցուրտ օդային հոսանքները հանրապետությունում կմնան մինչև հունվարի 8-9-ը ներառյալ:
⛅️ Հունվարի երկրորդ և երրորդ տասնօրյակներում հիմնականում կգերակշռեն հարավ-արևմուտքից, հարավից ներթափանցող արևադարձային տաք օդային հոսանքները, ինչի արդյունքում օդի ջերմաստիճանը հունվարի երկրորդ տասնօրյակին առաջին տասնօրյակի համեմատությամբ զգալի կբարձրանա:
[Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյան] |1lurer.am|

🇺🇸🇺🇦 Դոնալդ Թրամփը և Վլադիմիր Զելենսկին հայտարարել են, որ Ֆլորիդայում կայացած բանակցությունների ընթացքում առաջընթաց է գրանցվել Ուկրաինայում պատերազմի կարգավորման գործում։ Միաժամանակ, ԱՄՆ նախագահը խոստովանել է, որ տարածքային հարցը մնում է «չլուծված»։
💬 Զելենսկին հայտնել է, որ համաձայնության են եկել խաղաղության ծրագրի 20 կետերից 90%-ի շուրջ: Թրամփը նշել է, որ Ուկրաինայի անվտանգության երաշխիքները գրեթե 95%-ով ավարտված են։ |1lurer.am|

Հայաստանը շահագրգռված է ամբողջական ապաշրջափակմամբ. ՀՀ ԱԳ նախարար Արարատ Միրզոյան
🔸 Ադրբեջանական բենզինի ձեռքբերումը, որքան հասկանում եմ, շատ շահավետ է Հայաստանի քաղաքացիների համար։ Ես տեսա, որ բոյկոտի կոչեր կան, բայց իմացա նաև, որ հերթեր կան այդ բենզինի ձեռքբերման համար»։
🔸 Եթե խաղաղություն է հաստատվել, և համագործակցություն պետք է ձևավորվի, ուրեմն՝ Հայաստանի տարածքով պիտի անցնեն թե՛ ադրբեջանցիները, թե՛ Թուրքիայի բեռները, նաև Հայաստանից պետք է Ադրբեջանի տարածքով անցնենք, և՛ Հայաստանը պետք է իրենցից ապրանք գնի, և՛ իրենք պետք է Հայաստանից ապրանք գնեն։
[Միրզոյանը՝ Հանրային ՀԸ-ին տված հարցազրույցին] |civilnet.am|

❗️Դեկտեմբերի 28-ին Գյումրի–Ազատան ավտոճանապարհին տեղի է ունեցել ՃՏՊ. կա երեք զոհ և երկու տուժած։

📌 Պարզվել է, որ Գյումրի-Ազատան ավտոճանապարհի 1-ին կմ-ին բախվել են «Mercedes-Benz» և «Lada» մակնիշների ավտոմեքենաները․ «Mercedes-Benz» մակնիշի ավտոմեքենայից դուրս հայտաբերվել է ուղևորի դին։
🔸 «Mercedes-Benz» մակնիշի ավտոմեքենայի վարորդը հոսպիտալացվել է բժշկական կենտրոն։
📌 Փրկարարները «Lada» մակնիշի ավտոմեքենայից դուրս են բերել ուղևորին և մոտեցրել շտապօգնությանը․ տուժածը հոսպիտալացվել է բժշկական կենտրոն։
[ՆԳՆ փրկարար ծառայություն]

❗️91 տարեկանում մահացել է կինոյի և երաժշտության լեգենդ Բրիժիտ Բարդոն։

📌 Նշվում է, որ նա այս տարի հոսպիտալացվել էր նախ սեպտեմբեր ամսին, ապա նաև՝ նոյեմբերի վերջին՝  շնչառական անբավարարության պատճառով։
🔸 Գրեթե 20-ամյա կարիերայի ընթացքում Բարդոն նկարահանվել է ավելի քան 50 ֆիլմերում և կատարել ավելի քան 70 երգ։ |factor.am|

❗️Դեկտեմբերի 27-ին, հանրապետությունում տեղի է ունեցել ճանապարհատրանսպորտային 237 պատահար, որոնց հետևանքով զոհեր չկան։
📌 Նշված պատահարների մասնակից 471 տրանսպորտային միջոցների ստուգմամբ ընդամենը 5-ի անվադողերն են եղել ամառային, իսկ 1-ինը՝ համասեզոնային։
🔸 Միայն մեկ օրում՝ դեկտեմբերի 27-ին, պարեկները հանրապետությունում ստուգել են 1240 տրանսպորտային միջոցների անվադողեր, 129-ի նկատմամբ կազմվել են վարչական իրավախախտման վերաբերյալ արձանագրություն։
[ՆԳՆ մամուլի ծառայություն]