Category: Infocom

📌 Փաշինյանի գլխավորությամբ տեղի է ունեցել Անվտանգության խորհրդի հերթական նիստը:
🔸 Նիստին, բացի ԱԽ անդամներից, մասնակցել են նաև Հանրապետության նախագահ Վահագն Խաչատուրյանը և ԱԺ նախագահ Ալեն Սիմոնյանը:
🔸 Նիստի ընթացքում քննարկվել են Անվտանգության խորհրդի իրավասությանը վերաբերող հարցեր:
[ՀՀ ԱԽ]

🇦🇲🇬🇪 Վաղը պաշտոնական այցով Հայաստան կժամանի Վրաստանի արտաքին գործերի նախարար Մակա Բոճորիշվիլին:
[ՀՀ ԱԳՆ]

⚖️ Հակակոռուպցիոն դատարանը Մամիկոն Ասլանյանին մեղավոր է ճանաչել պաշտոնեական լիազորությունները չարաշահելու և պաշտոնեական կեղծիք կատարելու մեջ։
👨‍⚖️ Ասլանյանը դատապարտվել է 4 տարի 4 ամիս ազատազրկման, սակայն հաշվի առնելով նրա կալանքի տակ գտնված ժամկետը՝ ազատազրկման վերջնական ժամկետը սահմանվել է 1 տարի 9 ամիս։ Բացի այդ՝ նրան տուգանք է սահմանվել 500 հազար դրամի չափով, ինչպես նաև 3 տարի ժամկետով արգելվել է որևէ պաշտոն զբաղեցնել։ Ըստ մեղադրանքի՝ Վանաձորի նախկին քաղաքապետը պաշտոնավարման տարիներին կեղծ փաստաթղթեր կազմելու միջոցով հողեր է օտարել, ինչը դիտարկվել է որպես ապօրինի գործարք։
📌 Որոշումը բողոքարկվելու է:|armenpress.am|

«Ինֆոքոմը» հետազոտություն է իրականացնում Երևանի մանկապարտեզների ծանրաբեռնվածության, այդ տարիքի երեխա ունեցող ընտանիքների վրա դրա ազդեցության վերաբերյալ։
4-5 րոպե տրամադրելով՝ դուք կօգնեք հավաստի տվյալներ ունենալ մանկապարտեզներում առկա իրավիճակի՝ հերթերի, հերթագրման գործընթացի կազմակերպման և ձեր նախապատվությունների մասին։
✔️ Հարցումն անանուն է։
Շնորհակալություն 💚
https://forms.gle/b6HyAXMZVVxUfTnw9

Տրանսպորտի սակագնի թանկացման դեմ բոյկոտը կշարունակվի. պահանջն է՝ գինը թողնել 100 դրամ։
📢 «Մայր Հայաստան» շարժման ղեկավար Անդրանիկ Թևանյանը ֆեյսբուքյան իր էջում տեսանյութ է հրապարակել, որտեղ անդրադառնում է քաղաքապետարանի վերջին որոշմանը։ Թևանյանի խոսքով՝ իրենց ճնշումները տալիս են արդյունք, սակայն անհրաժեշտություն կա բոյկոտը շարունակելու, որպեսզի մեկ ուղևորության արժեքը լինի 100 դրամ։

📌 Երևանի նախկին քաղաքապետ Հայկ Մարությանն էլ իր էջում հրապարակած տեսանյութում նշում է, որ քաղաքապետարանի այս որոշումը նշանակում է, որ ժողովրդի ճնշման ներքո իշխանությունները հետքայլ են անում։
🗣 «Բայց եկեք չմոռանանք, թե ինչից էր ամեն ինչ սկսվել։ Իսկ սկսվեց նրանից, որ նրանք հայտարարեցին, որ 1 ուղևորության դիմաց՝ 300 դրամ։ Իսկ հիմա հայտարարում են 150 դրամ։ Սա նշանակում է, որ նրանք բացարձակ ոչ մի հաշվարկ չունեն, ոչ մի թիվ չկա դրված նրանց յուրաքանչյուր որոշման տակ։ Հիշեցնում եմ, որ ժողովրդի պահանջը 150 դրամը չէր, այլ 100 դրամը, փետրվարի 1-ից բոյկոտը մնում է ուժի մեջ» ,-հայտարարել է Հայկ Մարությանը։

