Category: Infocom

🇺🇸🇦🇲 Այսօր մենք ոգեկոչում ենք 111 տարի առաջ սարսափելի ցեղասպանության ժամանակ սպանված 1.5 միլիոն հայերի հիշատակը։ Այս մասին գրառում է կատարել ԱՄՆ Ներկայացուցիչների պալատի նախկին խոսնակ Նենսի Փելոսին:
🗣 «Հպարտ էի լինել խոսնակ, երբ Կոնգրեսը պաշտոնապես ճանաչեց Հայոց ցեղասպանությունը»,- գրել է Փելոսին։
📌 Նա ընդգծել է, որ պատմական ճշմարտության վերահաստատմամբ հնարավոր է աշխատել՝ թույլ չտալու նման ողբերգությունների կրկնություն։ |factor.am|

🇺🇸🇦🇲 Այսօր աշխարհի հայ համայնքները նշում են 1915-1923 թվականներին Օսմանյան կայսրության կողմից 1.5 միլիոն հայ կանանց, տղամարդկանց և երեխաների համակարգված սպանության և տեղահանության 111-րդ տարելիցը, հայտրարել է ԱՄՆ սենատոր Ադամ Շիֆը։
🗣 «Ավելի քան մեկ դար անց մենք կրկին հաստատում ենք, որ հայ ժողովրդին ոչնչացնելու նրանց ջանքերը ձախողվել են, և նվիրվում ենք նրանց հիշատակը պահպանելուն:
🔸 Հայերը շարունակում են մնալ ուժեղ և անսասան, և ես շարունակելու եմ աջակցել հայերին ամբողջ նահանգում և աշխարհում արդարության համար պայքարում»,- գրել է նա։ |1lurer.am|

🏋🏻‍♀️🥇 Էմմա Պողոսյանը դարձել է ծանրամարտի Եվրոպայի չեմպիոն։
📌 Երկամարտի 248 կգ արդյունքով` Պողոսյանը դարձավ ոսկե մեդալակիր:
[Հայաստանի ծանրամարտի ֆեդերացիա]

🔸 Հայոց ցեղասպանության թանգարան ինստիուտի կայքում ու սոցցանցի էջում անդրադարձել են վեհափառի այցին՝ լուսանկարներով ու տեղեկատվությամբ:
❌ Ժամեր անց և՛ կայքից և՛ սոցանցից հեռացվել է գրառումն ամբողջությամբ:
🔸 Այս պահին թանգարան ինստիուտի կայքում անդարադարձ կա միայն վարչապետի ու իշխանության մյուս ներկայացուցիչների այցին: |azatutyun.am|

⚖️ Բաքվի գերությունից հայրենիք վերադարձած Գևորգ Սուջյանը դիմել է ՄԻԵԴ՝ իրեն ապօրինի Բաքու գերեվարելու ու իր նկատմամբ ապօրինի գործողություններ կատարելու հարցով:
🗣 «Եվրոպական դատարան դիմելով՝ ցույց եմ տալու, որ այնտեղ գտնվող մեր բոլոր քաղաքացիները բռնադատված են: Հայցի հիմքը իմ անձի հետ է կապված, որ ինձ անօրինական բռնել ու դատել են»,- նշել է Սուջյանը Ծիծեռնակաբերդի հուշահամալիրում լրագրողների հետ զրույցում։ |aravot.am|

‼️ Վրաստանի հայ համայնքին չեն թույլատրել ակցիա անցկացնել Թուրքիայի դեսպանատան մոտ։
💬 Համայնքի վարչության անդամ Ժանետա Բաղդասարյանը փոխանցել է, որ հայ համայնքը հրաժարվում է ակցիան անցկացնել այլ վայրում, իրենք չեն դիտարկում ակցիայի անցկացումը Թուրքիայի դեսպանատան մոտի տարածքից բացի այլ հասցեում. «Այդ իսկ պատճառով ոչինչ անցկացնել չեն պատրաստվում»: |azatutyun.am|

🇦🇲🇫🇷 Սուրեն Պապիկյանը ընդունել է Ֆրանսիայի զինված ուժերի և վետերանների հարցերով լիազոր նախարար Ալիս Ռուֆոյին։
🗣 «Հանդիպման ընթացքում քննարկվել են պաշտպանության ոլորտում Հայաստան-Ֆրանսիա համագործակցությանն առնչվող մի շարք հարցեր։ Բարձր ենք գնահատել երկկողմ համագործակցության ներկա մակարդակը և ընդգծել դրա շարունակական խորացման կարևորությունը»,- գրել է Պաշտպանության նախարարը։

🔸Ամենայն Հայոց Կաթողիկոսը Մայր Աթոռ Սուրբ Էջմիածնի միաբանների ուղեկցությամբ այցելել է Ծիծեռնակաբերդի հուշահամալիր:
🔸 Հուշահամալիրում կատարվել է Հայոց Ցեղասպանության սուրբ նահատակների բարեխոսական կարգ:
⛪️ Ծիծեռնակաբերդ է տարվել նաև Հայոց Ցեղասպանության սրբոց նահատակաց մասունքարանը:
[Մայր Աթոռ Սուրբ Էջմիածին]

🇫🇷 Ֆրանսիան հիշատակում է 1915 թվականի Հայոց ցեղասպանությունը և հարգանքի տուրք է մատուցում դրա զոհերի հիշատակին․ Ֆրանսիայի նախագահ Էմանուել Մակրոն
🗣 «Սա հնարավորություն է՝ հիշելու, փոխանցելու և ընդգծելու այն անխզելի կապը, որը միավորում է Ֆրանսիան Հայաստանի և ֆրանսիացի ժողովրդին հայերի հետ»,- գրել է Մակրոնը։
🇬🇷 Հունաստանի նախագահ Կոնստանտինոս Տասուլասի ուղերձի մեջ նշված է՝ «Հունաստանն ու Հայաստանը կապված են համատեղ փորձությունների, ինչպես նաև համերաշխության, բարեկամության և փոխադարձ հարգանքի ամուր հարաբերությունների միջոցով կերտված հավերժական կապերով»։
🗣 «Օսմանյան կայսրության կողմից իրականացված Հայոց ցեղասպանության 111-րդ տարելիցին, որը մարդկության դեմ ամենասարսափելի հանցագործություններից մեկն է, մենք հարգանքի տուրք ենք մատուցում 1.5 միլիոն զոհերի հիշատակին»,- նշել է Հունաստանի նախագահը։