Category: Infocom

🌌 𝗦𝗧𝗔𝗥𝗟𝗜𝗡𝗞-ը պաշտոնապես Հայաստանում է։
🗣 𝗦𝗧𝗔𝗥𝗟𝗜𝗡𝗞-ի ծառայությունները Հայաստանում արդեն հասանելի են՝ ապահովելով արագ, հուսալի արբանյակային ինտերնետ՝ քաղաքներից մինչև ամենահեռավոր գյուղերն ու դժվարամատչելի շրջանները։ Հաջորդ սերնդի ինտերնետն արդեն Հայաստանում է:
[ԲՏԱ նախարար Մխիթար Հայրապետյան]

⚽️  ՀՖՖ Գործադիր կոմիտեն իր միաձայն աջակցությունը հայտնեց ՀՖՖ նախագահ Արմեն Մելիքբեկյանի թեկնածությանը ՈւԵՖԱ Գործադիր կոմիտեի անդամի առաջիկա ընտրություններում: 
🔸 ՀՖՖ Գործադիր կոմիտեի այսօրվա նիստում Գործկոմի անդամների քվեարկության արդյունքում ՀՖՖ Գործադիր կոﬕտեի անդամի թափուր պաշտոնը կզբաղեցնի «Նոա» ֆուտբոլային ակումբի զարգացման տնօրեն Աննա Օհանյանը:

📢 Լրագրողական կազմակերպությունների համատեղ հայտարարությունը ԱԺ-ում ՊՊԾ աշխատակիցների անհամաչափ գործողությունների առնչությամբ.
🗣 «Պետական օբյեկտների պահպանության քողի ներքո անթույլատրելի են լրագրողական օրինական գործունեության խոչընդոտումները, ուժի անհիմն կիրառումը և խոսքի ազատության սահմանափակումը։ Պահանջում ենք․
🔸Ազգային ժողովի ղեկավարությունից՝ քննարկել և բացահայտել, թե ինչպես են հնարավոր դարձել այս և անցյալում անվտանգության ծառայողների մասնակցությամբ նմանատիպ միջադեպերը, քայլեր ձեռնարկել դրանք ապագայում բացառելու ուղղությամբ,
🔸 ՊՊԾ-ից՝ ծառայողական քննություն անցկացնել մարտի 26-ի միջադեպի վերաբերյալ, պատասխանատվության ենթարկել իրենց լիազորությունները չարաշահած ծառայողներին և վերանայել նրանց գործելակերպը ԶԼՄ-ների ներկայացուցիչների հետ հարաբերվելիս»։

📝 ՀՀ վարչապետը որոշում է ստորագրել, համաձայն որի՝ Նարեկ Մանուկյանը ապրիլի 1-ից կազատվի ՏԿԵ փոխնախարարի պաշտոնից:

🇦🇲🇰🇿 Արարատ Միրզոյանն ու Ղազախստանի նախագահ Կասիմ-Ժոմարտ Տոկաևը մտքեր են փոխանակել երկու երկրների միջև ռազմավարական բնույթի գործընկերության զարգացման և փոխադարձ հետաքրքրություն ներկայացնող ոլորտներում համագործակցության հետագա ընդլայնման ուղղությամբ իրականացվող աշխատանքներին։
📌 Կարևորվել է տնտեսական, առևտրի, տրանսպորտի, նորարարությունների, կրթության ոլորտներում համատեղ նախաձեռնությունների իրականացումը։
🗣 Նախարար Միրզոյանը բարձր է գնահատել Ղազախստանի դիրքորոշումը Հայաստանի և Ադրբեջանի միջև հարաբերությունների կարգավորման գործընթացի առաջմղման, մասնավորապես՝ խաղաղության պայմանագրի ստորագրման հարցում։
[ՀՀ ԱԳՆ]

💸 Հօգուտ ՀՀ-ի՝ որպես պետությանը պատճառված վնասի հատուցում, կբռնագանձվի 134 միլիոն 64 հազար դրամ:
🔸Հակակոռուպցիոն դատարանը 2025 թվականի մարտի 21-ի վճռով բավարարվել է Գլխավոր դատախազության հայցադիմումը։
[Գլխավոր դատախազություն]

❗️ Պատգամավորներ Հովիկ Աղազարյանն ու Տարոն Մարգարյանը զրկվեցին անձեռնմխելիությունից։
🗳 Քվեարկության արդյունքները հետևյալն են՝ Տարոն Մարգարյան – 67 կողմ, 0 դեմ, Հովիկ Աղազարյան – 65 կողմ, 2 դեմ։

💰🔍 Կաշառք տալու և ստանալու ենթադրյալ դեպքով խուզարկություն է իրականացվել Վարդենիսի համայնքապետ Ահարոն Խաչատրյանի տանը և համայնքապետարանում, կան կալանավորվածներ։
🗣 Տեղեկությունը Factor TV-ի հետ զրույցում հաստատել է Հակակոռուպցիոն կոմիտեի մամուլի քարտուղար Մարինա Օհանջանյանը՝ նշելով, որ գործողությունները կատարվել են Կոմիտեում քննվող քրգործի շրջանակներում։