Category: Infocom

Ադրբեջանն իր ինքնիշխան տարածքում ինչ-որ բան է անում. Թորոսյանը՝ Ստեփանակերտի եկեղեցին քանդելուն չարձագանքելու մասին
🔸 Հանրային ՀԸ լրագրողի դիտարկմանը, որ ոչ մի երկրի ինքնիշխան տարածքում հայկական եկեղեցի չպետք է քանդեն, Արսեն Թորոսյանը արձագանքեց.
📌 «Այո, իհարկե, չպետք է քանդեն, բայց եթե դու կարգավորման փուլում ես, երբ ուզում ես հարաբերությունները նորմալացնես, էդպիսի հարց ես բերում օրակարգ, ըստ էության նաև ինչ-որ տեղ ներքին գործերին չմիջամտելու բանով, եթե դա պատմական մշակութային ժառանգություն է, դա այլ ձևով է:
📌 UNESCO-ն է հիմնականում դրանով զբաղվում, և կարելի է այդ հարցը բարձրացնել, բայց երկկողմ հարաբերությունների օրակարգ դա չի կարող լինել, որովհետև մենք փորձում ենք խաղաղության կառուցել մեր հարևանի հետ, որի հետ ունենք շատ կնճռոտ անցյալ, որը մի օրում չի անցնելու»:

📑 Ինչ էջեր է ներառելու ՀՀ կենսաչափական անձնագրի նոր տարբերակը՝ ըստ ՆԳՆ առաջարկների:

🚰 Բյուրեղավանում իրականացվել է խմելու ջրի նմուշառում, որի արդյունքում հայտնաբերվել են շեղումներ՝ կոլիֆորմ մանրէներ:
📌 Կենսաբանական նմուշների հետազոտություններով հայտնաբերվել են ռոտավիրուս, ադենովիրուս, ինչպես նաև էնտերոհեմորագիկ և էնտերոախտածին կոլի խմբի ախտածիններ։
📌 Ձեռնարկվել են համապատասխան միջոցառումներ, պատկան մարմիններն իրազեկվել են:
📌 Ներկայում իրավիճակը գտնվում է վերահսկողության տակ, բռնկման ակտիվ տարածում չի արձանագրվում, և համաճարակաբանական տվյալները վկայում են գործընթացի մարումի մասին։
[Հիվանդությունների վերահսկման և կանխարգելման ազգային կենտրոն]

⚖️ Արթուր Ավանեսյանը 2 ամսով կալանավորվել է։ Որոշումը կայացրել է Հակակոռուպցիոն դատարանի դատավոր Արամ Գրիգորյանը։
💬 Փաստաբան Արամ Վարդևանյանը դատարանի բակում լրագրողներին ասաց, որ իրավական առումով բացատրություն չունի, քանի որ այստեղ «գործի նյութ չկա»։
📌 Ըստ Վարդևանյանի՝ վտանգավոր մարտավարություն է որդեգրել Հակակոռուպցիոն կոմիտեն՝ փաստացի քրեականացնելով նախընտրական ծրագրերի ներկայացումը։ |hesc.am|

🇦🇲🇺🇸 ԹՐԻՓՓ-ը միայն Ադրբեջանի հիմնական մասի և Նախիջևանի կապը չէ․ այն շատ ավելի մեծ և ռազմավարական նախագիծ է՝ Կենտրոնական Ասիան Եվրոպայի հետ կապելու, ինչպես նաև փոխադարձ օգուտների ապահովման հանձնառությունը հասկանալու համար։
📌 Այս մասին ասել է ՀՀ ԱԳ նախարարի տեղակալ Վահան Կոստանյանը.
🗣 «ԹՐԻՓՓ նախագծին աջակցելը Վաշինգտոնում ձեռք բերված համաձայնությունների թերևս ամենաճշգրիտ բնորոշումը չէ, քանի որ, նախ՝ TRIPP-ն այնպիսի նախագիծ է, որի լիակատար սեփականատերը Հայաստանն է, և երկրորդ՝ մենք ինքներս խիստ շահագրգռված ենք տարածաշրջանում հաղորդակցությունների բացմամբ»,- ընդգծել է Կոստանյանը։ |armenpress.am|