Category: Infocom

‼️ «Նժար» սահմանադրական շարժումն այսօր հանցանքի մասին հաղորդում է ներկայացրել դատախազություն՝ ընդդեմ Հանրային հեռուստաընկերության, Հեռուստատեսության և ռադիոյի հանձնաժողովի և Հանրային հեռարձակողի խորհրդի։
🔸 «Հանրային հեռուստաընկերությունը չի ծառայում հանրությանը, իսկ եթե նկատի ունենանք, որ առաջիկայում նախատեսված են խորհրդարանական ընտրություններ, ապա հասկանալի է դառնում թե՝ ինչ բնույթի ու ծավալի իշխանահաճո քարոզչություն ու ոչ իշխանական ուժերի կամ շարժումների վարկաբեկում է սպասվում։
🔸 Այս պնդումը հաստատվում է նրանով, որ շուրջ 3 շաբաթ է [իշխանությունը] ըստ էության սկսել թ քարոզարշավը, որը լուսաբանում է Հանրային ՀԸ-ն, և միևնույն ժամանակ չի լուսաբանում ընդդիմադիր որևէ կուսակցության կամ շարժման նշանակալի միջոցառումները (համագումարներ, ժողովներ, այլ)։
🔸 Եթե վերոգրյալին հավելենք նաև այն հանգամանքը, որ Հանրային ՀԸ-ն հատկապես վերջին ամիսների ընթացքում բացահայտ կամայական է լուսաբանել նաև Հայ Առաքելական Սուրբ Եկեղեցուն վերաբերող լուրերն ու իրադարձությունները, ապա կարող ենք նկատել, որ Հանրային ՀԸ-ն իրեն թույլ է տալիս նաև վարել հանցավոր՝ հակահոգևոր և հակակրոնական քաղաքականություն, որն օգտագործում է վարչապետի անձի շահերի սպասարկման նպատակով»,- նշված է բողոքի տեքստում:

🌐 Հայաստանում մի քանի գերատեսչությունների ներգրավվածությամբ քննարկվում է մինչև 16 տարեկան երեխաների մուտքը սոցիալական ցանցեր սահմանափակելու հարցը։
🗣 Այս մասին ասուլիսի ժամանակ հայտնել է ՀՀ ԿԳՄՍՆ hանրակրթության վարչության պետ Թամարա Սարգսյանը՝ հավելելով, որ հարցը քննարկվում է ԿԳՄՍ, Աշխատանքի և սոցիալական հարցերի, ԲՏԱ նախարարությունների կողմից։
💬 «Ներկայումս իրականացվում է հետազոտություն՝ պարզելու հնարավոր ռիսկերը, խնդիրները և կարգավորման տարբերակները։ Միայն ամբողջական պատկեր ունենալուց հետո կհստակեցվի, թե ինչ սահմանափակումներ կարող են կիրառվել և ինչ կայքեր կարող են ընդգրկվել դրանցում։ Թեման զգայուն է, հարցադրումները, շերտերը բավական շատ են»,- նշեց վարչության պետը։ |factor.am|

🇦🇲🇮🇷 ԱԺ նախագահի տեղակալ Ռուբեն Ռուբինյանը ընդունել է ՀՀ-ում Իրանի դեսպան Խալիլ Շիրղոլամիին:
🤝 Քննարկվել են Հայաստանի և Իրանի միջև հարաբերություններին առնչվող հարցեր: Կողմերն ընդգծել են միջխորհրդարանական համագործակցության կարևորությունը:
🔸 Զրուցակիցները մտքեր են փոխանակել տարածաշրջանային զարգացումների վերաբերյալ:

⚖️ 2026թ. ապրիլի 2-ին ՊՆ զորավարժադաշտում տեղի ունեցած դեպքի առթիվ նախաձեռնվել է քրեական վարույթ՝ Քրեական օրենսգրքի`
🔻 550-րդ հոդվածի 3-րդ մասի (զինվորական պաշտոնեական անփութությունը, որն անզգուշությամբ առաջացրել է մարդու մահ),
🔻 532-րդ հոդվածի 3-րդ մասի (զենքի, ռազմամթերքի, ռազմական տեխնիկայի կամ ռազմական այլ գույքի, շրջապատի համար առավել վտանգ ներկայացնող նյութերի, սարքերի կամ առարկաների հետ վարվելու կանոնները խախտելը, որն անզգուշությամբ առաջացրել է մարդու մահ) հատկանիշներով:

‼️ Պայմանագրային զինծառայողը մահացել է:
[ՀՀ քննչական կոմիտե]

🗳💰 Վաղարշապատի ընտրություններին ընտրակաշառք բաժանելու դեպքերի առթիվ քննվող վարույթով քրեական հետապնդումներ են հարուցվել 62 անձանց նկատմամբ. Հակակոռուպցիոն կոմիտե
📌 «Խմբի անդամները հավաքագրել են հիմնականում ՀՀԿ անդամների, և հինգ տասնյակից ավել անձանց խոստացել են 50․000-ական դրամի չափով ընտրակաշառք՝ պայմանով, որ ընտրություններին քվեարկեն «Հայրենիք» կուսակցության թեկնածուի օգտին: (…)
🔍 Հայտնաբերվել և վերցվել են ընտրակաշառք ստանալու առաջարկն ընդունած և ընտրակաշառք տալուն օժանդակած անձանց վերաբերյալ ձեռագիր գրառումներ պարունակող փաստաթղթեր, ընտրողների և ընտրատեղամասերի վերաբերյալ ցուցակներ։
📌 62 անձանց մի մասն իրենց մեղավոր են ճանաչել ներկայացված մեղադրանքում և տվել խոստովանական ցուցմունքներ»,- հայտնում են կոմիտեից:

🇦🇲📍 Իսրայելում 2025թ. հայերի վրա կատարվել է առնվազն 20 հարձակում:
📑 Այս մասին նշված է իսրայելական Rossing Center for Education and Dialogue կազմակերպության «Հարձակումներ քրիստոնյաների վրա Իսրայելում և Արևելյան Երուսաղեմում» զեկույցում։
📌 Զեկույցում խոսվում է նաև Երուսաղեմի հայկական թաղամասում սեփականության դեմ բազմաթիվ հարձակումների, ինչպես նաև քրիստոնյաների, այդ թվում՝ զբոսաշրջիկների վրա հարձակումների մասին՝ առանց տուժածների ազգությունը նշելու։ |arm.sputniknews.ru|
🔗 Կարդալ ավելին