Category: Infocom

🇺🇸 ԱՄՆ-ում ավարտվել է երկրի պատմության ամենաերկար՝ 43 օր տևած շաթդաունը:
✍️ ԱՄՆ նախագահ Դոնալդ Թրամփը ստորագրել է դաշնային կառավարության աշխատանքի ֆինանսավորումը մինչև հունվարի 30-ը ներառյալ երկարաձգելու մասին օրենքը: Փաստաթղթին աջակցել են Կոնգրեսի երկու պալատները։
👥 Հանրապետականների և դեմոկրատների միջև դաշնային բյուջեի հարցով տարաձայնությունների պատճառով մոտ 750 հազար դաշնային ծառայող ուղարկվել էր հարկադիր պարապուրդի և աշխատավարձ չէր ստացել: Բացառություն էր արվել միայն կենսապահովման կառույցների՝ ավիակարգավարական ծառայության, ոստիկանության, սահմանապահ պահպանության և շտապ բուժօգնության համար։ |1lurer.am|

❗«Իմնեմնիմի» պոդքասթի վարող Նարեկ Սամսոնյանին ձերբակալել են եւ տեղափոխել քննչական։
🔸 Այս մասին հաղորդում է նրա պաշտպան Ռուբեն Մելիքյանը՝ հավելելով, որ նույնը հավանաբար տեղի է ունեցել պոդքասթի մյուս վարող Վազգեն Սաղաթելյանի հետ.
📌 «Կարված հոդվածը՝ հին ու բարի խուլիգանություն»,- գրել է Մելիքյանը։
🔸 Վաղ առավոտյան Վազգեն Սաղաթելյանը ֆեյսբուքյան իր էջում գրել է, որ դիմակավորված անձինք մտնում են իրենց տուն։ Մելիքյանն էլ իր պաշտպանյալ Նարեկ Սամսոնյանի բնակարանի մոտից հաղորդել է, որ խոչընդոտում են իր փաստաբանական գործունեությանը՝ թույլ չտալով մասնակցել քննչական գործողություններին՝ դուռը չբացելով իր առաջ։

«Ինֆոքոմը» Ժողովրդավարության և անվտանգության տարածաշրջանային կենտրոնի ղեկավար Տիգրան Գրիգորյանի հետ սկսել է փոդքաստների նոր շարք, որի շրջանակում միջազգային և հայաստանյան լավագույն փորձագետների հետ անդրադարձ կկատարվի Հայաստանի ներքին և արտաքին քաղաքականությանը, դրան առնչվող զարգացումներին և միտումներին։
Առաջին թողարկման հյուրը գերմանացի փորձագետ Շտեֆան Մայստերն է։
Քննարկվում են Հայաստանի ներքին և արտաքին քաղաքականությանն առնչվող հարցեր, Վրաստանում և Մոլդովայում տեղի ունեցող գործընթացները և դասերը Հայաստանի համար, Ռուսաստանի հիբրիդային ներազդեցության փորձերը և դրա դեմ պայքարի ընդունելի մեթոդները։ Անդրադարձ է կատարվում նաև Հայաստան-ԵՄ հարաբերությունների խորացման հեռանկարներին և եվրոպական անվտանգության լանդշաֆտի փոփոխությանը։
Շտեֆան Մայստեր. Երկու կողմերն էլ գիտեն, որ Հայաստանի ԵՄ անդամակցությունը մոտ ապագայում իրատեսական չէ

⚖️ 44-օրյա պատերազմի ժամանակ Մատաղիսի զորամասի հրամանատար Սեւակ Աբրահամյանի գործի քննությունը սկսվել է նորից։ Երեւանի քրեական դատարանում, դատավոր Հ․ Մանուկյանի նախագահությամբ, այսօր նախնական դատալսումներն էին։
👮🏻‍♂️Աբրահամյանն այն սպան է, որին, ըստ էության, մեղադրում են Մատաղիս եւ Թալիշ գյուղերի կորստի մեջ։ Ըստ մեղադրանքի՝ տեղեկություններ ունենալու պայմաններում նա անձնակազմին մարտական պատրաստականության աստիճանի չի բերել, փոխարենը սեպտեմբերի 26-ին շուրջ 100 սպաների մասնակցությամբ զորամասի կազմավորմանը նվիրված խնջույք է անցկացրել։
🗣Նրա պաշպան Արման Թամրազյանը հարց բարձրացրեց՝ նախորդիվ հարցաքննված վկաներին դարձյալ դատակոչելո՞ւ են, տեղեկացրեց՝ նրանց հարցաքննությունները նախորդ դատարանում տեւել են 2, 3, անգամ 4 նիստ։
📎 Կարդալ ավելին

