Category: Infocom

🇺🇸 Միացյալ Նահանգները Սիրիայում սկսել է «Բազեի հարված» (Hawk Strike) անվանումը կրող ռազմական գործողությունը՝ ամերիկացի զինծառայողների և նրանց թարգմանչի սպանությունից հետո։
🗣 «Սա պատերազմի սկիզբ չէ, սա վրեժխնդրության հռչակագիր է։ ԱՄՆ-ը, նախագահ Դոնալդ Թրամփի ղեկավարությամբ, երբեք չի տատանվի և չի նահանջի մեր ժողովրդի պաշտպանության հարցում։ Այս հարվածը պատասխան է ամերիկացի զինծառայողների և թարգմանչի սպանությանը»,- այս մասին X սոցիալական ցանցում գրել է ԱՄՆ պաշտպանության նախարար Փիթ Հեգսեթը։
📌 Ներկայումս հայտնի է, որ հարվածներ են հասցվել Կենտրոնական Սիրիայի մի շարք շրջաններում՝ ուղղված «Իսլամական պետություն» (ISIS) խմբավորման տասնյակ ենթադրյալ օբյեկտների դեմ։ |armenpress.am|

❗️ Երևանի ավագանու նախկին անդամ Էդգար Զաքարյանի ընկերությունը նրա պաշտոնավարման ընթացքում քաղաքապետարանի հետ ավելի քան 32 մլն դրամի պայմանագրեր է կնքել։
☝ Նրա ընկերությունը մասնակցել է քաղաքապետարանի 27 մրցույթի՝ հաղթելով դրանցից 7-ում։

🗣 Վլադիմիր Պուտինը հայտարարել է, թե Ուկրաինան «հրաժարվում է խաղաղ ճանապարհով վերջ դնել հակամարտությանը», սակայն Կիևից «կան ազդանշաններ» երկխոսության որոշակի
«պատրաստակամության» մասին, փոխանցում է «Ազատությունը»:
🇷🇺 🇺🇦 Պուտինը հավելել է, որ Ռուսաստանը հաջողություններ է արձանագրում ռազմադաշտում և պատրաստ է խաղաղություն կնքել՝ անցյալ տարի հնչեցրած պայմաններով: ՌԴ նախագահն ասել է, թե այժմ «գնդակը Կիևի և նրա եվրոպացի հովանավորների դաշտում է»:
🔸ՌԴ ԱԳ նախարար Սերգեյ Լավրովն էլ այսօր հայտարարել է, որ Պուտինը բաց է Ֆրանսիայի հետ երկխոսության համար, եթե ֆրանսիական կողմն իսկապես պատրաստ է խոսելու և պահպանելու պարկեշտության տարրական չափանիշները, գրում է «Արմենպրեսը»։

🇦🇿 Բաքվի ռազմական դատարանում ավարտին է մոտենում Արցախի նախկին ղեկավարների դատավարությունը։
📣 Այսօր նրանք սկսել են հանդես գալ եզրափակիչ խոսքով։ Ադրբեջանական APA-ի տեղեկացմամբ՝ առաջինը եզրափակիչ ելույթով հանդես է եկել Արցախի նախկին նախագահ Արայիկ Հարությունյանը։
‼️ Բաքվում հայ ռազմաքաղաքական ղեկավարության դատական նիստերը լուսաբանում են միայն ադրբեջանական լրատվամիջոցները։ Նիստերի ժամանակ տեղի ունեցողի, հայ բանտարկյալների ցուցմունքների իսկությունը հավաստի եւ ոչ ադրբեջանական աղբյուրներում ստուգելու հնարավորություն առկա չէ։

🚙 Դեկտեմբերի 22-ից կարգելվի մեքենաների կանգառը Պուշկինի փողոցում՝ Պուշկինի — Սարյան փողոցների խաչմերուկից մինչև Պուշկինի փողոց – Մաշտոցի պողոտա խաչմերուկ երթևեկելի մասի ձախ կողմում։
[Երևանի քաղաքապետարան]

📣 Իրական տեղեկություն չունենք Ռուբեն Վարդանյանի առողջական վիճակի վերաբերյալ․ Ռուբեն Վարդանյանի տիկին Վերոնիկա Զոնաբենդ
🗣 «Նրա առողջական վիճակի մասին կարող ենք դատել միայն նրա ձայնով։ Ռուբենին, բարեբախտաբար, դեռ թույլ են տալիս զանգահարել շաբաթը մեկ անգամ, երբեմն երկու անգամ՝ 10 րոպեով։ Այս ողջ ընթացքում, բացառությամբ միայն մի քանի շաբաթների, Ռուբենը պահվել է մենախցում։ Նա գրեթե ամբողջությամբ մեկուսացված է, ինտերնետից օգտվելու հնարավորություն չունի։ Արտաքին աշխարհի հետ նրա միակ կապը նրա ընկերների եւ այն մարդկանց նամակներն են, ովքեր ցանկանում են նրան զորակցել», — ասել է Վերոնիկա Զոնաբենդը։
📌 Վերոնիկա Զոնաբենդի հետ «Մեդիամաքս»-ի հարցազրույցը կայացել է նախքան դեկտեմբերի 18-ը, երբ Բաքվում պետական մեղադրողը Ռուբեն Վարդանյանի համար ցմահ ազատազրկում է պահանջել։

🚗 Երևանի Մամիկոնյանց փողոցում «Opel» մակնիշի ավտոմեքենայում տեղի է ունեցել պայթյուն՝ հրդեհի բռնկմամբ․ կա մեկ տուժած․ վերջինս հոսպիտալացվել է բժշկական կենտրոն։
🧑‍🚒 Հրդեհը մեկուսացվել է ժամը 13։49-ին, մարվել՝ 13։58-ին։
[Փրկարար ծառայություն]

🇺🇸🚫 Դոնալդ Թրամփի հանձնարարությամբ կասեցվել է «գրին քարտի» խաղարկության ծրագիրը:
💬 ԱՄՆ ներքին անվտանգության նախարար Քրիստի Նոեմը հայտարարել է, որ այս ծրագիրն է թույլ տվել Բրաունի համալսարանում հրաձգության մեջ կասկածվողին մուտք գործել ԱՄՆ. «Այս սարսափելի անձին երբեք չպետք է թույլատրվեր մուտք գործել մեր երկիր»:
📌 2025թ. «գրին քարտի» խաղարկությանը դիմել է մոտ 20 միլիոն մարդ, որից ընտրվել է 130 հազարը։ Հաղթելուց հետո, սակայն, նրանք դեռ պետք է անցնեն մանրակրկիտ ստուգում՝ ԱՄՆ մուտք գործելու թույլտվություն ստանալու համար։ |azatutyun.am|