❗️150 դրամ՝ մեկ ուղևորության համար, և անսահմանափակ փաթեթների երկարացում։
🗣 Որոշել ենք փետրվարի մեկից ներդնել նոր ուղևորատոմս՝ մեկ ուղևորության արժեքը սահմանելով 150 դրամ։ Այս փոփոխությունը գործելու է ամբողջ 2025 թվականին։
🔸 Մենք նախատեսում ենք նաև հունվար և փետրվար ամիսներին ձեռք բերված անսահմանափակ փաթեթների ժամկետները երկարաձգել ևս մեկ ամսով, սա նշանակում է, որ եթե դուք գնել եք մեկ ամսվա փաթեթ, ապա ստանում եք հավելյալ մեկ ամիս։
[Տիգրան Ավինյան]

Բանակը պետական արժեք է, ինձ համար առաջինը ՀՀ-ն է, պետականությունը, անկախությունը և այդ պետականության ողնաշարը՝ բանակը, ԶՈՒ-ն, իսկ բանակը և ԶՈՒ-ն մարդիկ են․ Նիկոլ Փաշինյան
🗣 «Մենք պետք է շատ հստակ հայտարարենք, որ որդեգրում ենք հայրենասիրության այն մոդելը, որը մեր բանակին, մեր զինվորին առաջարկում է շատ կոնկրետ խնդիր՝ պահպանել և պաշտպանել միջազգայնորեն ճանաչված մեր սահմանների, մեր տարածքների անվտանգությունը:
🔸 ՀՀ ԶՈՒ առաջ Կառավարությունը, հանրությունը, պետությունը պետք է դնի միայն ու միայն միջազգայնորեն ճանաչված տարածքների պաշտպանության և անվտանգության խնդիր: Եվ այս հենքի վրա, այո՛, մենք իրականացնում ենք բանակի խորքային բարեփոխումներ, և այս հենքի վրա մենք ունենալու ենք ուժեղ, պաշտպանունակ բանակ: Այս պարագայում որևէ մեկը չի կարողանալու կասկածի տակ դնել պաշտպանունակ բանակ ունենալու մեր իրավունքը, որևէ մեկը կասկածի տակ չի կարող դնել բարեկեցիկ զինվորական ունենալու մեր իրավունքը, որևէ մեկը կասկածի տակ չի կարող դնել ուժեղ պետություն, բարեկեցիկ և զարգացած պետություն ունենալու մեր իրավունքը»,- հայտարարել է Փաշինյանը՝ ՀՀ ԶՈՒ կազմավորման 33-րդ տարեդարձի առիթով կազմակերպված միջոցառումից հետո կայացած նիստում։

🇦🇿🇦🇲 Ադրբեջանի նախագահ Իլհամ Ալիևը հրապարակավ անդրադարձել է Հայաստանի կառավարության առաջ քաշած «Խաղաղության խաչմերուկ» տարածաշրջանային նախաձեռնությանը և հայտարարել է, թե այն առանց Ադրբեջանի «գրոշի արժեք չունի և դրա մասին տարբեր խողովակներով հայկական կողմին բազմիցս փոխանցել են»․ «Եթե ​​Հայաստանը իսկապես ցանկանում է իրականացնել այդ նախագիծը, ապա նախ պետք է դիմի Ադրբեջանին, քանի որ առանց մեզ դա ընդամենը թղթի կտոր է»,- տրանսպորտի հարցերին նվիրված խորհրդակցության ժամանակ հայտարարել է Ալիևը։ 
🗣 Ադրբեջանի նախագահը կրկին խոսել է նաև, այսպես կոչված, «Զանգեզուրի միջանցքի» մասին՝ հայտարարելով, թե «Հայաստանը պետք է ապահովի Ադրբեջանի և Նախիջևանի միջև անարգել կապ՝ առանց որևէ ստուգման և խոչընդոտի»․ «Մենք չենք մոռացել և չենք մոռանա Զանգեզուրը։ Նորից եմ ասում՝ մենք տարածքային պահանջ չունենք Հայաստանից, սակայն Հայաստանը պետք է կատարի իր պարտավորությունները՝ ապահովելով Ադրբեջանից Ադրբեջան [նկատի ունի՝ Նախիջևան-խմբ․] անարգել անցում»։