Category: Infocom

🇧🇾🇺🇸🇺🇦 Բելառուսի նախագահ Ալեքսանդր Լուկաշենկոն ներում է շնորհել Ուկրաինայի 31 քաղաքացու, տեղի է ունենում նրանց փոխանցումն ուկրաինական կողմին: Այդ մասին հայտարարել է Բելառուսի նախագահի մամուլի քարտուղար Նատալյա Էյսմոնտը:
🗣 «ԱՄՆ նախագահ Դոնալդ Թրամփի և Բելառուսի նախագահ Ալեքսանդր Լուկաշենկոյի միջև ձեռք բերված պայմանավորվածությունների համաձայն՝ ուկրաինական կողմի խնդրանքով՝ նախագահը ներում է շնորհել Ուկրաինայի 31 քաղաքացու, որոնք քրեական հանցագործություններ են կատարել մեր երկրի տարածքում»,- նշել է պաշտոնյան: |1lurer.am|

❗️Արցախի նախկին պետնախարար Ռուբեն Վարդանյանի շինծու գործերով հերթական դատական նիստն է կայացել Բաքվի զինվորական դատարանում, որը նախագահել է դատավոր Զեյնալ Աղաևը։
📌 Ադրբեջանական լրատվամիջոցները հաղորդմամբ՝  նիստին լսվել են, այսպես կոչված, «տուժողների» ցուցմունքները։ Հաջորդ դատական նիստը նշանակվել է նոյեմբերի 24-ին։ |factor.am|
Հիշեցնենք, որ Բաքվում հայ ռազմաքաղաքական ղեկավարության դատական նիստերը լուսաբանում են միայն ադրբեջանական լրատվամիջոցները։ Նիստերի ժամանակ տեղի ունեցողի, հայ բանտարկյալների ցուցմունքների իսկությունը հավաստի եւ ոչ ադրբեջանական աղբյուրներում ստուգելու հնարավորություն առկա չէ։

❗️ՀՀ վարչապետ Նիկոլ Փաշինյանը և պետական մարմինների բարձրաստիճան պաշտոնյաներ ժամանել են Կ. Դեմիրճյանի անվան մարզահամերգային համալիր, որտեղ համաժողով է անցկացվում պետական մարմինների ներկայացուցիչների հետ։

❗️Կանխվել է Իրանից մաքսանենգ ճանապարհով դեպի ՀՀ տարածք առանձնապես խոշոր չափերի թմրամիջոցներ տեղափոխելու դեպք․ ԱԱԾ
📌 ՀՀ քաղաքացիներ Ա.Մ-ն և Ս.Ս-ն, ԻԻՀ քաղաքացու հետ նախնական համաձայնությամբ նոյեմբերի 10-ին Իրանից մաքսանենգ ճանապարհով՝ իրացնելու նպատակով, ՀՀ են ներկրել առանձնապես խոշոր չափերի թմրամիջոցների խմբաքանակ։ Հանցավոր խմբի անդամները հայ-իրանական պետական սահմանի սահմանային գոտում, ԻԻՀ քաղաքացուց ստանալով թմրամիջոցի նշված խմբաքանակը, այն փորձել են տեղափոխել ք.Երևան, սակայն ձերբակալվել են ԱԱԾ աշխատակիցների կողմից։
🔸 ՀՀ քննչական կոմիտեի Սյունիքի մարզային քննչական վարչության կողմից նախաձեռնվել է քրեական վարույթ, Ա.Մ-ի ավտոմեքենայում կատարված խուզարկության արդյունքում հայտնաբերվել է 26 կիլոգրամ թմրամիջոց (4,690 կգ. «Մեթամֆետամին» և 20,842 կգ. «Մարիխուանա»)։ Նշված ՀՀ 2 քաղաքացիների նկատմամբ հարուցվել է հանրային քրեական հետապնդում։ Ա.Մ-ի և Ս.Ս-ի նկատմամբ որպես խափանման միջոց կիրառվել է կալանքը։
🔗 Կարդալ ավելին

❗️ՀՀ գլխավոր դատախազությունից հայտնում են, որ Գավառ համայնքին պատկանող հողամասերը ապօրինի օտարելու համար, դատախազը հանրային քրեական հետապնդում է հարուցել 13 անձի նկատմամբ, այդ թվում՝ Գավառի նախկին համայնքապետի, նույն ժամանակաշրջանում պաշտոնավարած ավագանու 10 անդամների, համայնքապետարանի իրավաբանի, ինչպես նաև ՍՊ ընկերության տնօրենի նկատմամբ։
🗣 «Գեղարքունիքի մարզի Գավառ համայնքի սեփականության իրավունքն է վերականգնվել 434 միլիոն 700 հազար դրամ շուկայականին մոտարկված կադաստրային արժեքով 35 հա և 69 միլիոն 727 հազար դրամ շուկայականին մոտարկված կադաստրային արժեքով 5.6 հա մակերեսներով հողամասերի նկատմամբ: [….] Մեղադրյալների կողմից ամբողջությամբ վերականգնվել է համայնքին պատճառված վնասը՝ 3 միլիոն 964 հազար դրամը:
🔸 Դատախազի կողմից որոշում է կայացվել մեղադրյալների նկատմամբ հարուցված հանրային քրեական հետապնդումը դադարեցնելու մասին՝ վաղեմության ժամկետներն անցած լինելու հիմքով»,- ասված է հաղորդագրությունում։

❗️ ՀԷՑ-ի մասնաճյուղերից մեկի տեսուչն իր սպասարկման տարածքում գտնվող մի քանի փողոցների լուսավորության սպառած էլ․ էներգիայի ծախսը հաշվող սարքի իրական ցուցմունքների փոխարեն ներկայացրել է կեղծ՝ հավելագրված ծախս։
📌 Արդյունքում Գ.Խ.-ն համայնքապետարանին պատճառել է խոշոր չափերով՝ 1 մլն 102 հզր 288 ՀՀ դրամի գույքային վնաս:
⚖️ Նախաձեռնված քրեական վարույթի շրջանակում նրա նկատմամբ հարուցվել է հանրային քրեական հետապնդում՝ ՔՕ 255-րդ հոդվածի 2-րդ մասի 3-րդ կետով (խոշոր չափերով խարդախությունը): Գ.Խ.-ն ձերբակալվել է:
[Քննչական կոմիտե]

🚘 Նոյեմբերի 23-ից Շիրակի փողոցում՝ Արշակունյաց պողոտայից եկող ուղղությամբ նախկին «ուղիղ և աջ» և «ուղիղ և ձախ» թույլատրված երթևեկության փոխարեն կթույլատրվի «ուղիղ և աջ», «ուղիղ» և «միայն ձախ» ուղղություններով:
🚫 Ինչպես նաև Շիրակի փողոցի երկու կողմերում՝ Շիրակ — Արարատյան փողոցների խաչմերուկ ուղղությամբ կարգելվի մեքենաների կանգառը:
[Երևանի քաղաքապետարան]