📣 Կան կարծիքներ, որ պետք է զորահանդես իրականացնել, կան կարծիքներ, որ պետք չէ, բայց անկեղծ ասած մենք կենտրոնացած ենք խաղաղության և խաղաղության օրակարգի վրա․ Նիկոլ Փաշինյան
📌 Փաշինյանի խոսքով՝ նաև Ադրբեջանում տեղի ունեցած զորահանդեսից հետո Հայաստանում ակտիվացել են այդ թեմաները։
🗣 «Բայց նաև մենք հասկանում ենք, որ մեր հանրությունը պետք է տեղեկացված լինի։ Կարծում եմ՝ եթե մենք նոյեմբերին կամ դեկտեմբերին զորահանդես կազմակերպեինք, կարծում եմ՝ շատ տպավորիչ կլիներ»։
📃 Փաշինյանը նշեց, որ քաղաքացիները կարող են դիմել և որոշակի ստուգումներից հետո ծանոթանալ բանակի սպառազինությանը և տեխնիկային։

📣 Անախորժ իրավիճակ էր առաջացել, և մեր ընդդիմադիր մամուլն անմիջապես վերնագրերը դրեց. «Ո՞ւմ պատճառով տեղի ունեցավ այս խոչընդոտը»։ Այս մասին ԱԺ-ում ելույթի ժամանակ ասաց Անդրանիկ Քոչարյանը՝ անդրադառնալով ԱԺ-ում տեղի ունեցածին։
📌 Հիշեցնենք, որ Ազգային ժողովի նիստը 20 րոպեով ընդմիջվել էր։ Զեկույցով պետք է հանդես գար պաշտպանության հանձնաժողովի նախագահ Անդրանիկ Քոչարյանը, որը, սակայն, դահլիճում չէր։ Լրատվամիջոցները տեսանյութեր էին տարածել, որտեղ երևում էր, որ Քոչարյանը ուշացումից հետո մոտենում է Նիկոլ Փաշինյանին։ Լրատվամիջոցների փոխանցմամբ՝ Փաշինյանը չի մասնակցում նիստին։
🗣 «Ենթադրում եմ, որ իմ պատճառով է եղել [անախորժ իրավիճակը], որի համար ներողություն եմ խնդրում թե՛ կառավարությունից, թե՛ մեր գործընկերներից։ Բայց միաժամանակ ուզում եմ նշել՝ արժի, որ մեր քարտուղարությունն ավելի ուշադիր լինի, որ եթե ելույթ ունեցողից հետո անմիջապես ես պետք է ելույթ ունենամ, գոնե պետք է զգուշացնեին, որ դահլիճը չլքեի։ Այստեղ ես ընդունում եմ իմ մեղքը, բայց նաև նշում եմ, որ դուք թերացել եք», — նշեց Քոչարյանը։

⚖️ Սոնա Մնացականյանի գործով մեղադրյալը դատավճիռը օրինական ուժի մեջ չմտած պայմաններում շարունակում է մնալ ազատության մեջ և անգամ աշխատում է նույն համակարգում․ փաստաբան
🗣 Գործով օգոստոսի 18-ի դատավճիռն առ այսօր չի փոխանցվել կողմերին։ Փաստաբանն ընդգծում է, որ այս իրավիճակը բնորոշ է դատարաններին․ վճիռները, որպես կանոն, մինչև չորս ամիս ուշ են տրամադրվում կողմերին․ «Ընդհանուր առմամբ, այս քրեական գործով ի սկզբանե եղել է ու կա ձգձգման միտում»,- ասաց Ասլանյանը։
📣 Փաստաբանի խոսքով՝ այն դեպքերում, երբ իշխանությունը նպատակահարմար է գտնում, դատարանը սկսում է արագացված գործեր քննել և արգելանքի տակ վերցնել մեղադրյալներին։ Օրինակ՝ Միքայել և Բագրատ սրբազանների վարույթները, Սամվել Կարապետյանի և մյուսների գործերը։ |civilnet.am|

🇦🇲💬 Նիկոլ Փաշինյանը «բացարձակ անհեթեթություն» անվանեց լուրը, թե Հայաստանը մտադիր է հրաժարվել ռուսական հացահատիկից և ձեռք բերել ուկրաինականը։
🇷🇺📣 Քիչ առաջ ռուսական լրատվամիջոցները տարածել են ՌԴ արտաքին հետախուզական ծառայության հաղորդագրությունը, որում նշվում է, թե «հայերը քաղաքական պատճառներով ցանկանում են ազատվել Մոսկվայից և օգնություն ցուցաբերել Ուկրաինային՝ հացահատիկի անհրաժեշտ ծավալների մի մասը գնելով նրանցից»: