Category: Infocom

✈️🇷🇺 ՀՀ ԱԽ քարտուղար Արմեն Գրիգորյանը կմեկնի Մոսկվա՝ մասնակցելու ԱՊՀ մասնակից պետությունների անվտանգության խորհրդի քարտուղարների 13-րդ հանդիպմանը։
📌 Նշենք, որ ԱՊՀ անդամ պետությունների անվտանգության խորհդի քարտուղարների հանդիպում է կազմակերպվում ամեն տարի։ ՀՀ ԱԽ քարտուղարը վերջին անգամ այդ հանդիպմանը մասնակցել է 2022թ. հոկտեմբերին։

🗣🗳 Նիկոլ Փաշինյանը ԱԺ-ում 2026թ. պետական բյուջեի նախնական քննարկման առիթն օգտագործեց ու խոսեց 2026-ի խորհրդարանական ընտրությունների մասին:
‼️ Նա մասնավորապես ընդգծեց, թե ՀՀ ժողովուրդը իր ընտրությամբ պետք է տեր կանգնի խաղաղությանը:
💬 «Հակառակը Հայաստանը ետ գլորելն է կոնֆլիկտի և ֆորպոստի տրամաբանության մեջ: Խաղաղությանը տեր կանգնելով՝ ՀՀ ժողովուրդը տեր կկանգնի նաև իր անկախության նորընծա մակարդակին, իր ինքնիշխանությանը, իր պետությանը և, ես հիմա խուսափում եմ ասել՝ տեր կկանգնի իր ապագային, որովհետև ապագան հիմա է»,- հայտարարեց Փաշինյանը:

🇰🇭✍️🇹🇭 Կամբոջան և Թաիլանդը ԱՄՆ նախագահ Դոնալդ Թրամփի ներկայությամբ սահմանային հակամարտության ավարտի մասին հռչակագիր են ստորագրել
📌 Ստորագրված փաստաթղթի համաձայն՝ կողմերը պարտավորվեցին դադարեցնել բոլոր ռազմական գործողությունները և հաստատել բարիդրացիական հարաբերություններ: Թաիլանդը կազատի 18 կամբոջացի ռազմագերիների, իսկ Կամբոջան կսկսի ծանր հրետանու դուրսբերումը սահմանից: Հրադադարին կհետևեն մալայզիացի դիտորդները:
🗣 ԱՄՆ նախագահը նշել է, որ սիրում է դադարեցնել պատերազմները։ «Ինձ դուր է գալիս դա անել: Ես դա չէի անվանի հոբբի, քանի որ դա շատ ավելի լուրջ է, քան հոբբին, բայց ես լավ եմ դրանում», — ընդգծել Թրամփը: |azatutyun.am|

❗️Գյումրու համայնքապետ Վարդան Ղուկասյանի նկատմամբ հարուցվել է նոր քրեական հետապնդում՝ այլ երկրների հետ միություն կազմելու վերաբերյալ նրա մտքերի համար, տեղեկանում ենք Վարդան Ղուկասյանի պաշտպանական թիմի հայտարարությունից։
🗣 «Հոկտեմբերի 25-ին՝ շաբաթ օրով, պարզ դարձավ, որ որոշում է կայացվել նոր քրեական հետապնդում հարուցելու մասին՝ դրանից ավելի քան մեկ ամիս առաջ՝ 2025 թվականի սեպտեմբերի 16-ին և 23-ին, Գյումրիի քաղաքապետ Վարդան Ղուկասյանի կողմից ՀՀ հակակոռուպցիոն դատարանի բակում՝ Հայաստանի այլ երկրների հետ միություն կազմելու վերաբերյալ իր մտքերի համար՝ դրանք «որակելով» որպես Հայաստանի Հանրապետության ինքնիշխանությունից հրաժարվելուն ուղղված հրապարակային կոչ (ՀՀ քրեական օրենսգրքի 422-րդ հոդվածի 2-րդ մասով)»։
📌 Հայտարարությունում նաև նշում են, որ չեն ընդունում մեղադրանքը և այն որակավորում են «քաղաքական հետապնդման դրսևորում»։

🇦🇲🇷🇺🇦🇿 «Ռուսական երկաթուղիներ» ընկերությունն այս պահին լուծում է Ադրբեջանի տարածքով դեպի Հայաստան ռուսական ապրանքների փոխադրման հետ կապված հարցերը։ Այս մասին լրագրողների հետ զրույցում ասել է ՌԴ փոխվարչապետ Ալեքսեյ Օվերչուկը։ 
🗣 «Ադրբեջանական կողմը հաստատել է, որ մենք հնարավորություն ունենք օգտագործել Ադրբեջանի երկաթուղին՝ ռուսական ապրանքներն Ադրբեջանի տարածքով Հայաստան փոխադրելու նպատակով։ Այսինքն, այս իմաստով մենք շատ հետաքրքիր տեղաշարժ ունենք։ Հիմա «Ռուսական երկաթուղիներ»-ը տարածաշրջանի իրենց գործընկերների հետ լուծում են հարցերը, թե ինչպես կազմակերպել այդ փոխադրումները»։|armenpress.am|

❗️Երևան քաղաքի Խանջյան փողոցում գտնվող սննդի կետում հրդեհ է բռնկվել։
📌 Հրդեհի բարդության «1 ԲԻՍ» կանչով դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ։
🔸 Հրդեհը մեկուսացվել է ժամը 11։56-ին, մարվել՝ 12։09-ին։
[ՆԳՆ ՓԾ]
Տեսանյութը՝ «Ինֆոքոմի»

❗️Հովհանավանքում Ստեփան Ասատրյանը (մինչ կարգալույծ հռչակվելը՝ Տեր Արամ) իր քարոզում շնորհակալություն հայտնեց Նիկոլ Փաշինյանին՝ երկու հազար տարի անց Հերովդեսի նման չվարվելու համար։
🗣 «Հերովդեսի կողմից ճշմարտությունը գլխատվելուց անցել է երկու հազար տարի։ Ահա այս օրերին մեր իրականության մեջ տեսնում ենք, որ դարձյալ ծնվում են էնպիսի մարդիկ, ովքեր փորձում են Աստծո խոսքը տարածել, բայց այսօր ևս աշխարհում կան փարիսեցիներ, սադուկեցիներ, և այս փարիսեցիները դարձայալ փորձ են անում գլխատելու սրբությունը, բայց ես իմ անկեղծ շնորհակալությունն եմ ուզում հայտնել մեր վարչապետին, որ երկու հազար տարի անց Հերովդեսի նման չի գործում, այլ գործում է ճիշտ հակառակը։
📌 Հարցը այստեղ ես չեմ, իմ անձը չի, իմ կերպարը չի։ Մեկ բան կա․ իմ շուրթերով ես չեմ խոսում, Աստված խոսում է մեր բերանով, երբ որ այդ բերանը փակում են՝ լռեցնում են նաև Աստծո խոսքը, իսկ Աստված խոսում է մի պայմանով, որովհետև սիրում է իր ժողովրդին»։

❗️Եկեղեցու ներսում պատարագին զուգահեռ մի քաղաքացի սկսեց գոռալ․ «Ստեփան Ասատրյան, դու իրավունք չունես պատարագ մատուցելու»։ Իրավիճակը մի պահ լարվեց, քաղաքացու «բերանը ձեռքերով փակեցին» և դուրս հանեցին։